తెలుగులో మెగాస్టార్ చిరంజీవి దశాబ్దాల కాలం పాటు ఏకఛత్రాధిపత్యం వహించిన హీరో. మెగాస్టార్ చిరంజీవి బాలీవుడ్ లో సక్సెస్ కాలేదు. కానీ తన సత్తా బాలీవుడ్ మొత్తం తెలిసేలా చేశారు.
తెలుగులో మెగాస్టార్ చిరంజీవి దశాబ్దాల కాలం పాటు ఏకఛత్రాధిపత్యం వహించిన హీరో. మెగాస్టార్ చిరంజీవి బాలీవుడ్ లో సక్సెస్ కాలేదు. కానీ తన సత్తా బాలీవుడ్ మొత్తం తెలిసేలా చేశారు. అందుకు చిరంజీవి చిత్రాలు 80, 90 దశకాల్లో సాధించిన వసూళ్లే కారణం. ఇప్పుడు ఒక చిన్న ఫ్లాష్ బ్యాక్ గుర్తు చేసుకుందాం.
మెగాస్టార్ చిరంజీవి నటించిన స్టేట్ రౌడీ చిత్రం 1989లో ఇదే నెలలో విడుదలై ప్రభంజనం సృష్టించింది. మొదట ఈ చిత్రానికి చిరంజీవి కలసి వచ్చిన క్రేజీ డైరెక్టర్ కోదండరామిరెడ్డిని అనుకున్నారు. కానీ ఆ సమయంలో కోదండరామిరెడ్డి ఇతర చిత్రాలతో బిజీగా ఉండడంతో బి గోపాల్ లైన్ లోకి వచ్చారు.
స్టేట్ రౌడీ చిత్రం కంటే ముందుగా సంక్రాంతికి విడుదలైన చిరు చిత్రం అత్తకు యముడు అమ్మాయికి మొగుడు ఘనవిజయం సాధించింది. దీనితో స్టేట్ రౌడీ చిత్రాన్ని కొనేందుకు బయ్యర్లు బ్లాక్ చెక్కులతో నిర్మాత సుబ్బిరామిరెడ్డి వద్దకు వెళ్లారట. భారీ అంచనాలతో స్టేట్ రౌడీ విడుదలైంది. మొదట ఈ చిత్రానికి ఫ్లాప్ టాక్ వచ్చింది. నెమ్మదిగా పుంజుకొని వసూళ్ల రికార్డులు తిరగరాస్తూ అద్భుత విజయం సాధించింది.
స్టేట్ రౌడీ చిత్రానికి బాలీవుడ్ సినిమా తరహాలో వసూళ్లు వచ్చాయి. కేవలం నైజాం ఏరియాలోని అప్పట్లో ఈ చిత్రం రూ.1 కోటి వసూలు చేసింది. స్టేట్ రౌడీ ప్రభంజనం చూసి ముంబైలో బాలీవుడ్ వర్గాలు షాక్ కి గురయ్యారు. స్టేట్ రౌడీ వసూళ్ళని అమితాబ్ సినిమాలతో పోల్చుతూ ప్రముఖ ముంబై మ్యాగజైన్ 'వేర్ ఈజ్ అమితాబ్' అనే ఆర్టికల్ ప్రచురించింది. స్టేట్ రౌడీ 100 రోజుల వేడుకకు రజనీకాంత్ చీఫ్ గెస్ట్ గా హాజరయ్యారు. ఆ తర్వాతి సంవత్సరాలలో వచ్చిన గ్యాంగ్ లీడర్, ఘరానామొగుడు లాంటి చిత్రాలు చిరంజీవి బాక్సాఫీస్ సత్తాని తారా స్థాయికి చేర్చాయి.
