వెకేషన్ లో అల్లు అర్జున్.. వైరల్ గా మారిన ఐకాన్ స్టార్ స్టైలిష్ లుక్.. ఫ్యాన్స్ ఎదురుచూపులు!
ఐకాన్ స్టార్ అల్లు అర్జున్ (Allu Arjun) ప్రస్తుతం ఫ్యామిలీతో వేకేషనలో ఉన్నట్టు తెలుస్తోంది. ఈ సందర్భంగా బన్నీ కొత్త లుక్ లో ఆకట్టుకుంటున్నారు. ఇందుకు సంబంధించిన ఓ వీడియో వైరల్ గా మారుతోంది.
 )
Followఐకాన్ స్టార్ అల్లు అర్జున్ - క్రియేటివ్ డైరెక్టర్ సుకుమార్ కాంబినేషన్ లో ‘పుష్ప : ది రూల్’ (Pushpa The Rule) తెరకెక్కుతున్న విషయం తెలిసిందే. రీసెంట్ గా వైజాగ్ షూటింగ్ ను కూడా పూర్తి చేసుకున్నారు. నెక్ట్స్ షెడ్యూల్ కు కాస్తా సమయం దొరకడంతో బన్నీ ఫ్యామిలీతో వేకేషన్ కు వెళ్లినట్టు తెలుస్తోంది. ఇందుకు సంబంధించిన ఓ వీడియో నెట్టింట వైరల్ గా మారుతోంది. మరోవైపు బన్నీ వెకేషన్ లో కొత్త లుక్ లో దర్శనమివ్వడంతో ఫ్యాన్స్ ఖుషీ అవుతున్నారు.
రాజస్థాన్‌లోని రణతంబోర్ నేషనల్ పార్క్‌లో వీకెండ్ సందర్భంగా తన కుటుంబంతో కలిసి సమయాన్ని గడిపారు అల్లు అర్జున్. దీంతో నేషనల్ పార్కులో బన్నీ, కొడుకు ఆయాన్ తో కలిసి టైగర్ సఫారీని ఎంజాయ్ చేస్తున్న క్లిప్ ఒకటి సోషల్ మీడియాలో చక్కర్లు కొడుతోంది. వీడియోలో.. అర్జున్ తన కొడుకు పక్కన కూర్చుని కారులో నుంచే కొన్ని అడుగుల దూరంలో కనిపించే పులిని కెమెరాలో బంధించారు. ఇక అల్లు అర్జున్ పుష్పరాజ్ లుక్ లో మరింత స్టైలిష్ గా కనిపిస్తున్నారు. బ్లాక్ అడ్ వైట్ ప్రింటెడ్ షర్ట్ ధరించి.. అదిరిపోయే హెయిర్ స్టైల్ తో ఆకట్టుకుంటున్నారు. ఈ వీడియో చూసిన అభిమానులు బన్నీ కొత్త లుక్ కు హ్యాపీగా ఫీలవుతున్నారు.
మరోవైపు బన్నీ ‘పుష్పరాజ్’ లుక్ లోనే అప్పుడప్పుడు బయట కనిపిస్తుండటంతో Pushpa2పైనే ఫ్యాన్స్ లో మరింత ఆసక్తి పెరుగుతోంది. ప్రస్తుతం ‘పుష్ప : ది రూల్’ ఫస్ట్ లుక్ కోసం ఎదురుచూస్తున్నారు. అల్లు అర్జున్ పుట్టిన రోజు సందర్బంగా ఏప్రిల్ 8న సీక్వెల్ నుంచి అప్డేట్ అందుతుందని ఆశిస్తున్నారు. ఇక చిత్రాన్ని మైత్రీ మూవీ మేకర్స్ బ్యానర్ పై నిర్మాతలు నవీన్ ఏర్నేని, రవిశంకర్ రూ.350 కోట్లతో నిర్మిస్తున్నట్టు తెలుస్తోంది. గ్రాండ్ విజువల్స్, మరింత ఇంటెన్స్ యాక్షన్ తో ప్రేక్షకుల ముందుకు రాబోతున్నట్టు తెలుస్తోంది. హీరోయిన్ గా రష్మిక మందన్న (Rashmika Mandanna) నటిస్తున్న విషయం తెలిసిందే. ఫహద్ ఫాజిల్, సునీల్, జగపతి బాబు, అనసూయతో పాటు మరికొంతమంది తారాగణం కీలక పాత్రలు పోషిస్తున్నారు. రాక్ స్టార్ దేవీశ్రీ ప్రసాద్ సంగీతం అందిస్తున్నారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
