Rashmika Mandanna: అల్లు అర్జున్ ఫ్యాన్ కి రష్మిక మందాన కిస్సులు..!
అల్లు అర్జున్ అభిమానికి రష్మిక ముద్దులు ఇచ్చారు. సదరు ట్వీట్ సోషల్ మీడియాలో వైరల్ అవుతుంది. ఇంతకీ రష్మిక ఎందుకు ముద్దులిచ్చారంటే...
 )
Follow
రష్మీ మందన-అల్లు అర్జున్ పుష్ప మూవీతో సిల్వర్ స్క్రీన్ షేక్ చేశారు. పుష్పలో వీరి లవ్ ట్రాక్ అలరించింది. ముఖ్యంగా శ్రీవల్లి పాత్రలో రష్మిక మందాన ఒదిగిపోయి నటించింది. పుష్ప 2 మూవీతో మరోసారి ఈ జంట అలరించనున్నారు. ఇటీవల మూవీ షూట్ మొదలైంది. పుష్ప 2 ఈ ఏడాది చివర్లో విడుదల కానుంది. ఇప్పటికే విడుదల ఆలస్యం కాగా నిరవధికంగా చిత్రీకరణ జరుపుతున్నారు. ఇటీవల వైజాగ్ షెడ్యూల్ పూర్తి చేశారు. నెక్స్ట్ షెడ్యూల్ హైదరాబాద్ లో జరగనుందని సమాచారం.
ఇదిలా ఉంటే అల్లు అర్జున్ అభిమాని పోస్ట్ కి రష్మిక రిప్లై ఇచ్చారు. 'హే రష్మిక నీ పేరు ట్రెండ్ అవుతుంది' అని అల్లు అర్జున్ అభిమాని ఆమెను ట్యాగ్ చేసి ట్వీట్ చేశాడు. ఆ ట్వీట్ కి సమాధానంగా రష్మిక లవ్ ఎమోజీలతో పాటు కిస్ ఎమోజీ షేర్ చేసింది. దీంతో సదరు అభిమాని ఆనందానికి హద్దులు లేకుండా పోయాయి. ప్రస్తుతం రష్మిక ట్వీట్ వైరల్ అవుతుంది.
కాగా రష్మిక పాత్ర నిడివి పుష్ప 2 లో బాగా తగ్గించేశారనే ప్రచారం జరుగుతుంది. ముందుగా అనుకున్న స్క్రిప్ట్ కి పెద్ద మొత్తంలో మార్పులు చేయడంతో పాటు కొత్త క్యారెక్టర్స్ పరిచయం చేశారట. ఈ క్రమంలో రష్మిక పాత్రకు అన్యాయం జరిగిందంటున్నారు. ఈ న్యూస్ లో నిజమెంతో తెలియాలంటే విడుదల వరకు ఆగాల్సిందే. పుష్ప 2 చిత్రాన్ని సుకుమార్ దాదాపు రూ. 300 కోట్ల బడ్జెట్ తో తెరకెక్కిస్తున్నారు. రూ. 1000 కోట్ల వసూళ్ల టార్గెట్ తో పుష్ప 2 బాక్సాఫీస్ బరిలో దిగుతుంది.
పుష్ప 2తో పాటు రష్మిక యానిమల్ మూవీ చేస్తున్నారు. అర్జున్ రెడ్డి ఫేమ్ సందీప్ రెడ్డి వంగా దర్శకత్వంలో యానిమల్ తెరకెక్కుతుంది. రన్బీర్ కపూర్ హీరోగా నటిస్తున్నారు. మాఫియా నేపథ్యంలో యానిమల్ తెరకెక్కుతుంది. పాన్ ఇండియా మూవీగా పలు భాషల్లో ఈ చిత్రం విడుదల కానుంది. గత ఏడాది రష్మికకు పెద్దగా కలిసిరాలేదు. సీతారామం మాత్రమే సక్సెస్ అందుకుంది. ఆ చిత్ర క్రెడిట్ మొత్తం మృణాల్ ఖాతాలోకి వెళ్ళింది. ఆమె నటించిన వారసుడు సంక్రాంతి కానుకగా విడుదలై మిక్స్డ్ టాక్ తెచ్చుకుంది. ఈ మూవీలో ఆమెది ఎలాంటి ప్రాధాన్యత లేని పాత్ర కావడం కొసమెరుపు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
