రహస్య పెళ్లిపై వివరణ ఇచ్చిన ప్రణీత.. అభిమానులకు క్షమాపణలు!
ప్రణీత ఇంత సీక్రెట్గా మ్యారేజ్ చేసుకోవడంపై సర్వత్రా చర్చనీయాంశంగా మారింది. దీంతో తాజాగా తన మ్యారేజ్పై ప్రణీత స్పందించింది. సోషల్ మీడియా ద్వారా తన క్షమాపణలు చెబుతూ వివరణ ఇచ్చింది.
హీరోయిన్ ప్రణీత సుభాష్ ఆదివారం బెంగుళూర్లో రహస్యంగా వివాహం చేసుకున్న విషయం తెలిసిందే. నితిన్రాజు అనే వ్యాపార వేత్తని ఆమె వివాహమాడింది. పూర్తి ప్రైవేట్ ఈవెంట్గా జరిగిన ఈ మ్యారేజ్ ఫోటోలు ఇప్పుడు సోషల్ మీడియాలో వైరల్గా మారాయి. అదే సమయంలో ప్రణీత ఇంత సీక్రెట్గా మ్యారేజ్ చేసుకోవడంపై సర్వత్రా చర్చనీయాంశంగా మారింది. దీంతో తాజాగా తన మ్యారేజ్పై ప్రణీత స్పందించింది. సోషల్ మీడియా ద్వారా తన క్షమాపణలు చెబుతూ వివరణ ఇచ్చింది.
ప్రణీత, నితిన్ ఇద్దరు కలిసి అభిమానులకు ఓ నోట్ని పంచుకున్నారు. ఇందులో చెబుతూ, `మేం మే 30న అతికొద్ది మందితో వివాహం చేసుకున్నామనే విషయాన్ని తెలియజేయడానికి సంతోషిస్తున్నాం. ఈ విషయాన్ని మీకు(అభిమానులు) ముందుగా తెలియజేయనందుకు క్షమాపణలు తెలియజేస్తున్నాం. కరోనా నేపథ్యంలో మాకు మ్యారేజ్ డేట్ ఫైనల్ కావడానికి టైమ్ పట్టింది. పెళ్లికి ముందురోజే ఫైనల్ అయ్యింది. అందుకే ఆ విషయాన్ని తెలపలేకపోయాం. నిజానికి చాలా రోజులుగా డేట్ సెట్ కావడం లేదు. మీ ప్రేమ కంటే ఏదీ ఎక్కువ కాదు. దయజేసి మా క్షమాపణలను స్వీకరించండి` అని తెలిపిందీ కొత్త జంట.