అలా పోల్చుతుంటే నటుడిగా ఆనందిస్తున్నా.. కొత్త దర్శకుల ఎంపికపై నాని ఇంట్రెస్టింగ్ కామెంట్స్..
నాని హీరోగా డెబ్యూ దర్శకుడు శ్రీకాంత్ ఓదెల దర్శకత్వంలో తెరకెక్కిన ‘దసరా’ బ్లాక్ బాస్టర్ గా నిలిచింది. ఈ సందర్భంగా నాని ఆయా అంశాల పై ఇంట్రెస్టింగ్ కామెంట్స్ చేశారు.
 )
Followమొదటి నుంచి సహజమైన నటనతో ప్రేక్షకుల్లో మంచి గుర్తింపు దక్కించుకున్నారు నేచురల్ స్టార్ నాని (Nani). అసిస్టెంట్ డైరెక్టర్ నుంచి స్టార్ హీరోగా కేవలం తన టాలెంట్ ను నమ్ముకొని ఎదిగారన్న విషయం అందరికీ తెలిసిందే. తను ఎదగడంతో పాటు కొత్త వారికీ అవకాశాలు ఇస్తూ వస్తున్నారు. కొత్త డైరెక్టర్లతో సినిమాలు తీస్తూ సక్సెస్ అందుకుంటున్నారు. గతంలో నందిని రెడ్డి, శివ నిర్వాణ, నాగ్ అశ్విన్ లాంటి వారితో కొత్తగా సినిమాలు తీసి న్యూ టాలెంట్ ను ఎంకరేజ్ చేశారు.
ప్రస్తుతం డెబ్యూ దర్శకుడు శ్రీకాంత్ ఓదెలతో ప్రేక్షకుల ముందుకు ‘దసరా’ను తీసుకొచ్చి బ్లాక్ బాస్టర్ హిట్ అందుకున్నాడు. కథలోనూ రోటీన్ కు భిన్నంగా ఉండేలా చూసుకుంటారు నాని. అయితే కొత్త దర్శకులను ఎంపిక చేసుకోవడంపై నాని తాజాగా ఓ ఇంటర్వ్యూలో ఇంట్రెస్టింగ్ కామెంట్స్ చేశారు. నాని మాట్లాడుతూ.. కొత్త దర్శకులను ప్రత్యేకంగా ఏమీ ఎంచుకోను. కథలో ప్రత్యేకత ఉంటే వారితో తప్పకుండా సినిమా చేస్తాను. కథలే కొత్త దర్శకులకు అవకాశాలిచ్చేలా చేశాయి. మరోవైను న్యూ టాలెంట్ వస్తే కూడా బాగుంటుందన్నారు.
అలాగే తను ఇంట్రడ్యూస్ చేసిన డైరెక్టర్స్ ప్రస్తుతం గొప్ప స్థానాల్లో ఉండటం సంతోషంగా ఉందన్నారు. అందుకు గర్వంగానూ ఉందని తెలిపారు. ఈక్రమంలో ‘దసరా’ కథను చెప్పినప్పుడు శ్రీకాంత్ తో సినిమా చేయాలని నిర్ణయించుకున్నాను. శ్రీకాంత్ కూడా చాలా పెద్ద డైరెక్టర్ అవుతాడని సినిమా చేస్తున్నప్పుడే చెప్పానన్నారు. ప్రస్తుతం ‘దసరా’ను నార్త్ ఆడియెన్స్ కూడా బాగా ఎంజాయ్ చేస్తుండటం ఆనందంగా ఉందన్నారు.
జెర్సీ, శ్యామ్ సింగరాయ్ ల తర్వాత దసరాతో ఫ్యాన్స్ ను ఫుల్ ఖుషీ చేశారు నాని. ఆడియెన్స్ మద్దతే కాకుండా ఇటు టాలీవుడ్ ప్రముఖులు రాజమౌళి, ప్రభాస్, రవితేజ, మహేశ్ బాబు సైతం ప్రశంసల జల్లు కురిపిస్తున్నారు. మరోవైపు రామ్ చరణ్ కు ‘రంగస్థలం’, అల్లు అర్జున్ కు ‘పుష్ప’, నానికి ‘దసరా’ అంటూ పోస్టులు పెడుతున్నారు. దీనిపైనా కూడా నాని స్పందిస్తూ... ఆ వార్తలు చూస్తున్నప్పుడల్లా చాలా సంతోషంగా ఉందన్నారు. సినిమా నుంచి వచ్చే సక్సెస్ తో ఆనందపడతానే గానీ, త్రుప్తి చెందనని చెప్పారు. దాంతో తర్వాత సినిమాల్లో కొత్తదనానికి ప్రయత్నం ఆగిపోతుందన్నారు. అందుకే ఏ సినిమాకీ త్రుప్తిపడనని చెప్పుకొచ్చారు. ప్రస్తుతం ‘దసరా’కు ముందు, ఆ తర్వాత నాని అంటున్నారు. గతంలో ‘భలే భలే మగాడివోయ్, నిన్ను కోరీ, జెర్నీ’లకి కూడా అలాగే ఉన్నారు. ఈ మాట మాత్రం జీవితాంతం ప్రతి సినిమాకు వినాలని ఉందన్నారు.
దసరా నాలుగు రోజుల్లోనే రూ.70 కోట్లకు పైగా వసూళ్లు సాధించింది. ప్రస్తుతం నార్త్ లో కలెక్షన్లు పెరిగాయి. దీంతో మరింతగా వసూళ్లు చేసే అవకాశం లేకపోలేదని ట్రేండ్ వర్గాల అంచనాలు. నాని - కీర్తి సురేష్ జంటగా నటించారు. శ్రీ లక్ష్మీ వెంకటేశ్వర సినిమాస్ బ్యానర్ పై నిర్మాత చెరుకూరి సుధాకర్ నిర్మించారు. మార్చి 30న పాన్ ఇండియా సినిమాగా ఐదు భాషల్లో రిలీజైంది. సంతోష్ నారాయణ్ సంగీతం అందించారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
