షాకింగ్: అల్లు అర్జున్ చిత్రంలో హన్సిక నెగిటివ్ రోల్
అప్పడెప్పుడో కెరీర్ మొదట్లో అల్లు అర్జున్ చిత్రంలో హన్సిక హీరోయిన్ గా చేసింది.
అప్పడెప్పుడో కెరీర్ మొదట్లో అల్లు అర్జున్ చిత్రంలో హన్సిక హీరోయిన్ గా చేసింది. పూరి జగన్నాథ్ దర్శకత్వంలో దేశముదురు టైటిల్ తో తెరకెక్కిన ఆ చిత్రం ఘన విజయం సాధించింది. హన్సికకు మంచి మార్కెట్ తెచ్చి పెట్టింది. అయితే ఆ తర్వాత మళ్లీ వీరిద్దరి కాంబినేషన్ లో సినిమా రాలేదు.
ఆ తర్వాత హన్సిక బిళ్లా, కంత్రి, మస్కా, ఓ మై ప్రెండ్, పవర్, గౌతమ్ నంద వంటి చిత్రాలు చేసినా ఆ స్దాయి సక్సెస్ రాలేదు. దాంతో ఆమె తమిళంలో సినిమా చేస్తూ బిజీగా ఉంటోంది. అప్పడప్పుడూ మంచు విష్ణు వంటి హీరోల సినిమాల్లో హీరోయిన్ గా చేస్తూ తెలుగులో కనిపిస్తోంది. అయితే హన్సిక తెలుగులో ఓ సినిమా చెయ్యబోతోందని, అదీ అల్లు అర్జున్ సరసన అని సమాచారం.
అయితే అల్లు అర్జున్ సినిమాలో ఆమెది రెగ్యులర్ హీరోయిన్ పాత్ర కాదని, నెగిటివ్ షేడ్స్ ఉన్న పాత్రని తెలుస్తోంది. ఈ మేరకు ఆమెను ఎప్రోచ్ అయ్యారని, ఆమె గ్రీన్ సిగ్నల్ ఇచ్చిందని తమిళ సినీ వర్గాల సమాచారం. వేణు శ్రీరామ్ చిత్రంలో ఆమె చేయబోతోందని అంటున్నారు. ఐకాన్ అనే టైటిల్ తొ రూపొందే ఈ చిత్రంలో ఆమె పాత్ర స్పెషల్ గా ఉంటుందని, అందుకే కమిటైందని అంటున్నారు.
ఇక హన్సిక అయితే బెస్ట్ ఆఫ్షన్ అని అల్లు అర్జున్ కూడా భావించాడంటున్నారు. ఇక వేణు శ్రీరామ్ తొలి చిత్రం ఓ మై ఫ్రెండ్ లో ఆమె ఓ హీరోయిన్ గా నటించింది. ఆ పరిచయంతో ఎప్రోచ్ అయ్యారని అంటున్నారు. ఏదైమైనా హన్సిక మళ్లీ తెలుగులో పెద్ద హీరోతో చేయటం సంతోషకరమైన విషయమే కదా.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
