Super Girl movie Indrani: తెలుగులో మొట్టమొదటి సూపర్ గర్ల్ మూవీ 'ఇంద్రాణి'

తెలుగు తెరపై గతంలో ఎన్నడూ చూడని డిఫరెంట్ పాయింట్ ఎంచుకొని ఈ సినిమాను రూపొందించనున్నారు. యాక్షన్ సన్నివేశాలకు తోడు కమర్షియల్ హంగులు జోడించి ఓ సూపర్ గర్ల్ స్టోరీగా తెరకెక్కుతున్న సినిమా 'ఇంద్రాణి'(Indrani).

వెరోనికా ఎంటర్‌టైన్‌మెంట్స్ బ్యానర్‌పై స్టాన్లీ సుమన్ బాబు నిర్మాణ సారథ్యంలో తెలుగు తెరకు స్టీఫెన్ డైరెక్టర్ గా పరిచయమవుతూ తెరకెక్కించనున్న అడ్వెంచర్ మూవీ 'ఇంద్రాణి'(Indrani).తెలుగు తెరపై గతంలో ఎన్నడూ చూడని డిఫరెంట్ పాయింట్ తీసుకుని ఈ మూవీని తెరకెక్కిస్తున్నారు. యాక్షన్ సన్నివేశాలకు తోడు కమర్షియల్ హంగులు జోడించి ఓ సూపర్ గర్ల్ స్టోరీగా తెరకెక్కుతున్న సినిమా ఇంద్రాణి.

సూటిగా చెప్పాలంటే.. ఓ కెప్టెన్ మార్వెల్(Captain Marvel), ఓ వండర్ విమెన్(wonder woman) లాంటి క్యారెక్టర్‌తో రంగంలోకి దిగబోతోంది ఇంద్రాణి. వినూత్న ప్రయోగంతో హీరోయిన్ ఓరియెంటెడ్ సినిమాగా ఈ సినిమాను తెరకెక్కించబోతున్నారు.లీడ్ రోల్ పోషిస్తున్న హీరోయిన్‌కి సూపర్ పవర్ ఉంటుంది. ఆమెతో పాటు స్టోరీ అంతా ట్రావెల్ చేసే మరో ఇద్దరు హీరోయిన్లకు ఈ సినిమాలో స్కోప్ ఉందని మేకర్స్ చెపుతున్నారు. ఇప్పటి వరకూ ఎవరూ టచ్ చేయని కథను ఎంపిక చేసుకున్నట్టు వారు చెపుతున్నారు.

ఈ సినిమా డైరెక్టర్ స్టీఫెన్.. న్యూయార్క్ ఫిలిం అకాడమీలో ట్రైనింగ్ చేసి అక్కడే రెండున్నర సంవత్సరాల పాటు స్క్రిప్ట్‌పై వర్కౌట్ చేశారు. స్క్రీన్ ప్లే ఎలా ఉండాలి? చాలా గ్రాండ్‌గా VFX వర్క్ ఎలా జరగాలి అనేదానిపై ఓ అంచనాకు వచ్చిన తరువాత ఈ సినిమా ప్లాన్ చేశారు. ఆ తర్వాత కూడా ఇండియాలో మరో మూడు నెలలు రీసెర్చ్ చేసి సూపర్ అవుట్‌పుట్‌ని ఆడియన్స్ ముందు ఉంచడమే లక్ష్యంగా ఇప్పుడు రంగంలోకి దిగుతున్నారు. ఇప్పటికే ప్రీ ప్రొడక్షన్ పనులు కూడా ఫినిష్ చేశారు. షూటింగ్‌కి సంబంధించిన షెడ్యూల్స్‌పై త్వరలో క్లారిటీ రానుంది.

ఈ సినిమాలో యాక్షన్ ఎపిసోడ్స్ ను అద్భుతంగా తీర్చిదిద్దబోతున్నారు. ఇవి అందరిని అబ్బురపరుస్తాయని నిర్మాత తెలిపారు. రెండున్నర సంవత్సరాల పాటు శ్రమించి స్టీపెన్ చాలా అద్భుతమైన కథను రెడీ చేశారని, ఇది అన్నివర్గాల ప్రేక్షకులను ఆకట్టునేలా ఉంటుందని నిర్మాత స్టాన్లీ సుమన్ బాబు చెప్పారు. సాయి కార్తీక్ అందించబోతున్న మ్యూజిక్ సినిమాలో హైలైట్ కానుందని చెప్పారు. చోటా కె ప్రసాద్ ఎడిటింగ్ బాధ్యతలు చేపడుతున్నారు. అతిత్వరలో ఈ సినిమాకు సంబంధించిన మరిన్ని వివరాలు ప్రకటించబోతున్నారు.