ఫస్ట్ టైమ్ ఇండియాలోనూ ఇలాంటి కాన్సెప్ట్ తో ఓ సినిమా రాబోతుంది. తెలుగులో అలాంటి చిత్రం రాబోతుండటం విశేషం. `ఇంద్రాణి` పేరుతో దీన్ని తెరకెక్కిస్తున్నారు.
హాలీవుడ్లో సూపర్హీరోలు, సూపర్ఉమెన్ సినిమాలు చాలా వస్తుంటాయి. ఓ సిరీస్గా వస్తూ ఈ చిత్రాలు ఆడియెన్స్ ని ఎంటర్టైన్ చేస్తున్నాయి. కానీ ఫస్ట్ టైమ్ ఇండియాలోనూ ఇలాంటి కాన్సెప్ట్ తో ఓ సినిమా రాబోతుంది. తెలుగులో అలాంటి చిత్రం రాబోతుండటం విశేషం. `ఇంద్రాణి` పేరుతో దీన్ని తెరకెక్కిస్తున్నారు. ఇది మొదటి ఇండియన్ సూపర్గర్ల్ చిత్రమంటోంది యూనిట్. స్టీఫెన్ దర్శకుడిగా పరిచయం అవుతూ, యానియా భరద్వాజ్, ఫ్రణిత జిజిన, కబీర్ సింగ్ ప్రధాన పాత్రలు పోషిస్తున్నారు.
వినూత్న తరహాలో భారీ వీఎఫ్ఎక్స్తో తెరకెక్కుతోన్న ఈ చిత్రాన్ని తెరకెక్కిస్తున్నారు. ఈ సినిమా ఆదివారం హైదరాబాద్లో ప్రారంభమైంది. ముహూర్తపు సన్నివేశానికి నరేష్ విజయకృష్ణ క్లాప్ కొట్టగా, నిర్మాత బెక్కం వేణుగోపాల్ కెమెరా స్విఛాన్ చేశారు. ఈ సందర్భంగా `ఇంద్రాణి` మోషన్ పోస్టర్ను తుంబాడ్(హింది) దర్శకుడు రాహి అనిల్ బార్వే విడుదల చేశారు. ఆయన మాట్లాడుతూ, `రెండున్నర సంవత్సరాల పాటు స్క్రిప్ట్పై కసరత్తులు చేసి స్క్రీన్ ప్లే ఎలా ఉండాలి? చాలా గ్రాండ్గా VFX వర్క్ ఎలా జరగాలి అనేదానిపై ఓ అంచనాకు వచ్చి చేస్తున్న చిత్రమిది. మోషన్ పోస్టర్ అమేజింగ్గా ఉంది. తప్పకుండా టీమ్ అందరికీ మంచి పేరు వస్తుందని నమ్ముతున్నాను. సాయి కార్తీక్ మంచి మ్యూజిక్ ఇచ్చాడు. టీం అందరికీ అల్ ద బెస్ట్` అని చెప్పారు.
సీనియర్ నటుడు నరేష్ మాట్లాడుతూ, `ఇంద్రాణి` మోషన్ పోస్టర్ చూడగానే గూజ్బమ్స్ వచ్చాయి. స్టీపెన్, స్టాన్లీ కచ్చితత్వం ఉన్న వ్యక్తులు. పక్కా ప్రణాలికతోనే ముందుకు వెళ్తారు. మంచి మనుషులు మంచి కాన్సెప్ట్తో వస్తున్నారు. ఈ సినిమా అన్ని భాషల్లో విజయం సాధించాలని కోరుకుంటున్నా` అని తెలిపగా, `ఈ సినిమాను అన్ని భాషల్లో విడుదల చేయాలని ప్లాన్ చేస్తున్నారు .కొత్తదనం కోసం ప్రయత్నం చేస్తున్న ఈ సినిమా తప్పకుండా విజయవంతం అవ్వాలని నిర్మాత బెక్కం వేణుగోపాల్ చెప్పారు.
సంగీత దర్శకుడు సాయి కార్తీక్ మాట్లాడుతూ - ``మన సినిమా ఇండస్ట్రీకు కూడా సూపర్ బాయ్, సూపర్ ఉమెన్, సూపర్ విలన్ లు రావాలి. రెగ్యులర్ కమర్షియల్ సినిమా చేయకుండా ఒక విభిన్న చిత్రం చేస్తున్న మా స్టీఫెన్, స్టాన్లీకి కంగ్రాచ్యులేషన్స్..అవేంజర్స్లా ఈ సినిమా తీయాలని కోరుకుంటూ టీం అందరికీ అల్ ద బెస్ట్`` అన్నారు. యానియా భరద్వాజ్ మాట్లాడుతూ - `ఇంద్రాణి పాత్రే నన్ను సెలక్ట్ చేసుకుంది. ఈ సినిమాలో నాకు మంచి రోల్ ఇచ్చిన దర్శక, నిర్మాతలకు ధన్యవాదాలు. తప్పకుండా ఈ సినిమా మీ అందరికీ నచ్చుతుంది`` అన్నారు.
చిత్ర దర్శకుడు స్టీఫెన్ మాట్లాడుతూ - ``ఈ సినిమా కోసం చాలా హార్డ్ వర్క్ చేశాను. చిన్నపిల్లలందరికి ఇండియాలో సూపర్ హీరో లేరు. ఈ సినిమా రిలీజ్ తరువాత ఇంద్రాణి గురించి దేశం మొత్తం మాట్లాడుకుంటారు. ఇది ఫుల్ ఎంటర్టైన్మెంట్ తో వస్తున్న పక్కా మాస్ మార్వెల్ సినిమా. అన్ని రకాల కమర్షియల్ అంశాలు ఉంటాయి. ప్రపంచం మొత్తం ఇంద్రాణి వైపు చూసేలా క్రియేటివ్ వరల్డ్ లా ఈ సినిమాను భారీ బడ్జెట్, హై టెక్నికల్ వ్యాల్యూస్తో రూపొందింస్తున్నాం. ఇంద్రాణి పాత్రలో డిఫరెంట్ షేడ్స్ ఉంటాయి. వాటన్నింటికి యానియా భరద్వాజ్ ప్రోఫైల్ సరిగ్గా సరిపోవడంతో లీడ్ క్యారెక్టర్కు ఆమెను సెలక్ట్ చేసుకోవడం జరిగింది. ఈ సినిమా కోసం మార్షల్ ఆర్ట్స్ లో శిక్షణ తీసుకుంది. యామిని యాక్షన్ ఎపిసోడ్స్ ప్రేక్షకుల్ని తప్పకుండా అలరిస్తాయి`` అన్నారు
నటీనటులు: యానియా భరద్వాజ్, కబీర్ సింగ్, ఫ్రణిత జిజిన, గరీమా కౌశల్, షతఫ్ అహ్మద్
కథ, స్క్రీన్ ప్లే, దర్శకత్వం, నిర్మాత: స్టీఫెన్
ఎగ్జిక్యూటివ్ ప్రొడ్యూసర్: స్టాన్లీ సుమన్ బాబు
డిఓపి: చరణ్ మాధవ నేని
ఎడిటర్: చోటా కె ప్రసాద్
మ్యూజిక్: సాయి కార్తీక్
ఆర్ట్ డైరెక్టర్: రవి కుమార్ గుర్రం
యాక్షన్ డైరెక్టర్: ప్రేమ్ సన్
క్యాస్టింగ్ డైరెక్టర్: అమిత్ అవినాష్ శర్మ
ఫైనాన్స్ కంట్రోలర్: మిర్తిపాటి నరేష్
కాస్టూమ్స్: సిరిచందన కృష్ణన్, సాయి కిరణ్
