పెళ్లి చేసుకుంటానని మోసం..కంగనా రనౌత్ బాడీగార్డ్ పై రేప్ కేసు నమోదు
కంగనా రనౌత్ బాడీ గార్డ్ కుమార్ హెగ్డేపై ముంబయిలోని డిఎన్ నగర్ పోలీస్ స్టేషన్లో రేప్ కేసు నమోదైంది.
కంగనా రనౌత్ బాడీ గార్డ్ కుమార్ హెగ్డేపై ముంబయిలోని డిఎన్ నగర్ పోలీస్ స్టేషన్లో రేప్ కేసు నమోదైంది. తనని మ్యారేజ్ చేసుకుంటానని, బలవంతంగా రేప్ చేశాడని, ఇప్పుడు మోసం చేశాడని బాధితురాలు ఇచ్చిన ఫిర్యాదు మేరకు పోలీసులు ఎఫ్ఐఆర్ నమోదు చేశారు. బాధితురాలు బ్యూటీషియన్గా పనిచేస్తున్నారు.
తమకి ఎనిమిదేళ్లుగా పరిచయం ఉందని, గత ఏడాదిజూన్లోనే తనని వివాహం చేసుకుంటాడని హామీ ఇచ్చినట్టు పేర్కొంది. తనని బలవంతంగా లైవ్ ఇన్ సంబంధానికి ఒత్తిడిచేశాడని, తన అంగీకారంతో సంబంధం లేకుండా తనని రేప్ చేశాడని తెలిపింది. తాను అతను మ్యారేజ్ చేసుకుంటాడని ఆశించినట్టు, కానీ ఇప్పుడు మోసం చేశాడని తన ఫిర్యాదులో పేర్కొంది. దీంతోపాటు తల్లి ఆరోగ్యం బాగా లేదని తన నుంచి యాభై వేలు అప్పుగా తీసుకున్నాడని తెలిపింది. ఈ విషయాన్ని పోలీసులు కూడా ధృవీకరించారు. దీనిపై దర్యాప్తు చేస్తున్నట్టు తెలిపారు. ఐపీసీ సెక్షన్స్ 376, 377,420 సెక్షన్ల కింద కేసు నమోదు చేసి దర్యాప్తు చేస్తున్నట్టు పేర్కొన్నారు.