మెగా పవర్ స్టార్ రామ్ చరణ్ హీరోగా దర్శకుడు బోయపాటి శ్రీను 'వినయ విధేయ రామ' సినిమాను తెరకెక్కిస్తోన్న సంగతి తెలిసిందే. పవర్ ఫుల్ మాస్, యాక్షన్ ఎంటర్టైనర్ గా ఈ సినిమాను రూపొందిస్తున్నారు. 

ఇప్పటికే ఈ సినిమాకు సంబంధించిన ఫస్ట్ లుక్ పోస్టర్, టీజర్ ని విడుదల చేసింది చిత్రబృందం. టైటిల్ క్లాస్ గా ఉన్నా.. టీజర్ మాత్రం చాలా మాసీగా ఉంది. అయితే సినిమాలో ఎమోషన్స్, ఫ్యామిలీ సెంటిమెంట్ కూడా బాగా ఉంటుందని ఇప్పుడు ఆ కోణాన్ని తెలియజేసే విధంగా సినిమాలో ఒక పాటను విడుదల చేయబోతున్నారు.

ఈ సినిమాలో ఫ్యామిలీ సాంగ్ ని విడుదల చేయబోతున్నట్లు మేకర్స్ ప్రకటించారు. డిసంబర్ 3 సోమవారం నాడు సాయంత్రం 4 గంటలకు 'తందానే తందానే' అనే పాటను విడుదల చేయనున్నారు.

కియారా అద్వానీ హీరోయిన్ గా నటిస్తోన్న ఈ సినిమాని డీవీవీ దానయ్య నిర్మిస్తున్నారు. దేవిశ్రీ ప్రసాద్ స్వరకర్త. వచ్చే ఏడాది సంక్రాంతి కానుకగా ఈ సినిమాను విడుదల  చేయనున్నారు.