Asianet News TeluguAsianet News Telugu

ఒకేరోజు ఇటు థియేటర్లలో `లవ్‌స్టోరి`, అటు ఓటీటీలో `టక్ జగదీష్‌`.. ఎగ్జిబిటర్లు ఆగ్రహం..

`టక్‌ జగదీష్‌` చిత్రాన్ని సెప్టెంబర్ 10న ఓటీటీలో రిలీజ్‌కి సన్నాహాలు జరుగుతున్నాయట. అదే రోజు నాగచైతన్య, సాయిపల్లవి నటించిన `లవ్ స్టోరి` చిత్రం విడుదలకు రెడీగా ఉంది. ఈ నేపథ్యంలో ఈ రెండు సినిమాల మధ్య పోటీ తప్పదని, థియేటర్‌ కోసం ఓ సినిమా, ఓటీటీ కోసం మరో సినిమా పోటీ పడటంతో థియేటర్‌లో రిలీజ్‌ అయ్యే సినిమాపై ప్రభావం పడుతుందని ఎగ్జిబిటర్లు ఆందోళన చెందుతున్నారు. 

exhibitors fire on nani tuck jagadish in ott clash with love story
Author
Hyderabad, First Published Aug 20, 2021, 10:50 AM IST
  • Facebook
  • Twitter
  • Whatsapp

థియేటర్లు ఓపెన్‌ అయినా పెద్ద సినిమాలు రిలీజ్‌కి ముందుకు రావడం లేదు. డేట్‌ వెనక్కి వెల్లడమో, లేక ఓటీటీలనో ఆశ్రయిస్తున్నారు. ఇటీవల వెంకటేష్‌ నటించిన `నారప్ప` సినిమా ఓటీటీలో విడుదలపై పెద్ద వివాదమే నడిచింది. అది తమిళ నిర్మాత కలై పులి ఎస్‌ థాను నిర్ణయమని టాలీవుడ్ నిర్మాత సురేష్‌బాబు తెలిపారు. తనపై వచ్చిన విమర్శలు అటువైపు మళ్లీంచారు. ఇప్పుడు మరోసారి ఓటీటీ వివాదం నెలకొంది. 

నాని హీరోగా రూపొందిన `టక్‌ జగదీష్‌` చిత్రాన్ని ఓటీటీలో విడుదల చేయబోతున్నారు. సెప్టెంబర్‌ 10న దీన్ని ప్రముఖ ఓటీటీలో విడుదల చేసేందుకు నిర్మాతలు ప్లాన్ చేస్తున్నారు. ఈ విషయాన్ని ఇటీవల హీరో నాని వెల్లడించారు. నిర్మాతల ఒత్తిడి మేరకు, థియేటర్లలో పరిస్థితి, ఏపీలో థియేటర్లలో 100శాతం సీటింగ్‌కి అనుమతి లేకపోవడం వంటి కారణాలతో సినిమాని ఎలా విడుదల చేయాలనే దానిపై నిర్మాతల నిర్ణయాన్ని ఆహ్వానిస్తున్నట్టు నాని తెలిపారు. 

అయితే ఈ చిత్రాన్ని సెప్టెంబర్ 10న ఓటీటీలో రిలీజ్‌కి సన్నాహాలు జరుగుతున్నాయట. అదే రోజు నాగచైతన్య, సాయిపల్లవి నటించిన `లవ్ స్టోరి` చిత్రం విడుదలకు రెడీగా ఉంది. ఈ నేపథ్యంలో ఈ రెండు సినిమాల మధ్య పోటీ తప్పదని, థియేటర్‌ కోసం ఓ సినిమా, ఓటీటీ కోసం మరో సినిమా పోటీ పడటంతో థియేటర్‌లో రిలీజ్‌ అయ్యే సినిమాపై ప్రభావం పడుతుందని ఎగ్జిబిటర్లు ఆందోళన చెందుతున్నారు. 

అదే సమయంలో `టక్ జగదీష్` సెప్టెంబర్ 10న విడుదల పై ఎగ్జిబిటర్లు ఆగ్రహం వ్యక్తం చేస్తున్నారు. ఈ సినిమా థియేటర్లకి మద్దతు ఇవ్వకుండా ఓటీటీ విడుదలపై వారు తీవ్ర అసహనం వ్యక్తం చేస్తున్నారు. అందుకోసం ఎగ్జిబిటర్లు, డిస్ట్రిబ్యూటర్లు ఈ రోజు సమావేశం కానున్నారు. థియేటర్లలో విడుదలవుతున్న `లవ్ స్టోరీ`కి అదే రోజు విడుదలవుతున్న `టక్ జగదీష్` వల్ల ప్రతికూల ప్రభావం పడవచ్చునని థియేటర్ యజమానుల అసంతృప్తి చెందుతున్నారు. దీంతో ఇది టాలీవుడ్‌లో మరో వివాదానికి తెరలేపినట్టయ్యింది. 
 

Follow Us:
Download App:
  • android
  • ios