మరో లక్కీ ఛాన్స్ కొట్టేసిన దుల్కర్ సల్మాన్, పెద్ద బ్యానర్ లో సినిమా.. డైరెక్టర్ ఎవరంటే..?
అనుకున్నది సాధించాడు దుల్కర్ సల్మాన్. టాలీవుడ్ ను టార్గెట్ చేసి.. సీతారామంతో హిట్ కొట్టిన యంగ్ అండ్ హ్యాండ్సమ్ హీరో.. ఇప్పుడు మరోసారి లక్కీ ఛాన్స్ కొట్టేశాడు.. పెద్ద బ్యానర్ లో సినిమా చేయబోతున్నాడట.
 )
Followమొత్తానికి మలయాళం నుంచి వచ్చి బూరెల బుట్టలాంటి టాలీవుడ్ లోపడ్డాడు యంగ్ అండ్ హ్యాండ్సమ్ హీరో దుల్కర్ సల్మాన్. టాలీవుడ్ పాన్ ఇండియా రేంజ్ లో.. సత్తా చాటుతుంటే.. ఇక్కడ నుంచి విజయ పతాకం ఎగరేయాలి అనుకున్నాడు. అనుకున్నట్టుగానే సీతారామం సినిమాతో సక్సెస్ ను జేబులో వేసుకున్న యంగ్ స్టార్.. ఇక నెక్ట్స్ మూవీపై గట్టిగా ఫోకస్ చేశాడు. చేయడం కాదు గట్టిగానే సాధించాడు. భారీ నిర్మాణ సంస్థలో..స్టార్ డైరెక్టర్ తో సినిమా చేసే ఛాన్స్ సాధించాడు.
తాజాగా దుల్కర్ సల్మన్ మరో టాలీవుడ్ యంగ్ డైరెక్టర్‌కు గ్రీన్‌ సిగ్నల్‌ ఇచ్చినట్లు సమాచారం. రీసెంట్ గా తమిళ స్టార్ హీరో ధనుష్ తో సార్ మూవీ చేసి.. సూపర్ సక్సెస్ సాధించడంతో పాటు.. బాక్సాఫీస్ దగ్గర వంద కోట్ల క్లబ్‌కొల్ల గొట్టిన దర్శకుడు వెంకీ అట్లూరితో.. దుల్కర్ సినిమా చేయనున్నట్లు తెలుస్తుంది. వెంకీ చెప్పిన కథ బాగా నచ్చడంతో మలయాళ హీరో వెంటనే ఓకే చేశాడట.అందులోను సార్ మూవీని దృష్టిలో ఉంచుకుని కూడా అతనుఇలా చేసి ఉంటాడు అనుకుంటున్నారు. అంతే కాదు మరో ఇంట్రెస్టింగ్ అండ్ షాకింగ్ న్యూస్ ఏంటంటే.. ఈ సినిమాను సితార బ్యానర్‌పై నాగవంశీ నిర్మించనున్నాడని టాక్‌.
ఇప్పటి వరకూ అఫీషియల్ గా ఈ విషయాన్ని ప్రకటించలేదు కాని త్వరలో ప్రకటిస్తారని సమాచారం. ప్రస్తుతం దుల్కర్ ‘కింగ్‌ ఆఫ్‌ కొత’అనే మలయాళ సినిమా చేస్తున్నాడు. ఇటీవలే షూటింగ్‌ పూర్తి చేసుకున్న ఈ సినిమా ప్రస్తుతం పోస్ట్‌ ప్రొడక్షన్‌ పనులు జరుపుకుంటుంది. ఈ సినిమాను తన సొంత బ్యానర్ లో తానే నిర్మాతగా దుల్కర్ సల్మాన్ తెరకెక్కిస్తున్నాడు. చిన్నగా టాలీవుడ్ లో పాతుకుపోయేలా ప్లాన్ చేసుకుంటున్నాడు యంగ్ స్టార్.
మహానటి సినిమాతో తెలుగు ప్రేక్షకులకు పరిచయమయ్యాడు దుల్కర్ తెలుగువారి మనసుని తననటనతో దోచుకున్నాడు. హ్యాండ్సమ్ గా ఉంటాడు కావట్టి.. అమ్మాయిల్లో ఫాలోయింగ్ కూడా భారీగానే ఉంది దుల్కర్ కు. తొలి సినిమాతోనే తిరుగులేని క్రేజ్‌ తెచ్చుకున్నాడు. తెలుగువారికి పరిచయం అయ్యాక.. ఓటీటీల ద్వారా ఇక్కడ బలంగా పాతుకుపోయాడు దుల్కర్. కరోనా టైమ్ లో ఓటీటీల పుణ్యమా అని ఆయన నటించిన మలయాళ సినిమాలను మనవాళ్లు సబ్‌టైటిల్స్ పెట్టుకుని మరీ చూశారు. దాంతో దులక్కర్ ఇమేజ్ రెట్టింపు అయ్యింది.
ముఖ్యంగా బెంగళూర్‌ డేస్‌, చార్లీ, ఉస్తాద్‌ హోటల్‌, చుప్‌ లాంటి సినిమాలు బలంగా నాటుకుపోయాయి మన ఆడియన్స్ మనసుల్లో.. ఇక సీతారామం సినిమాతో టాలీవుడ్ పై డైరెక్ట్ అటాక్ చేసిన మాలీవుడ్ యంగ్ స్టార్.. ఇక్కడ ఎక్కడలేని పాపులారిటీ తెచ్చుకున్నాడు. ఈ సినిమాతో దుల్కర్‌కు తెలుగులోనూ మంచి మార్కెట్‌ కూడా క్రియేట్ అయ్యింది. ఇక దాంతో ఆయనతో సినిమాలు చేసేందుకు టాలీవుడ్ దర్శక, నిర్మాతలు ముందుకు వస్తున్నారు. మంచి మంచి ఆఫర్లు ఇస్తున్నారు దుల్కర్ కు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
