ఆ మధ్య `డీజే టిల్లు` ఎంతగా ఆకట్టుకుందో తెలిసిందే. తాజాగా దానికి సీక్వెల్ వస్తుంది. దీపావళి పండుగ సందర్భంగా చిత్ర బృందం సీక్వెల్ని అధికారికంగా ప్రకటించారు.
ఇటీవల తక్కువ బడ్జెట్తో వచ్చి భారీ విజయాన్ని సాధించింది `డీజేటిల్లు`. ఈ చిత్రంలో హీరో సిద్దు జొన్నలగడ్డ చేసే సందడి, రచ్చ అంతా ఇంతా కాదు. వెండితెరపై నాన్ స్టాప్ నవ్వులు పూయించింది. ఇందులో `టిల్లు` పాత్ర స్టయిల్, డైలాగ్స్ బాగా పాపులర్ అయ్యాయి. ఇప్పుడు ఆ ఫన్ని మరింత రెట్టింపు చేసేందుకు వస్తోంది సీక్వెల్. `టిల్లు స్వ్కేర్` పేరుతో సీక్వెల్ని రూపొందించనున్నారు. తాజాగా ఈ సినిమాని ప్రకటించింది యూనిట్. దీపావళి పండుగ సందర్భంగా టైటిల్ ని అనౌన్స్ చేస్తూ వీడియో రూపంలో విషెస్ తెలియజేసింది.
ఈ సందర్భంగా కొత్త పోస్టర్ని విడుదల చేసింది. అందులో టిల్లు మద్యం మత్తులో ట్రాఫిక్ పోలీస్ తో వాదన పెట్టుకోవడం నవ్వులు పూయించింది. తాను హీరోనని, తన పక్కన హీరోయిన్ గా పూజా హెగ్డే ని తీసుకుందాం అనుకుంటే డేట్స్ ఖాళీగా లేవని చెప్పడం అలరించింది. రెండు నిమిషాల నిడివి గల వీడియోతో సీక్వెల్ లో `డీజే టిల్లు`ని మించిన వినోదాన్ని పంచబోతున్నారని చెప్పకనే చెప్పేశారు.స్టార్ బోయ్ సిద్దు వాచికాభినయాలు మరోసారి వీక్షకులను అమితంగా ఆకట్టుకుంటాయి.
`డీజే టిల్లు`కి సీక్వెల్గా రూపొందుతున్న `టిల్లు స్క్వేర్` చిత్రానికి మల్లిక్ రామ్ దర్శకత్వం వహిస్తున్నారు. ఇందులో అనుపమా పరమేశ్వరన్ హీరోయిన్గా నటిస్తుంది. శ్రీకర స్టూడియోస్ సమర్పణలో ఫార్చ్యూన్ ఫోర్ సినిమాస్ తో కలిసి సితార ఎంటర్టైన్మెంట్స్ పతాకాలపై సూర్యదేవర నాగవంశీ నిర్మిస్తున్నారు. `టిల్లు స్క్వేర్` షూటింగ్ ఇప్పటికే ప్రారంభమైందని తెలిపారు నిర్మాత నాగవంశీ.
ఆయన మాట్లాడుతూ, ``డీజే టిల్లు` బాక్సాఫీసు వద్ద సంచలనం సృష్టించింది. వచ్చే ఏడాది మార్చిలో సీక్వెల్ థియేటర్లలో సందడి చేయనుంది. `డీజే టిల్లు` టైటిల్ సాంగ్ ని స్వరపరిచి విశేషంగా ఆకట్టుకున్న రామ్ మిరియాల ఈ చిత్రానికి సంగీతం అందిస్తున్నారు. సినిమాటోగ్రాఫర్ గా సాయి ప్రకాష్, ఎడిటర్ గా నవీన్ నూలి, ఆర్ట్ డైరెక్టర్ గా ఏఎస్ ప్రకాష్ వ్యవహరిస్తున్నారు. 'టిల్లు స్క్వేర్'తో రెట్టింపు వినోదాన్ని పంచి, 'డీజే టిల్లు'ని మించిన విజయాన్ని సాధిస్తామని తెలిపారు నాగవంశీ.
చిత్రం పేరు: టిల్లు స్క్వేర్
తారాగణం: సిద్ధు జొన్నలగడ్డ, అనుపమ పరమేశ్వరన్
దర్శకుడు: మల్లిక్ రామ్
ఛాయాగ్రహణం: సాయి ప్రకాష్
కూర్పు: నవీన్ నూలి
సంగీతం: రామ్ మిరియాల
కళ: ఏఎస్ ప్రకాష్
నిర్మాత: సూర్యదేవర నాగ వంశీ
బ్యానర్: సితార ఎంటర్టైన్మెంట్స్, ఫార్చ్యూన్ ఫోర్ సినిమాస్
సమర్పణ: శ్రీకర స్టూడియోస్
