ధనుష్‌ `కర్ణన్‌`..ప్రేమికుల రోజు స్పెషల్‌..పవన్‌తో పోటీనా?
సూపర్‌ స్టార్‌ రజనీకాంత్‌ అల్లుడు, స్టార్‌ హీరో ధనుష్‌ తన అభిమానులకు ట్రీట్‌ ఇచ్చారు. వాలెంటైన్స్ డే సందర్భంగా తాను నటిస్తున్న `కర్ణన్‌` చిత్ర ఫస్ట్ లుక్‌ని విడుదల చేశారు. హరి సెల్వరాజ్‌ దర్శకత్వంలో రూపొందుతున్న ఈ చిత్రంలో ధనుష్‌ లుక్ అదిరిపోయేలా ఉంది.
సూపర్‌ స్టార్‌ రజనీకాంత్‌ అల్లుడు, స్టార్‌ హీరో ధనుష్‌ తన అభిమానులకు ట్రీట్‌ ఇచ్చారు. వాలెంటైన్స్ డే సందర్భంగా తాను నటిస్తున్న `కర్ణన్‌` చిత్ర ఫస్ట్ లుక్‌ని విడుదల చేశారు. హరి సెల్వరాజ్‌ దర్శకత్వంలో రూపొందుతున్న ఈ చిత్రంలో ధనుష్‌ లుక్ అదిరిపోయేలా ఉంది. రక్తంతో తడిసిన చేతికి బేడీలు, తలకి గాయంతో రక్త కారుతుండగా, కోపం, ఆవేశం కలగలిపిన లుక్‌లో ధనుష్‌ ఆకట్టుకుంటున్నారు. ఈ చిత్ర ఫస్ట్ లుక్‌ని నిర్మాత కలైపులి ఎస్‌ థాను, దర్శకులు సెల్వరాజ్‌ సోషల్‌ మీడియా ద్వారా పంచుకున్నారు.
దర్శకుడు సెల్వరాజ్‌ చెబుతూ, `న్యాయంలోని ఆత్మ ఎప్పటికీ మరణించదు` అని పేర్కొన్నారు. ఇది బానిస సంకెళ్లలో మగ్గుతున్న, అణచివేతకు గురవుతున్న ప్రజల తిరుగుబాటు నేపథ్యంలో సాగుతుందని తాజా పోస్టర్‌ని చూస్తుంటే అర్థమవుతుంది. తాజాగా ఈ లుక్ అభిమానులను విశేషంగా ఆకట్టుకుంటుంది. సోషల్‌ మీడియాలో వైరల్‌ అవ్వడమే కాదు ట్రెండ్‌ అవుతుంది. మరోవైపు ఈ చిత్రం విడుదల తేదీని కూడా ప్రకటించారు. ఏప్రిల్‌ 9న విడుదల చేయబోతున్నారు. ఇది తెలుగులో పవన్ సినిమా `వకీల్‌సాబ్‌`తో ఈ చిత్రం పోటీపడుతుందని చెప్పొచ్చు. ఈ సినిమాని వి క్రియేషన్స్ పతాకంపై కలైపులి ఎస్‌ థాను నిర్మిస్తున్నారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
