Anushka Shetty : నాన్న నేనెప్పుడూ నీ చిన్నారినే : అనుష్క శెట్టి హార్ట్ ఫెల్ట్ నోట్.. తండ్రికి బర్త్ డే విషెస్
టాలీవుడ్ స్టార్ హీరోయిన్ అనుష్క శెట్టి (Anushka Shetty) తన తండ్రిపై ఒక్కసారిగా ప్రేమ కురిపించింది. ఆయన పుట్టిన రోజు సందర్భంగా నాన్నతో కలిసి దిగిన ఫొటోను షేర్ చేస్తూ.. ఎమోషనల్ అయ్యింది. ప్రస్తుతం ఈ పోస్ట్ నెట్టింట వైరల్ గా మారింది.
 )
Followస్టార్ హీరోయిన్, టాలీవుడ్ స్వీటీ అనుష్క శెట్టి ప్రస్తుతం సినిమాల జోరు తగ్గించింది. వచ్చిన ఆఫర్లను కానకుండా సినిమాలు చేస్తోంది. తన అందం అభినయంతో ఎంతో మంది ప్రేక్షకులను తన అభిమానులుగా మార్చుకుందీ బ్యూటీ. తెలుగు వెండితెరపై తిరుగులేని హీరోయిన్ గా ఒకప్పుడు హవా కొనసాగించింది. దర్శకధీరుడు ఎస్ఎస్ రాజమౌళి (Rajamouli) తెరకెక్కించిన ‘బహుబలి’ చిత్రంతో ఎవరికీ అందని రేంజ్ కు వెళ్లింది అనుష్క. ఆ తర్వాత ‘భాగమతి’తో సూపర్ హిట్ అందుకున్న అనుష్క.. ఆపై తన స్థాయికి తగ్గట్టుగా సినిమాలు చేయలేకపోతోంది. అయినా అనుష్క ఇమేజ్ కు ఇండస్ట్రీలో ఎలాంటి ఢోకా లేదు.
అయితే, అనుష్క శెట్టి సినిమాల్లో ఉన్నంత యాక్టివ్ గా సోషల్ మీడియాలో ఉండదనే చెప్పాలి. ఏదోక ప్రత్యేక రోజుల్లో, ముఖ్యమైన సందర్భాల్లో పోస్ట్ లు పెడుతూ ఉంటుంది. తాజాగా తన తండ్రి ఏఎన్ విట్టల్ శెట్టి పుట్టిన రోజు సందర్భంగా సోషల్ మీడియా వేదికన విషెస్ తెలిపింది. ఈ సందర్భంగా తన తండ్రితో ఎలా ఉంటుందో ఓ గ్రూఫీ ఫొటోను తన అభిమానులతో పంచుకుంది. ఈ సందర్భంగా నాన్నకు ప్రేమతో హార్ట్ ఫెల్డ్ నోట్ కూడా రాసింది. ‘సంవత్సరాలు గడిచిపోతున్నా.. నాకు ఎంత వయసొచ్చినా సరే.. నేనెప్పుడూ నీ చిన్నారినే నాన్న. పుట్టినరోజు శుభాకాంక్షలు పాపా’ అంటూ ఎమోషన్ అయ్యింది.
అనుష్కకు సినిమాలంటే ఎంత ప్రాణమో తన కుటుంబ సభ్యులంటే కూడా అంతే ప్రేమ. సమయం దొరికినప్పుడల్లా ఫ్యామిలీ స్పెండ్ చేస్తుందీ స్వీటి. అప్పుడప్పుడు కుటుంబీకుల ఫొటోలను కూడా ఫేర్ చేస్తూ తన అభిమానులకు ఖుషీ చేస్తుంటుంది. ప్రస్తుతం తన తండ్రి పుట్టిన రోజు సందర్భంగా పోస్ట్ చేసిన గ్రూఫీ పిక్ వైరల్ అయ్యింది. ఈ పిక్స్ లో తన తండ్రితో చిన్న పాపాలా క్లోజప్ ఫోజులిస్తూ చాలా సరదాగా కనిపిస్తోంది. ఇందుకు నెటిజన్లు కూడా ఈ తండ్రీకూతురును చూసి సంతోషపడుతున్నారు.
సౌత్ ఫిల్మ్ ఇండస్ట్రీల్లో అత్యంత ప్రేక్షకాదరణ పొందిన హీరోయిన్ గా అనుష్క శెట్టి పేరు తెచ్చుకుంది. లేడీ ఓరింటెడ్ చిత్రాల్లో నటించేందుకు ప్రస్తుతం ఆసక్తి చూపిస్తోందీ గ్లామర్ బ్యూటీ. చివరిగా ‘నిశ్శబ్ధం’ చిత్రంలో హీరో మదవన్ తో కలిసి నటించింది. 2020లో OTT ప్లాట్‌ఫారమ్ అమెజాన్ ప్రైమ్ వీడియోలో ఈ చిత్రం రిలీజ్ అయ్యి.. ఓ మోస్తరు ప్రతిస్పందనను పొందింది. కాగా తన రాబోయే చిత్రాన్ని కన్నడ ఫిల్మ్ డైరెక్టర్ మహేష్ బాబుతో చేయనున్నట్టు ప్రకటించింది. UV క్రియేషన్స్ పతాకంపై ఈ చిత్రం రూపుదిద్దుకోనుంది. సినిమా షూటింగ్ త్వరలో సెట్స్ పైకి వెళ్లనుంది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
