Follow Us "చిరంజీవి `విశ్వంభర` సాంగ్‌ రచ్చ వేరే లెవల్‌.. `రామ రామ` పాటకి రికార్డు వ్యూస్‌")
Vishwambhara Song: చిరంజీవి నటిస్తున్న `విశ్వంభర` మూవీ చిత్రీకరణ దశలో ఉంది. సీజీ వర్క్ కారణంగా ఈమూవీ వాయిదా పడుతుంది. కానీ ఈ మూవీ విషయంలో ఒకటి మాత్రం అభిమానులను ఎంగేజ్‌ చేస్తుంది.
Vishwambhara Song: మెగాస్టార్‌ చిరంజీవి ప్రస్తుతం `విశ్వంభర` సినిమాతో బిజీగా ఉన్నారు. ఇది చాలా కాలంగా చిత్రీకరణ జరుపుకుంటోంది. అయితే సీజీ వర్క్ విషయంలో డిలే అవుతుందని తెలుస్తుంది. అందుకే రిలీజ్‌ డేట్‌పై క్లారిటీ లేదు.
ఈ సంక్రాంతికి రావాల్సిన ఈ మూవీ వీఎఫ్‌ ఎక్స్ వర్క్ కారణంగా వాయిదా పడుతూ వస్తుంది. వీఎఫ్‌ఎక్స్ ఔట్‌పుట్‌ బెస్ట్ గా వచ్చిన తర్వాతనే సినిమా రిలీజ్‌ డేట్‌ ప్రకటించాలని టీమ్‌ భావిస్తుంది.
శ్రోతలని ఉర్రూతలూగిస్తున్న `విశ్వంభర` సాంగ్‌
ఈ నేపథ్యంలో ఇప్పుడు `విశ్వంభర` సినిమాకి సంబంధించిన అప్‌ డేట్‌ మెగాస్టార్‌ ఫ్యాన్స్ ని హ్యాపీ చేస్తుంది. ఈ మూవీలోని `రామరామ` సాంగ్‌ సృష్టిస్తున్న సంచలనాలు అంతా ఇంతా కాదు. శ్రీరామనవమి పండుగని పురస్కరించుకుని ఈ పాటని విడుదల చేశారు
Related Articles
`రామ రామ` అంటూ సాగే ఈ సాంగ్‌ శ్రోతలను విశేషంగా ఆకట్టుకుంటుంది. భక్తి పాటగా అలరిస్తుంది. దీంతో ఇప్పుడు ట్రెండింగ్‌లోకి వచ్చింది. కీరవాణి సంగీతం స్వరపరిచిన ఈ పాటని రామజోగయ్య శాస్త్రి రాయగా, శంకర్‌ మహదేవన్‌, ఐరా ఉడుపి, లిప్సిక భాష్యం ఆలపించారు.
విశ్వంభర రామ రామ పాటకి రికార్డు వ్యూస్‌
ఈ పాట తాజాగా 25 మిలియన్స్ వ్యూస్‌ని దాటింది. అంటే రెండున్నర కోట్ల మంది ఈ పాటని వీక్షించడం విశేషం. ఈ పాటతోపాటు చిరంజీవి డాన్స్ లు కూడా ప్రత్యేక ఆకర్షణగా నిలవడం విశేషం. చిరంజీవి సినిమా పాటల్లో ఇది రికార్డు అనే చెప్పాలి.
అయితే మ్యూజిక్‌ పరంగా టాప్‌లో అల్లు అర్జున్‌ సినిమా పాటలున్నాయి. `పుష్ప` పాటలు వందల మిలియన్స్ వ్యూస్‌లో ఉన్నాయి, మరి చిరు బన్నీని టార్గెట్‌ చేశాడా అనేది ఆసక్తికరంగా మారింది.
సోషియో ఫాంటసగా రూపొందుతున్న `విశ్వంభర` చిత్రానికి వశిష్ట దర్శకత్వం వహిస్తున్నారు. యువి క్రియేషన్స్ బ్యానర్‌పై విక్రమ్, వంశీ, ప్రమోద్ నిర్మిస్తున్నారు. ఈ చిత్రంలో త్రిష కృష్ణన్, ఆషికా రంగనాథ్ హీరోయిన్స్ గా నటిస్తుండగా, కునాల్ కపూర్ కీలక పాత్ర పోషించారు. ఈ చిత్రానికి డీవోపీ చోటా కె నాయుడు, ప్రొడక్షన్ డిజైనర్ ఎఎస్ ప్రకాష్.
