టాలీవుడ్ లక్కీ లేడీ సమంత హోస్ట్ గా మారిన సంగతి తెలిసిందే. తెలుగు ఓటిటి యాప్ ఆహాలో ప్రసారం అవుతున్న సామ్ జామ్  టాక్ షోకి వ్యాఖ్యాతగా ఆమె వ్యవహరిస్తున్నారు. ఇప్పటికే ఈ షోకి మంచి ఆదరణ దక్కింది. హోస్ట్ గా సమంత సూపర్ సక్సెస్ అన్న టాక్ వినిపిస్తుంది. రానా, తమన్నా, విజయ్ దేవరకొండ, అల్లు అర్జున్ వంటి స్టార్స్ ని సమంత ఇంటర్వ్యూ చేశారు. తాజాగా ఈ షోకి మెగాస్టార్ చిరంజీవి అతిథిగా వచ్చారు. ఈ షోలో సమంత చిరంజీవిని తన క్రేజీ ప్రశ్నలతో ఇరుకున పెట్టారు. 

కాగా ఈ కార్యక్రమంలో చిరుతో సమంత దోశలు వేయించారు. దోశ వేసి దానిని మీరు తిప్పాలి అన్నారు సమంత. మాములుగా ఎవరైనా తిప్పుతారు, కళ్ళకు గంతలు కట్టుకొని తిప్పుతా అన్నారు చిరంజీవి. అలాగే ఈ షోలో ఓ వికలాంగుడైన బాలుడు చిరు పెయింట్ అద్బుతంగా వేశాడు. అనేక ఆసక్తి విషయాలతో ఈ ఎపిసోడ్ ని ఆహా సిద్ధం చేసినట్లు అనిపిస్తుంది. తాజా ప్రోమోలో ఈ విషయాలన్నీ చూపించారు. 

కాగా చిరంజీవి ఆచార్య షూటింగ్ పూర్తి చేసే పనిలో ఉన్నారు. లాక్ డౌన్ కారణంగా ఇప్పటికే మూవీ విడుదల లేటైంది. దీనితో వీలైనంత త్వరగా షూటింగ్ పూర్తి చేయాలని చిత్ర యూనిట్ భావిస్తున్నారు. దర్శకుడు కొరటాల శివ ఓ అద్భుతమైన సబ్జెక్ట్ తో ఈ మూవీని తెరకెక్కిస్తున్నారు. కాజల్ అగర్వాల్ హీరోయిన్ గా నటిస్తుండగా... రామ్ చరణ్ నిర్మిస్తున్నారు. మణిశర్మ ఆచార్య చిత్రానికి సంగీతం అందిస్తున్నారు.