మీరు పోరాట యోధులు.. మున్నాభాయ్ని ఉద్దేశించి చిరు భావోద్వేగ పోస్ట్
తన జీవితంలో ప్రారంభం నుంచి అనేక ఒడిదుడుకులు ఎదుర్కొనే తట్టుకుని నిలబడ్డ సంజయ్ దత్ని తాజాగా కాన్సర్ అంటుకుంది. మున్నాభాయ్కి కాన్సర్ సోకిందని తెలిసి బాలీవుడ్తోపాటు యావత్ దేశం ఒక్కసారిగా షాక్కి గురయ్యింది. తాజాగా మెగాస్టార్ చిరంజీవి స్పందించారు. తన తీవ్ర విచారాన్ని వ్యక్తం చేశారు.
కాన్సర్ సెలబ్రిటీ జీవితాలతో ఆడుకుంటోంది. కాన్సర్తో ఎంతో మంది తారలు నెలకొరిగారు. ఏఎన్నార్ నుంచి ఇటీవల రిషికపూర్, ఇర్ఫాన్ఖాన్, అలాగే వినోద్ ఖన్నా, రాజేష్ ఖన్నా, ఫిరోజ్ ఖాన్ వరకు చాలా మంది తారలు కాన్సర్తో పోరాడి ఓడారు. సంజయ్ దత్ తల్లి నర్గీస్ కూడా కాన్సర్తో చనిపోయారు. మరోవైపు మనిషా కోయిరాలా, సోనాలి బ్రిందే, రాకేష్ రోషన్, యువరాజ్ సింగ్ వంటి వారు కాన్సర్ తో పోరాడి దాన్ని జయించారు.
తాజాగా బాలీవుడ్ మున్నాభాయ్ సంజయ్ దత్ కాన్సర్ బారిన పడ్డారు. ఆయన లంగ్ కాన్సర్కి గురైనట్టు వైద్యులు నిర్థారించారు. దీంతో బాలీవుడ్తోపాటు యావత్ దేశం ఒక్కసారిగా షాక్కి గురయ్యింది. తన జీవితంలో ప్రారంభం నుంచి అనేక ఒడిదుడుకులు ఎదుర్కొనే తట్టుకుని నిలబడ్డ సంజయ్ దత్ని తాజాగా కాన్సర్ అంటుకుంది. దీంతో బాలీవుడ్ ప్రముఖులు ఈ విషయం తెలిసి విచారం వ్యక్తం చేస్తున్నారు. తాజాగా మెగాస్టార్ చిరంజీవి స్పందించారు. తన తీవ్ర విచారాన్ని వ్యక్తం చేశారు.
ప్రియమైన సంజయ్ దత్ భాయ్.. మీరు కాన్సర్కి గురయ్యారనే వార్త తెలిసి చాలా బాధగా ఉంది. కానీ మీరొక పోరాట యోధులు. అనేక సంవత్సరాలు అనేక సంక్షోభాలను, స్ట్రగుల్స్ ని ఎదుర్కొన్నారు. వాటిని అధిగమించారు. ఇప్పుడు కూడా అనారోగ్య పరిస్థితి నుంచి ఎగిరే రంగుల వలే బయటపడతారని చెప్పడంలో సందేహం లేదు. మీరు త్వరగా కోలుకోవాలని ప్రేమతో ప్రార్థిస్తున్నా` అని ట్వీట్ చేశారు.
మరోవైపు తన భర్తకి కాన్సర్ వచ్చిందని తెలిసి సంజయ్ దత్ భార్య మాన్యతా దత్ స్పందించారు. దేవుడు పరీక్షించేందుకు మళ్ళీ మమ్మల్నే ఎంచుకున్నారు. నా భర్త పోరాట యోధుడు, ఈ సారి కూడా విజయం ఆయనదే` అని భావోద్వేగంగా స్పందించిన విషయం తెలిసిందే.