థియేటర్లలో ఇటీవల రీ రిలీజ్‌ల ట్రెండ్‌ నడుస్తుంది. స్టార్‌ హీరోల సినిమాల నుంచి యంగ్‌ స్టర్స్ మూవీస్‌ వరకు రీ రిలీజ్‌ అవుతున్నాయి. చాలా వరకు యావరేజ్‌గా ఆడితే, కొన్ని మంచి వసూళ్లని రాబడుతున్నాయి. తాజాగా చిరంజీవి నటించిన `శంకర్‌ దాదా ఎంబీబీఎస్‌` చిత్రం కూడా నవంబర్‌ 4న రీ రిలీజ్‌ కాబోతుంది. ఇదిలా ఉంటే ఇప్పుడు సరికొత్త ట్రెండ్‌ రాబోతుంది. ఓటీటీలోనూ రీ రిలీజ్‌ల ట్రెండ్‌ మొదలువుతుంది. అందుకు ప్రముఖ తెలుగు ఓటీటీ మాధ్యమం `ఆహా` శ్రీకారం చుట్టడం విశేషం.

Ad1

ఇందులో మెగాస్టార్‌ చిరంజీవి, సూపర్‌ స్టార్‌ మహేష్‌బాబు, మెగా పవర్‌ స్టార్‌ రామ్‌చరణ్‌.. చిత్రాలు ఓటీటీలో రీ రిలీజ్‌ కాబోతున్నాయి. దీనికి `ఆహా` ఏర్పాట్లు చేసింది. అంతేకాదు లేటెస్ట్ టెక్నాలజీ ప్రింట్‌తో ఈ చిత్రాలను `ఆహా` తన ఓటీటీ మాధ్యమంలో స్ట్రీమింగ్‌ చేస్తుంది. ఈ సందర్భంగా థియేటర్లలోనే రీ రిలీజ్‌లు ఉంటాయా? మేం కూడా దింపుతున్నామంటూ ఈ ముగ్గురి హీరోల సినిమాలను ప్రకటించింది.

ఇందులో మెగాస్టార్‌ చిరంజీవి నటించిన సూపర్‌ హిట్‌ మూవీ `ఘారానా మొగుడు` సినిమా, అలాగే మహేష్‌ బాబు సూపర్‌ హిట్‌ `అతడు`తోపాటు రామ్‌చరణ్‌ సంచలన మూవీ `మగధీర` ఉన్నాయి. వీటిలో `మగధీర`ని గీతా ఆర్ట్స్ లో అల్లు అరవింద్‌ నిర్మించారు. `ఆహా` అధినేతల్లో ఆయన ప్రముఖులు అని తెలిసిందే. ఈ నేపథ్యంలో ఆచిత్రాన్ని `ఆహా`లోకి తీసుకొస్తున్నారు. మరోవైపు దేవీ ఫిల్మ్స్ పై నిర్మించి `ఘరానా మొగుడు`, జయభేరి ఆర్ట్స్ నిర్మించిన `అతడు` చిత్రాన్ని కూడా `ఆహా`లో స్ట్రీమింగ్‌ చేయబోతున్నారు. అందుకు సంబంధించిన డేట్లని ప్రకటించింది `ఆహా`.

Ad2

Ee, Re-Release lu Theater lone untaya enti..?😜
Mana aha lonu dimputhunnam..😎#Rerelease #magadheera #athadu #gharanamogudu #MaheshBabu𓃵 #Chiranjeevi #RamCharan𓃵 #MegastarChiranjeevi #Megastar pic.twitter.com/JSmj0gEUbM
— ahavideoin (@ahavideoIN) October 27, 2023

ఇందులో మొదటగా రామ్‌చరణ్‌ హీరోగా నటించిన రాజమౌళి మూవీ `మగధీర` విడుదల కాబోతుంది. నవంబర్‌ 3 నుంచి ఈ చిత్రం స్ట్రీమింగ్‌ కానుంది. అనంతరం మహేష్‌బాబు-త్రివిక్రమ్‌ కాంబినేషన్‌లో వచ్చిన `అతడు` సినిమా నవంబర్‌ 10 నుంచి స్ట్రీమింగ్‌ చేయబోతున్నారు. దీంతోపాటు మెగాస్టార్‌ చిరంజీవి, కె రాఘవేంద్రరావు కాంబినేషన్‌లో వచ్చిన `ఘారానామొగుడు` మూవీని నవంబర్‌ 17 నుంచి స్ట్రీమింగ్‌ చేయనున్నారు.