Asianet News TeluguAsianet News Telugu

#Chiranjeevi:పీపుల్స్ మీడియాలో చిరు సినిమా,డిటేల్స్

 ఇప్పుడీ కొత్త ప్రాజెక్టు పట్టాలు ఎక్కనుంది. త్వరలోనే సినిమా షూటింగ్‌ ప్రారంభించి, ఈ ఏడాది చివర్లో  ఈ సినిమాను విడుదల చేసేందుకు ప్లాన్‌ చేస్తున్నారట. 

Chiranjeevi liked the script narrated by BVS Ravi jsp
Author
First Published Feb 1, 2024, 6:14 AM IST

మెగాస్టార్ చిరంజీవి వయస్సుకు సంభందం లేకుండా దూసుకుపోతున్నారు. ఎక్కడా స్పీడ్ తగ్గించే పరిస్థితి లేదు. బ్యాక్ టు బ్యాక్ సినిమాలు చేస్తున్న ఆయన ఇప్పుడు తన కొత్త సినిమా విశ్వంభర షూటింగ్ లో బిజీగా ఉన్నారు. ఈ సినిమా తర్వాత ఆయన ఏ చిత్రం చేయబోతున్నారనే విషయం అంతటా హాట్ టాపిక్ గా మారింది. అయితే తాజాగా ఆయన దర్శక,రచయిత బి.వియస్ రవి కథకు గ్రీన్ సిగ్నల్ ఇచ్చినట్లు సమాచారం. అయితే దర్శకుడు మాత్రం రవి కాదు...పవన్ తో సినిమా చేస్తున్న ఓ దర్శకుడు అని టాక్ వినిపిస్తోంది. ఈ చిత్రానికి నిర్మాత ఆయన కుమార్తె సుస్మిత వ్యవహించనుంది.

 ఆ మధ్య సుష్మిత నిర్మాణ రంగంలో అడుగుపెట్టిన సంగతి తెలిసిందే. ఓటీటీ కోసం ఓ వెబ్‌ సిరీస్‌తో పాటు సంతోష్‌ శోభన్‌ హీరోగా రెండు సినిమాలను కూడా నిర్మించింది. పవన్ సాదినేని దర్శకత్వంలో వచ్చిన సేనాపతి బాగా వర్కవుట్ అయినా, మిగిలిన ఆ రెండూ కూడా డిజాస్టర్‌గా మిగిలాయి.   నిర్మాతగా అడుగుపెట్టిన సుష్మితకు ఆదిలోనే అపజయాలు ఎదురయ్యాయి.  ఈ క్రమంలో తన కుమార్తె సుష్మిత కొణిదెల కెరీర్‌ని కూడా గాడిలో పెట్టేందుకు సిద్దమయ్యారు చిరంజీవి. ఎలాగైన తన కూతురిని నిర్మాతగా నిలబెట్టాలని భావిస్తున్నారట చిరంజీవి. అందుకే తన తదుపరి సినిమాను కూతురి నిర్మాణ సంస్థలోనే చేయనున్నారట. ఈ ప్రాజెక్టుని ఆమే నిర్మించనున్నారు. అయితే పీపుల్స్ మీడియా ఫ్యాక్టరీతో కలిసి ఈ ప్రాజెక్టులో కో ప్రొడ్యూసర్ గా చేయనున్నారు. అయితే అఫీషియల్ సమాచారం ఏమీ లేదు. కేవలం మీడియా స్పెక్యులేషన్స్ మాత్రమే. 

ఇప్పటికే ‘సైరా’తో తన కొడుకు రామ్‌ చరణ్‌ని నిర్మాతగా పరిచయం చేశాడు. ఇక ఇప్పుడు కూతురికి కూడా తన సినిమాతో ఓ సూపర్‌ హిట్‌ అందించి,పెద్ద ప్రొడ్యూసర్ గా చేయాలని నిర్ణయించుకున్నాడట.మొదట  కల్యాణ్‌ కృష్ణ దర్శకత్వంలో చిరు చేద్దామనుకున్నారు. ఆ సినిమాకు సుష్మితనే నిర్మాతగా వ్యవహరించబోతున్నట్లు వార్తలు వచ్చాయి. అయితే అనుకోకుండా ఆ ప్రాజెక్టు ఆగిపోయింది. దాంతో ఇప్పుడీ కొత్త ప్రాజెక్టు పట్టాలు ఎక్కనుంది. త్వరలోనే సినిమా షూటింగ్‌ ప్రారంభించి, ఈ ఏడాది చివర్లో  ఈ సినిమాను విడుదల చేసేందుకు ప్లాన్‌ చేస్తున్నారట. మరో ప్రక్క వశిష్ట డైరెక్షన్‌లో చేస్తున్న   పాన్‌ ఇండియా సినిమా విశ్వంభర షూటింగ్ రెగ్యులర్ గా జరుగుతోంది.   
 

Follow Us:
Download App:
  • android
  • ios