ఆ ముగ్గురిలో చిరంజీవి ఓటు ఎవరికి.. నెక్ట్స్ డైరెక్టర్‌ ఎవరు?
`వాల్తేర్‌ వీరయ్య`తో సక్సెస్‌ అందుకుని జోరు మీదున్నారు మెగాస్టార్‌ చిరంజీవి. ప్రస్తుతం `భోళాశంకర్‌` సినిమా చేస్తున్న ఆయన నెక్ట్స్ సినిమా ఎవరితో అనేది ఆసక్తికరంగా మారింది.
 )
Followమెగాస్టార్‌ చిరంజీవి ఇప్పుడు సక్సెస్‌ జోరులో ఉన్నారు. ఈ సంక్రాంతికి ఆయన `వాల్తేర్‌ వీరయ్య`తో భారీ విజయాన్ని అందుకున్నారు. సినిమాకి యావరేజ్‌ టాక్‌ వచ్చినా, సంక్రాంతి పండుగ కలిసి రావడంతో, బలమైన ఇతర సినిమాలు లేకపోవడంతో సంక్రాంతికి దున్నేసింది. రెండువందలకుపైగా కలెక్షన్లని రాబట్టింది. చిరంజీవికి పూర్వపు జోష్‌ని తీసుకొచ్చింది. `ఖైదీ నెంబర్‌ 150` తర్వాత సక్సెస్‌ లేని చిరుకి `వాల్తేర్‌ వీరయ్య` పెద్ద బూస్ట్ ఇచ్చిందని చెప్పొచ్చు.
ఈ సక్సెస్‌ ఆనందంలో ప్రస్తుతం `భోళాశంకర్‌` చిత్రంలో నటిస్తున్నారు చిరు. తమిళంలో అజిత్‌ హీరోగా నటించిన `వేదాళం` చిత్రానికి రీమేక్‌. చాలా రోజుల తర్వాత మెమర్‌ రమేష్‌ మెగాఫోన్‌ పట్టి ఈ చిత్రానికి దర్శకత్వం వహిస్తున్నారు. ఇందులో తమన్నా కథానాయికగా నటిస్తుండగా, కీర్తిసురేష్‌ చిరుకి చెల్లిగా నటిస్తుంది. ఈ చిత్రం ఆల్మోస్ట్ 80శాతం చిత్రీకరణ పూర్తి చేసుకుంది. త్వరలోనే షూటింగ్‌ కంప్లీట్‌ చేసుకుని సంక్రాంతి బరిలో దిగే అవకాశం ఉంది.
ఇదిలా ఉంటే చిరంజీవి నెక్ట్స్ సినిమా ఎవరితో అనేది ఆసక్తికరంగా మారింది. ఆయన గతంలో వెంకీ కుడుములతో ఓ సినిమాని ప్రకటించారు. కానీ చిరంజీవి చెప్పిన మార్పులు చేసేందుకు దర్శకుడు నో చెప్పడంతో ఈ చిత్రాన్ని చిరు పక్కన పెట్టినట్టు సమాచారం. దీంతో ఇప్పుడు మెగాస్టార్‌ నెక్ట్స్ ఎవరితో చేయబోతున్నారనేది సస్పెన్స్ గా మారింది. అయితే ఇందులో ప్రధానంగా ముగ్గురు దర్శకుల పేర్లు వినిపిస్తున్నాయి. అందులో పూరీ జగన్నాథ్‌తోపాటు తమిళ దర్శకుడు మురుగదాస్‌, యంగ్‌ డైరెక్టర్‌ కళ్యాణ్‌ కృష్ణ కూడా ఉండటం విశేషం.
పూరీ జగన్నాత్‌ చాలా రోజులుగా చిరుకి టచ్‌లోనే ఉన్నారు, తనకోసం స్క్రిప్ట్ కూడా రెడీ చేయమని చిరంజీవి చెప్పినట్టు సమాచారం. ఇతర రైటర్ల ద్వారా స్క్రిప్ట్ తీసుకోవాలని చిరు సూచించినట్టు సమాచారం. దీంతో ఇది అవుతుందా? లేదా అనే సస్పెన్స్ నెలకొంది. మరోవైపు ఇటీవలే ఏఆర్‌ మురుగదాస్‌ చిరంజీవిని కలిశారట. ఓ స్క్రిప్ట్ ని ఆయనకు వినిపించారట. బైలింగ్వల్‌గా ఈ సినిమాని చేయాలనే ఆలోచనలో ఉన్నారట. దీంతోపాటు `సోగ్గాడే చిన్ని నాయన`, `బంగార్రాజు` వంటి చిత్రాలను రూపొందించిన కళ్యాణ్‌ కృష్ణ సైతం లేటెస్ట్ గా చిరుకి స్టోరీ వినిపించారట. అయితే స్క్రిప్ట్ లో కొన్ని మార్పులు చెప్పారని తెలుస్తుంది. బౌండెడ్‌ స్క్రిప్ట్ తో రావాలని సూచించారట చిరు. మరి ఈ ముగ్గురిలో చిరంజీవి ఎవరికి ఓటేస్తారు? ఎవరితో నెక్ట్స్ సినిమా చేస్తారనేది పెద్ద సస్పెన్స్ గా మారింది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
