Shriya Sharma : చైల్డ్ ఆర్టిస్ట్ గా సెన్సేషన్ క్రియేట్ చేసింది.. ఇప్పుడెలా ఉంది? ఏం చేస్తుంది?
యంగ్ హీరోయిన్ గా మొన్నటి వరకు సినిమాలు చేసిన ఈ బ్యూటీ లేటెస్ట్ లుక్ వైరల్ గా మారింది. అయితే తను చైల్డ్ ఆర్టిస్ట్ గానే సెన్సేషన్ క్రియేట్ చేసిందనే విషయం కొద్దిమందికి మాత్రమే తెలుసు..
 )
Followచిత్ర పరిశ్రమలో కొత్త హీరోయిన్లు కనిపించగానే వారి వివరాలు తెలుసుకోవాలనే ఆసక్తి ప్రతి ఒక్కరికీ ఉంటుంది. కానీ కొందరు నటీమణులు చైల్డ్ ఆర్టిస్ట్ గా, సపోర్టింగ్ రోల్స్ లో ఎంత ఆకట్టుకుంటారో హీరోయిన్ గా ఆ క్రేజ్ దక్కించుకునేందుకు ఇంకాస్తా సమయం తీసుకుంటుంటారు. ప్రస్తుతం ఈ బ్యూటీ విషయంలోనూ అదే జరిగింది. బాలనటిగా అప్పట్లో సెన్సేషన్ క్రియేట్ చేసిన ఈబ్యూటీ ప్రస్తుతం హీరోయిన్ గా అలరిస్తోంది. ఇంతకీ ఈమె ఎవరు? చైల్డ్ ఆర్టిస్ట్ గా ఏఏ సినిమాల్లో నటించిందనే విషయానికొస్తే...
‘జై చిరంజీవా’ చిత్రంలో మెగాస్టార్ చిరంజీవి (Chiranjeevi)కి మేనకోడలి పాత్రలో నటించింది శ్రియా శర్మ (Shriya Sharma). చైల్డ్ ఆర్టిస్ట్ గా తనకు ఇదే మొదటి సినిమా. 2005లో వచ్చిన ఈ చిత్రంతో బాలనటిగా మంచి ప్రశంసలు అందుకుంది. చైల్డ్ ఆర్టిస్ట్ ల గురించి మాట్లాడితే ఈమెను కచ్చితంగా గుర్తుచేసుకునేలా చేసింది. ఆ తర్వాత శ్రియా శర్మ తమిళం, హిందీలో చాలా సినిమాలు చేసింది. సపోర్టింగ్ రోల్స్ తో అలరిస్తూనే వస్తోంది. మహేశ్ బాబు ‘దూకుడు’, రామ్ చరణ్ ‘రచ్చ’, నాని ‘ఏటో వెళ్లిపోయింది మనస్సు’, ‘తూనీగ, తూనీగ’ వంటి చిత్రాలతో సహాయక పాత్రలు పోషించింది.
ఇక హీరోయిన్ గా ‘గాయకుడు’ అనే చిత్రంతో 2015గా తెలుగు ప్రేక్షకులకు పరిచయం అయ్యింది. ఆ తర్వాత ‘బిల్లు గేమర్’, హీరో శ్రీకాంత్ కొడుకు రోషన్ ప్రధాన పాత్రలో నటించిన ‘నిర్మల కాన్వెంట్’లో హీరోయిన్ గా నటించింది. తన అందం, నటనతోనూ ఆకట్టుకుంది. కానీ పెద్దగా హిట్లు అందుకోలేకపోయింది. చైల్డ్ ఆర్టిస్ట్ గా సెన్సేషన్ క్రియేట్ చేసిన ఈమె హీరోయిన్ గా మంచి హిట్ కోసం ఎదురుచూస్తోంది. ప్రస్తుతం సినిమాలకు గ్యాప్ ఇచ్చి స్టడీస్ పైన ఫోకస్ పెట్టినట్టు తెలుస్తోంది.
ఇదిలా ఉంటే.. తాజగా ఆమె లెటెస్ట్ ఫొటో ఒకటి నెట్టింట వైరల్ గా మారింది. ఐదేళ్లుగా కెమెరాకు దూరంగా ఉంటున్న శ్రియా శర్మ ప్రస్తుతం కాస్తా బొద్దుగా మారినట్టు కనిపిస్తోంది. దీంతో ఆమెను సడెన్ గా చూస్తే గుర్తుపట్టడంకష్టమనేలా చేసింది. లాక్ డౌన్ లో ఇలా బరువెక్కినట్టు తెలుస్తోంది. ఇప్పుడిప్పుడు మళ్లీ వెయిల్ లాస్ అవుతున్నారని ఫొటోలు చూస్తే అర్థమవుతోంది. ఏదేమైనా సోషల్ మీడియాలో మాత్రం చాలా యాక్టివ్ గానే కనిపిస్తోంది. తన గురించిన అప్డేట్స్ ఇస్తూ ఆకట్టుకుంటోంది. ఇటీవల థాయిలాండ్ కు వెళ్లిన ఫొటోలనూ పంచుకుంది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
