`చంద్రముఖి 2` ఓటీటీ రిలీజ్ లో సడెన్ ట్విస్ట్.. ముందుగానే రాక..
రాఘవ లారెన్స్, కంగనా రనౌత్ కలిసి నటించిన `చంద్రముఖి 2` గత నెలలో విడుదలైంది నెగటివ్ టాక్ తెచ్చుకుంది. అయితే నెల రోజుల్లోనే ఈ చిత్రం ఓటీటీలో రాబోతుంది.
 )
రాఘవ లారెన్స్(Raghava Lawarene), కంగనా రనౌత్(Kangana Ranaut) కలిసి నటించిన మూవీ `చంద్రముఖి 2`(Chandramukhi2). రజనీకాంత్, నయనతార, జ్యోతిక కలిసి నటించిన `చంద్రముఖి` చిత్రానికి సీక్వెల్. మాతృక దర్శకుడు పి. వాసు ఈ చిత్రానికి కూడా దర్శకత్వం వహించారు. లైకా సంస్థ నిర్మించిన ఈ చిత్రం గత నెలలో విడుదలైంది. సెప్టెంబర్ 28న విడుదలై నెగటివ్ టాక్ని తెచ్చుకుంది. రజనీ `చంద్రముఖి` చిత్రానికి రీమేక్లా ఉందనే విమర్శలు వచ్చాయి. సినిమా దారుణంగా డిజాస్టర్గా నిలిచింది. సినిమా బాగా లేదనే టాక్తో ఆడియెన్స్ థియేటర్ కి వెళ్లలేదు. ఓటీటీలో చూసుకుందాం లే అనే ఫీలింగ్లో ఉన్నారు.
ఇదిలా ఉంటే ఈ చిత్రం ఓటీటీ డేట్ ఫిక్స్ అయ్యింది. సినిమా రిలీజ్ అయి నెల రోజుల్లోనే ఓటీటీలో రాబోతుంది. ఏకంగా వచ్చే వారంలోనే సినిమా డిజిటల్లో స్ట్రీమింగ్ కాబోతుంది. ఈ సినిమా డిజిటల్ హక్కులను నెట్ ఫ్లిక్స్ సొంతం చేసుకుంది. సుమారు పది కోట్లకి ఈ రైట్స్ తీసుకుందని సమాచారం. ఈ నేపథ్యంలో వచ్చే వారం నెట్ ఫ్లిక్స్ లో `చంద్రముఖి 2` స్ట్రీమింగ్ (Chandramukhi2 OTT) కానుంది. అయితే ముందుగా అక్టోబర్ 27న రాబోతుందని అన్నారు. కానీ ఇప్పుడు ఒక్క రోజు ముందుగానే రాబోతుందట. ఈ నెల 26నే ఓటీటీలో స్ట్రీమింగ్ అవుతుందని నెట్ ఫ్లిక్స్ ప్రకటించింది. తెలుగుతోపాటు తమిళం, కన్నడ, మలయాళం, హిందీలో ఇది స్ట్రీమింగ్ కానుంది.
`చంద్రముఖి 2` సినిమా ఎన్నో అంచనాల మధ్య వచ్చింది. రజనీకాంత్ నటించిన తొలి చిత్రం పెద్ద విజయం సాధించడంతో దాదాపు 17ఏళ్ల తర్వాత దానికి సీక్వెల్ తెరకెక్కిస్తుండటంతో అంతా ఆసక్తికరంగా ఎదురుచూశారు. కానీ ఈ చిత్రం బాగా నిరాశ పరిచింది. కేవలం లీడ్ కాస్టింగ్ రజినీ స్థానంలో లారెన్స్, జ్యోతిక స్థానంలో కంగనా వచ్చింది కానీ, మిగతాదంతా సేమ్ అనే అభిప్రాయాన్ని ఆడియెన్స్ వెల్లడించారు. దీంతో సినిమా పెద్ద డిజాస్టర్ అయ్యింది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
