హాస్య నటుడు బ్రహ్మానందంకు బైపాస్ సర్జరీ
ప్రముఖ హాస్య నటుడు బ్రహ్మానందం కు సంక్రాంతి రోజు బైపాస్ ఆపరేషన్ జరిగిందని మీడియా వర్గాల సమాచారం. ముంబైలోని ఏషియన్ హార్ట్ ఇనిస్టిట్యూట్ లో ఈ సర్జరీ చేసారు.
ప్రముఖ హాస్య నటుడు బ్రహ్మానందం కు సంక్రాంతి రోజు బైపాస్ ఆపరేషన్ జరిగిందని మీడియా వర్గాల సమాచారం. ముంబైలోని ఏషియన్ హార్ట్ ఇనిస్టిట్యూట్ లో ఈ సర్జరీ చేసారు. ఆదివారం ఆయన అనారోగ్యంగా ఉండటం, గాలి తీసుకోవటం ఇబ్బంది అనిపించటంతో వైద్యుల సూచన మేరకు , ముంబై ఏషియన్ హార్ట్ ఇనిస్టిట్యూట్ కు తీసుకువచ్చి జాయిన్ చేసారు.
నిన్న ఉదయం ఆ హాస్పటిల్ లోని ప్రముఖ కార్డియాక్ సర్జన్ రామకుంట పాండ ఆధ్వర్యంలో ఈ ఆపరేషన్ నిర్వహించారు. ఆపరేషన్ సక్సెస్ అయ్యింది. ఆయన మెల్లగా కోలుకుంటున్నారు. డాక్టర్ల అబ్జర్వేషన్ కోసం ఓ వారం రోజులు పాటు హాస్పటిల్ లో ఉండమన్నట్లు తెలుస్తోంది.
62 సంవత్సరాల బ్రహ్మానందంని ఆయన కుమారులు రాజా గౌతమ్, సిద్దార్ద హాస్పటిల్ లో కనిపెట్టుకుని ఉన్నారని చెప్తున్నారు. అయితే ఈ విషయమై అఫీషియల్ ప్రకటన కానీ, సమాచారం కానీ అందుబాటులో లేదు.
హాస్య బ్రహ్మాగా పేరుపొంది, ఒక దశాబ్దం పాటు దాదాపు విడుదలైన ప్రతి తెలుగు సినిమాలోనూ కనిపించి నవ్వుల్ని పండించారు బ్రహ్మానందం. ఆయన కు ఈ మధ్య సినిమా అవకాశాలు బాగా తగ్గాయి. కొన్ని సినిమాల్లో మాత్రమే ఆయన కనిపిస్తున్నారు. దర్శకులు, రచయితలు ఆయన కోసం ప్రత్యేకంగా పాత్రలు రాయడం తగ్గించేశారు . రీసెంట్ గా ఎన్టీఆర్ కధానాయకుడులో ..రేలంగి పాత్రలో కనిపించారు. దాదాపు వెయ్యికు పైగా సినిమాల్లో నటించిన ఆయన సౌతిండియాలో టాప్ కమిడియన్ గా వెలిగారు.