ఏదైనా సాధించాలంటే వయస్సుతో సంబంధం లేదు అని నిరూపించింది బాలీవుడ్ స్టార్ హీరో భార్య.. మాజీ స్టార్ హీరోయిన్. 50 ఏళ్ళ వయస్సులో కూడా తను అనుకున్నది సాధించి మాస్టర్ డిగ్రీని సొంతం చేసుకుంది.
సాధించాలి అనే తపన ఉంటే చాలు..వయస్సుతో సబంధం లేదు అని నిరూపించింది బాలీవుడ్ తార ట్వింకిల్ ఖన్నా. 1995 లో బర్సాత్ మూవీతో బాలీవుడ్ ఎంట్రీ ఇచ్చిన ట్వింకిల్ ఖన్నా.. స్టార్ హీరోయిన్గా వెలుగు వెలిగింది. బాలీవుడ్ లో వరుస సినిమాలు చేస్తూ.. సందడి చేసిన ఈ సీనియర్ బ్యూటీ.. 2001 లో సూపర్ స్టార్ అక్షయ్ కుమార్ను పెళ్లాడాక సినిమాలకు దూరం అయ్యింది. కుటుంబ భాద్యతలను చూసుకుంటూ.. బిజీ అయిపోయింది. అయితే తనకున్న కొన్ని టాలెంట్స్ ను మాత్రం మర్చిపోకుండా.. కొనసాగిస్తూ వచ్చింది ట్వింకిల్. రచయిత్రి, కాలమిస్ట్ గా ఫేమస్ అయ్యింది. సినిమాల జోలికి మాత్రం వెళ్లలేదు. అయితే తాజాగా ఈ స్టార్ హీరోయిన్ కొత్త రికార్డ్ ను సాధించింది.
రీసెంట్ గా ట్వింకిల్ కన్నా మాస్టర్స్ డిగ్రీ అందుకున్నారు. 50 ఏళ్ల వయసులో ఈ ఘనత సాధించింది బాలీవుడ్ సీనియర్ తార. ఆమె విజయం చూసి ఎమోషనల్ అయ్యారు స్టార్ హీరో అక్షయ్ కుమార్. అంతే కాదు తన భార్య సాధించిన విజయానికి సంబరపడిపోతూ.. ఆమెను అభినందిస్తూ సోషల్ మీడియాలో పోస్టు కూడా పెట్టారు.ట్వింకిల్ ఖన్నా ఇండస్ట్రీలో ఉన్నది చాలా తక్కువ ఇయర్స్ అయినా.. వరుస సినిమాలు చేసింది. ఇంటర్నేషనల్ ఖిలాడీ, జుల్మీ, యే హై ముంబయి మేరీ జాన్, చల్ మేరే భాయ్, జోడీ నెంబర్ 1 వంటి సినిమాలతో మంచి పేరు తెచ్చుకున్నారు ట్వింకిల్. ఈ సీనియర్ బ్యూటీ తెలుగులో కూడా నటించింది.
తెలుగులో విక్టరీ వెంకటేష్ జోడీగా శీను సినిమాలో నటించి మెప్పించింది బ్యూటీ. బాలీవుడ్ సెలబ్రిటీ కపుల్ డింపుల్-రాజేష్ ఖన్నాల కూతురైనా.. వారి ఇమేజ్ తో సబంధం లేకుండా.. సొంత టాలెంట్ పై ఆధారపడి స్టార్ డమ్ తెచ్చుకుంది బ్యూటీ. నటన విషయంలో కూడా తనదైన శైలి చూపించింది తార. నటనతో పేరు తెచ్చుకున్నారు ట్వింకిల్. 2001 లో అక్షయ్ కుమార్ను పెళ్లాడిన ట్వింకిల్ సినిమాలకు దూరంగా ఉన్నారు. గతంలో సినిమాల కోసం చదువుకి దూరమైన ట్వింకిల్ తన ఇష్టాన్ని కూడా నెరవేర్చుకున్నారు. 50 సంవత్సరాల వయసులో లండన్ గోల్డ్ స్మిత్స్ కాలేజీ నుండి మాస్టర్ డిగ్రీ పుచ్చుకున్నారు.
ట్వింకిల్ మాస్టర్స్ డిగ్రీ పూర్తి చేయడంపై భర్త అక్షయ్ సంతోషం వ్యక్తం చేసారు. భార్యను అభినందిస్తూ పోస్టు పెట్టారు. ‘ రెండేళ్ళ క్రితం నువ్వు మళ్ళీ చదువుకోవాలని ఉంది అని నాతో అన్నప్పుడు ఎంతో ఆశ్చర్యపోయాను. ఇల్లు, కెరీర్, నేను మరియు పిల్లలను చూసుకుంటూనే చదువును పూర్తి చేసావు. నేను ఒక సూపర్ ఉమెన్ని పెళ్లి చేసుకున్నాను..నాకు ఎంతో గర్వంగా ఉంది.. కంగ్రాట్స్ మై లవ్’ అనే శీర్షికతో అక్షయ్ భార్య కోసం పోస్టు పెట్టారు. అక్షయ్ పోస్టుపై ‘ఇంతలా ప్రోత్సహించే భర్త దొరకడం నా అదృష్టం’ అంటూ ట్వింకిల్ స్పందించారు. చదువుకోవాలనే ఆసక్తి ఉండాలే కానీ వయసు ఒక అడ్డంకి కాదని ట్వింకిల్ నిరూపించారు. భార్య ఇష్టాన్ని గౌరవిస్తూ ఆమెకు ప్రోత్సాహాన్ని అందించిన అక్షయ్ని కూడా మెచ్చుకోవాలి.
