కమల్‌, శ్రీదేవి హిట్‌ టైటిల్‌తో నేషనల్‌ అవార్డ్ విన్నింగ్‌ హీరో సినిమా
కోలీవుడ్‌లో సెటిల్‌ అయిన బాబీ సింహా తాజాగా ఓ సూపర్‌ హిట్‌ టైటిల్‌తో రాబోతున్నారు. కమల్‌ హాసన్‌, అతిలోక సుందరి శ్రీదేవిల సూపర్‌ హిట్‌ చిత్రం `వసంత కోకిల` పేరుతో ఓ సినిమా చేస్తున్నారు.
`జిగర్తాండ` చిత్రంతో ఉత్తమ సహాయనటుడిగా జాతీయ అవార్డు గెలుచుకుని అందరి చూపు తనవైపు తిప్పుకున్న తమిళ నటుడు బాబీ సింహా మన తెలుగు వారు కావడం విశేషం. ఇక్కడే పుట్టిపెరిగి కోలీవుడ్‌లో సెటిల్‌ అయిన బాబీ సింహా తాజాగా ఓ సూపర్‌ హిట్‌ టైటిల్‌తో రాబోతున్నారు. కమల్‌ హాసన్‌, అతిలోక సుందరి శ్రీదేవిల సూపర్‌ హిట్‌ చిత్రం `వసంత కోకిల` పేరుతో ఓ సినిమా చేస్తున్నారు. నేడు(శుక్రవారం) బాబీ సింహా పుట్టిన రోజు. ఈ సందర్భంగా ఈ చిత్ర ఫస్ట్ లుక్‌ని విడుదల చేశారు హీరో రానా.
బాబీ సింహా హీరోగా నూతన దర్శకుడు రమణన్ పురుషోత్తమ్‌ దర్శకత్వంలో రూపొందుతున్న ఈ చిత్రాన్ని ఎస్‌ఆర్‌టి ఎంటర్‌టైన్‌మెంట్స్, ముద్ర ఫిల్మ్స్ ఫ్యాక్టరీ పతాకాలపై రామ్‌ తాళ్లూరి నిర్మిస్తున్నారు. ఇందులో బాబీ సరసన `నర్తనశాల` ఫేమ్‌ కాశ్మీర పరదేశి హీరోయిన్‌గా నటిస్తుంది. ఈ చిత్రాన్ని తెలుగు, తమిళం, కన్నడ భాషల్లో తెరకెక్కిస్తుండటం విశేషం. ఈ సినిమా టైటిల్ `వసంత కోకిల`ని తెలుగులో రానా ప్రకటించగా, తమిళ నుంచి స్టార్ హీరో ధ‌నుష్, కన్నడ స్టార్ హీరో ర‌క్షిత్ శెట్టి విడుదల చేశారు.
రొమాంటిక్‌ థ్రిల్లర్‌గా ఈ చిత్రం తెరకెక్కుతుందని చిత్ర బృందం పేర్కొంది. తాజాగా విడుద‌లైన ఫస్ట్ లుక్ లో బాబీ సింహా విల‌క్ష‌ణ‌త ప్ర‌తిభింబించేలా ఉంది. చేతిలో బౌ అండ్ యారో, ఫారేస్ట్ బ్యాక్ డ్రాప్, డార్క్ గ్రిన్ క‌ల‌ర్ టింట్ ఇలా ఎన్నో ఉత్కంఠ రేపే ఎలిమెంట్స్ ఉన్నాయి. సినిమా జాన‌ర్ కి, బాబీ సింహా అత్యుత్త‌మ ప‌ర్ఫార్మెన్స్ కి త‌గిన విధంగానే దర్శకుడు రమణన్ `వసంత కోకిల` చిత్రాన్ని తెర‌కెక్కించార‌ని చిత్ర బృందం చెబుతుంది. జాతీయ అవార్డ్ విన్నర్‌ క‌మ‌లహాస‌న్, శ్రీదేవి కాంబినేష‌న్ లో వచ్చిన `వసంత కోకిల` ఏ రేంజ్ స‌క్సెస్ అందుకుందో అంద‌రికీ తెలిసిందే. ఇప్పుడు అదే టైటిల్ తో తెర‌కెక్కుతున్న సినిమాతో మ‌రో జాతీయ అవార్డు గ్ర‌హీత బాబీ సింహా న‌టించ‌డం విశేషం.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
