Bigg Boss Telugu 8: ఆసక్తి పెంచేసిన లేటెస్ట్ ప్రోమో... అన్ లిమిటెడ్ అంటే ఏంటి? అక్కడే ఉంది మతలబు!
బిగ్ బాస్ తెలుగు 8 లేటెస్ట్ ప్రోమో మరింత ఆసక్తి పెంచేసింది. కింగ్ నాగార్జున ఆడియన్స్ కి హింట్స్ ఇస్తున్నాడు. అద్భుతం దీపం నుండి జీనీగా వచ్చి వరాలు ఇస్తాను అంటున్నాడు...
 )
Followబిగ్ బాస్ తెలుగు సీజన్ 8 మేనియా మొదలైపోయింది. మరో ఐదు వారాల్లో లాంచింగ్ ఎపిసోడ్ ఉండే అవకాశం కలదు. సెప్టెంబర్ 1న స్టార్ మా లో ప్రసారం అవుతున్న కిరాక్ బాయ్స్ ఖిలాడీ గర్ల్స్ ముగియనుంది. తదుపరి ఆదివారం సెప్టెంబర్ 8న ఫస్ట్ ఎపిసోడ్ అంటున్నారు.
కంటెస్టెంట్స్ ఎంపిక దాదాపు పూర్తి అయ్యింది. బంచిక్ బబ్లు, కుమారీ ఆంటీ, రీతూ చౌదరి, విష్ణుప్రియ, సోనియా సింగ్, మై విలేజ్ షో అనిల్, ప్రభాస్ శ్రీను, బుల్లెట్ భాస్కర్, అమృత ప్రణయ్, ఖయ్యూం అలీ ఎంపికైన లిస్ట్ లో ఉన్నారని విశ్వసనీయ సమాచారం.
బర్రెలక్క, వేణు స్వామి, అబ్బాస్, అంబటి అర్జున్, కిరాక్ ఆర్పీ, యాదమ్మ రాజు, వినోద్ కుమార్, నటుడు రోహిత్ పేర్లు సైతం తెరపైకి వచ్చాయి. కంటెస్టెంట్స్ ఎవరు అనేది అధికారికంగా లాంచింగ్ ఎపిసోడ్ పూర్తి అయ్యే వరకు సస్పెన్సు. అయితే ప్రతి సీజన్ ప్రారంభానికి ముందే కొన్ని పేర్లు లీక్ అవుతాయి.
కాగా ఇటీవల బిగ్ బాస్ తెలుగు 8 లో ఆవిష్కరించారు. తాజాగా సెకండ్ ప్రోమో విడుదల చేశారు. బిగ్ బాస్ తెలుగు 8 తాజా ప్రోమో షో పై కొంత హింట్ ఇచ్చేదిగా ఉంది. ఈ ప్రోమోలో కమెడియన్ సత్య, హోస్ట్ నాగార్జున నటించారు. దొంగైన సత్య ఓ షాప్ లూటీ చేయడానికి వెళతాడు. అక్కడ ఉన్న అద్భుత దీపాన్ని తాకుతాడు. అందులోనుండి జీనీ రోపంలో నాగార్జున వస్తాడు. నీకు కావాల్సింది ఏదైనా కోరుకో... అన్ లిమిటెడ్ గా ఇస్తాను అని సత్యతో నాగార్జున అంటాడు.
ఈ అన్ లిమిటెడ్ అనే పదంలోనే అసలు మతలబు ఉంది. బిగ్ బాస్ 8లోగో లో ఎనిమిదిని ఇన్ఫినిట్(అనంతం) వలె డిజైన్ చేశారు. ప్రోమోలో నాగార్జున అన్ లిమిటెడ్ అంటున్నారు. ఆయన మాటల వెనుక ఆంతర్యం ఏమిటీ? ఈ అన్ లిమిటెడ్ కాన్సెప్ట్ ఏమిటో మనం తెలుసుకోవాల్సి ఉంది. మొత్తంగా లేటెస్ట్ ప్రోమో ఆసక్తిరేపింది. మరి బిగ్ బాస్ మేకర్స్ ఇంకెన్ని సర్ప్రైజ్ లు ప్లాన్ చేయనున్నారో చూడాలి.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
