Asianet News TeluguAsianet News Telugu

`భీమ్లా నాయక్‌` సెకండ్‌ సింగిల్‌ ప్రోమో లోడింగ్‌.. పవన్‌ కళ్యాణ్‌, నిత్యాలపై లవ్‌ సాంగ్‌..

`అంతా ఇష్టం` అనే లిరికల్‌తో సాగే సెకండ్‌ సింగిల్‌ ప్రోమోని గురువారం 11గంటలకు విడుదల చేయబోతున్నారు. పవన్‌ కళ్యాణ్‌, నిత్యా మీనన్‌ లపై ఈ పాట సాగబోతుంది. లవ్‌ సాంగ్‌గా ఇది ఉండబోతుందని అర్థమవుతుంది. 
 

bheemla nayak second song promo loading for dasara gift
Author
Hyderabad, First Published Oct 13, 2021, 7:38 PM IST
  • Facebook
  • Twitter
  • Whatsapp

పవన్‌ కళ్యాణ్‌, రానా కలిసి నటిస్తున్న `భీమ్లా నాయక్‌` నుంచి మరో ట్రీట్‌ రాబోతుంది. ఈ సినిమాకి సంబంధించిన సెకండ్‌ సింగిల్‌( రెండో పాట)ని విడుదల చేయబోతున్నారు. దసరా కానుకగా ఈ నెల 14న(గురువారం) ఈ చిత్రంలోని రెండో పాటని విడుదల చేయబోతున్నారు. `అంతా ఇష్టం` అనే లిరికల్‌తో సాగే సెకండ్‌ సింగిల్‌ ప్రోమోని గురువారం 11గంటలకు విడుదల చేయబోతున్నారు. పవన్‌ కళ్యాణ్‌, నిత్యా మీనన్‌ లపై ఈ పాట సాగబోతుంది. లవ్‌ సాంగ్‌గా ఇది ఉండబోతుందని అర్థమవుతుంది. 

also read:మరో అమ్మాయితో `జబర్దస్త్` వర్షకి అడ్డంగా దొరికిపోయిన ఇమ్మాన్యుయెల్‌.. రోజా ముందుకు పంచాయితీ.. వార్నింగ్‌

ఇక పవన్‌ కళ్యాణ్‌, రానా హీరోలుగా నటిస్తున్న `భీమ్లా నాయక్‌`లో నిత్యా మీనన్‌.. పవన్‌ సరసన హీరోయిన్‌గా నటిస్తుంది. సంయుక్త మీనన్‌ రానా సరసన హీరోయిన్‌గా నటిస్తుంది. సాగర్‌ కె చంద్ర దర్శకత్వంలో  ఈ సినిమా శరవేగంగా చిత్రీకరణ జరుపుకుంటోంది. మాటల మాంత్రికుడు త్రివిక్రమ్‌ డైలాగులు, స్క్రీన్‌ప్లే అందిస్తున్నారు. సితార ఎంటర్‌టైన్‌మెంట్స్ పతాకంపై సూర్యదేవరనాగవంశీ నిర్మిస్తున్నారు. ఈ చిత్రం జనవరి 12న సంక్రాంతి కానుకగా విడుదల కాబోతుంది. 

మలయాళంలో రూపొందిన `అయ్యప్పనుమ్‌ కోషియుమ్‌` రీమేక్‌గా తెరకెక్కిస్తున్నారు. ఇప్పటికే విడుదలైన పవన్‌ పాత్ర గ్లింప్స్, రానా పాత్ర గ్లింప్స్ విడుదల చేయగా వాటికి మంచి స్పందన లభించింది. మిలియన్స్ వ్యూస్‌తో రికార్డులు సృష్టించాయి. ఇందులో పవన్‌ కళ్యాణ్‌ టైటిల్‌ రోల్‌ పోషిస్తున్నారు. భీమ్లా నాయక్‌ అనే పోలీస్‌ పాత్రలో కనిపించబోతున్నారు. మరోవైపు రానా డేనియల్‌ శేఖర్‌ పాత్రలో నటిస్తున్నారు. ఈగోలు దెబ్బతిన్న ఇద్దరు బలమైన వ్యక్తుల మధ జరిగే సంఘర్షణ నేపథ్యంలో ఈ చిత్రం సాగుతుంది. 

పవన్‌ కళ్యాణ్‌ రీఎంట్రీ తర్వాత ఇటీవల `వకీల్‌సాబ్‌`తో బ్లాక్‌ బస్టర్‌ అందుకున్నారు. దీంతో తాజాగా ఆయన నటిస్తున్న ఈ సినిమాపై భారీ అంచనాలు నెలకొన్నాయి. పైగా టీజర్లు, గ్లింప్స్ లు, టైటిల్‌ సాంగ్‌ జనాల్లోకి బాగా వెళ్లాయి. సినిమాపై అంచనాలను అమాంతం పెంచేశాయి. సినిమా కోసం ఈగర్‌గా వెయిట్‌ చేస్తున్నారు. 

also read: జాన్వీ కపూర్‌ని ఇలా ఎప్పుడైనా చూశారా.. చీకటి గదిలో చీర జారిపోతుండగా మైండ్‌ బ్లోయింగ్‌ పోజులు..జస్ట్ కిల్లింగ్‌
 

Follow Us:
Download App:
  • android
  • ios