విజయ్ దేవరకొండ, సమంత కలిసి నటిస్తున్న `ఖుషి` చిత్రంపై అందరిలోనూ ఆసక్తి నెలకొంది. ఈ ఇద్దరు కలిసి నటించడమే ఈ సినిమాకి ప్రత్యేక ఆకర్షణ. ఈ సినిమా నుంచి తాజాగా రెండో సాంగ్ని విడుదల చేశారు.
విజయ్ దేవరకొండ, సమంత కలిసి నటిస్తున్న `ఖుషి` చిత్రం రొమాంటిక్ ఫ్యామిలీ డ్రామాగా రూపొందుతున్న విషయం తెలిసిందే. శివ నిర్వాణ దర్శకత్వంలో తెరకెక్కుతున్న చిత్రమిది. వరుస పరాజయాల అనంతరం విజయ్ దేవరకొండ నుంచి వస్తోన్న సినిమా ఇది. దీంతో హిట్ కొట్టేందుకు గట్టి ప్రయత్నాలు చేస్తున్నారు. సమంత ఇందులో హీరోయిన్గా నటించడంతో అందరిలోనూ ఆసక్తి నెలకొంది. ఇప్పటికే విడుదలైన మొదటి పాట ఆకట్టుకుంది. చార్ట్ బస్టర్గా నిలిచింది. ఇప్పుడు సెకండ్ సింగిల్ని విడుదల చేసింది యూనిట్.
`ఆరాధ్య` అంటూ సాగే ప్రేమగీతాన్ని విడుదల చేశారు. విజయ్ దేవరకొండ, సమంత ల మధ్య ప్రేమ, అనుబంధాన్ని తెలియజేసేలా ఈ పాట సాగడం విశేషం. వారి మధ్య కెమిస్ట్రీని ఆవిష్కరించేలా ఆద్యంతం వినసొంపుగా, హృదయాన్ని టచ్ చేసేలా ఈ పాటుంది. అయితే ఈ సాంగ్ని దర్శకుడు శివ నిర్వాణ రాయడం విశేషం. తమిళంలో మదన్ కార్కీ రాశారు. తెలుగు, తమిళంలో సిధ్ శ్రీరామ్, చిన్మయిలు కలిసి ఆలపించారు. హిషామ్ అబ్దుల్ వాహబ్ అందించిన బాణీ శ్రోతలను ఆద్యంతం కట్టిపడేస్తుంది. దర్శకుడు శివ నిర్వాణ కొరియోగ్రఫీ హైలైట్గా నిలుస్తుంది. ఈ పాట ప్రేమికుల గీతంగా నిలిచిపోతుందని చెబుతుంది యూనిట్.
`మైత్రీ మూవీ మేకర్స్ నిర్మిస్తోన్న ఈ చిత్రానికి సంబంధించిన ప్రతీ అప్డేట్ సోషల్ మీడియాలో ట్రెండ్ అవుతూనే ఉంది. ఇప్పుడు ఈ పాటకు మ్యూజిక్ లవర్స్ అంతా ఫిదా కానున్నారు. ఇప్పటికే 'నా రోజా నువ్వే' అనే పాట యూట్యూబ్లో వంద మిలియన్లకు చేరువలో ఉంది. ఇప్పుడు ఈ సెకండ్ సింగిల్ 'ఆరాధ్య'తో మరో సారి 'ఖుషి' సినిమా ట్రెండ్ అవ్వడం ఖాయం. చార్ట్ బస్టర్ లిస్ట్లో ఆరాధ్య పాట కూడా చేరనుంది. సెప్టెంబర్ 1న ఈ సినిమాను తెలుగుతో పాటు తమిళ్, మలయాళ, కన్నడ, హిందీ భాషల్లో ఈ సినిమాను విడుదల చేయబోతోన్నాం` అని యూనిట్ తెలిపింది.
నటీనటులు:
విజయ్ దేవరకొండ, సమంత, జయరాం, సచిన్ ఖేడేకర్, మురళీ శర్మ, లక్ష్మీ, అలీ, శరణ్య పొన్ వణ్నన్, రోహిణి, వెన్నెల కిషోర్, రాహుల్ రామకృష్ణ, శ్రీకాంత్ అయ్యంగార్, శరణ్య ప్రదీప్ తదితరులు.
టెక్నికల్ టీమ్:
మేకప్ : బాషా
కాస్ట్యూమ్ డిజైనర్స్ : రాజేష్, హర్మన్ కౌర్, పల్లవి సింగ్
ఆర్ట్ : ఉత్తర కుమార్, చంద్రిక
ఫైట్స్ : పీటర్ హెయిన్
రచనా సహకారం : నరేష్ బాబు.పి
పి.ఆర్.వో : జి.ఎస్.కె మీడియా
పబ్లిసిటీ : బాబ సాయి
మార్కెటింగ్ : ఫస్ట్ షో
ఎగ్జిక్యూటివ్ ప్రొడ్యూసర్ : దినేష్ నరసింహన్
ఎడిటర్ : ప్రవీణ్ పూడి
ప్రొడక్షన్ డిజైనర్ : జయశ్రీ లక్ష్మీనారాయణన్
మ్యూజిక్ డైరెక్టర్ : హిషామ్ అబ్దుల్ వాహబ్
డి.ఐ, సౌండ్ మిక్స్ ః అన్నపూర్ణ స్టూడియోస్, విఎఫ్ఎక్స్ మాట్రిక్స్
సి.ఇ.ఓ : చెర్రీ
డైరెక్టర్ ఆఫ్ ఫోటోగ్రఫీ : జి.మురళి
నిర్మాతలు : నవీన్ యేర్నేని,రవిశంకర్ యలమంచిలి
కొరియోగ్రఫీ : శివ నిర్వాణ
కథ,స్క్రీన్ ప్లే, దర్శకత్వం : శివ నిర్వాణ.
