'భగవంత్ లాల్ కేసరి' గా బాలయ్య, కేక పెట్టించే లుక్ తో ...
అఖండ టైటిల్ శివుడును గుర్తు చేస్తే... ఈ NBK108 విష్ణుమూర్తి ని గుర్తు చేసేలా ఉండాలని భావిస్తున్నారట. ఈ పాత్ర అడిగితే వెంటనే వచ్చి రక్షించే పాత్ర అని తెలుస్తోంది. దాంతో విష్ణు మూర్తి నామాలలో ఒక దానిని తీసుకుని పెట్టబోతున్నట్లు సమాచారం.
బాలయ్య 107వ సినిమాగా వచ్చిన 'వీరసింహారెడ్డి' సంచలన విజయాన్ని సాధించిన సంగతి తెలిసిందే. గోపీచంద్ మలినేని దర్శకత్వం వహించిన ఈ సినిమా 100 రోజులను పూర్తి చేసుకుంది. ఆ తరువాత సినిమాను అనిల్ రావిపూడి దర్శకత్వంలో బాలయ్య చేస్తున్నాడు. ప్రస్తుతం అందుకు సంబంధించిన షూటింగ్ జరుగుతోంది. బాలయ్య సూచనపై ఈ చిత్రం జెట్ స్పీడ్ లో కంప్లీట్ అవ్వటానికి ఏర్పాట్లు జరుగుతున్నాయి. ఇక ఈ చిత్రం గురించి ఓ లీక్ మీడియాలో హల్ చల్ చేస్తోంది. ఈ సినిమాలో బాలయ్యపేరు 'భగవంత్ లాల్ కేసరి' అని తెలుస్తోంది. అలాగే బాలయ్య లుక్ కూడా టెర్రిఫిక్ గా ఉండబోతోందని సమాచారం.
అయితే సినిమాకు టైటిల్ ఏంటనేది ఇంకా ఫైనల్ కాలేదు. అఖండ టైటిల్ శివుడును గుర్తు చేస్తే... ఈ NBK108 విష్ణుమూర్తి ని గుర్తు చేసేలా ఉండాలని భావిస్తున్నారట. ఈ పాత్ర అడిగితే వెంటనే వచ్చి రక్షించే పాత్ర అని తెలుస్తోంది. దాంతో విష్ణు మూర్తి నామాలలో ఒక దానిని తీసుకుని పెట్టబోతున్నట్లు సమాచారం.
ఈ సినిమా షూటింగ్‌లో హీరోయిన్ కాజల్ అగర్వాల్ పాల్గొంటోంది. పెళ్లి తర్వాత కాజల్ పూర్తి స్థాయిలో హీరోయిన్ గా నటిస్తున్న సినిమా ఇదే. ఇప్పటికే కమల్ హాసన్, శంకర్ కాంబినేషన్‌లో చేస్తోన్న ‘ఇండియన్ 2’ మూవీలో చేస్తోంది. ఇక ఈ సినిమాలో క్రేజీ హీరోయిన్ శ్రీలీల కూడా నటిస్తోంది. బాలయ్య, కాజల్ అగర్వాల్ కూతురిగా ఆమె కనిపించనుంది. ఇప్పటికే ఈమెపై కీలక సన్నివేశాలను షూట్ చేశారు. జైలుకు వెళ్లొచ్చిన తండ్రి కూతుళ్ల నేపథ్యంలో ఈ సినిమా రూపొందుతున్నట్లు వార్తలు వచ్చాయి. ఇప్పటి వరకు సీమాంధ్ర ప్రాంతంలో బాలయ్య సినిమాలు తెరకెక్కగా, తొలిసారి తెలంగాణ నేపథ్యంలో రూపొందిస్తున్నట్లు ఇప్పటికే దర్శకుడు అనిల్ రావిపూడి ప్రకటించారు. ఈ సినిమాలో బాలయ్య గతంలో ఎప్పుడూ కనిపించని రీతిలో కనిపించనున్నట్లు తెలుస్తోంది. ఇక ఈ సినిమాను షైన్ స్క్రీన్స్ బ్యానర్ పై హరీష్ పెద్ది, సాహు గారపాటి నిర్మిస్తున్నారు.
అలాగే ఈ సినిమాలో శ్రీముఖి ఒక ముఖ్యమైన పాత్రను పోషించనుందనేది టాక్. బాలయ్య కూతురుగా శ్రీలీల నటిస్తుండగా, ఆమెకి ఫ్రెండ్ పాత్రలో శ్రీముఖి కనిపించనుందని అంటున్నారు. మొదటి నుంచి చివరివరకూ ఈ పాత్ర తెరపై కనిపిస్తుందని చెబుతున్నారు. ఈ సినిమాకి థమన్ సంగీతం అందిస్తుండగా షైన్ స్క్రీన్ సినిమాస్ వారు నిర్మాణం వహించారు.
