Asianet News TeluguAsianet News Telugu

అఘోరా అయ్యింది, ఇప్పుడు స్వామీజీ గా బాలయ్య ?

 ఈ కాంబోలో ఫుల్ యాక్షన్ ఎంటర్టైనర్ రాబోతోంది. ఈ  సినిమాలో బాలయ్య మళ్ళీ ఓ డిఫరెంట్ క్యారెక్టర్ లో కనిపించబోతున్నాడు. అలాగే  ఈ సినిమాలో కూడా ఎప్పటిలాగే బాలయ్య డ్యూయెల్ రోల్ చేయబోతున్నాడు.  

Balakrishna as swamiji in Gopichand malineni movie
Author
Hyderabad, First Published Oct 18, 2021, 1:15 PM IST
  • Facebook
  • Twitter
  • Whatsapp

బాలయ్య కొత్త తరహా కథలు ఎంచుకుంటూ కొత్త తరహా గెటప్ లలో కనిపించటానికి ఆసక్తి చూపిస్తున్నారు.  ఇప్పటికే యాక్షన్ డైరెక్టర్ బోయపాటి శ్రీను దర్శకత్వంలో చేస్తోన్న ‘అఖండ’ సినిమాలో అఘోర పాత్రలో నటిస్తున్నాడు. ఆ గెటప్ కు ఇప్పుడు మంచి రెస్పాన్స్ వస్తోంది. ఈ నేపధ్యంలో ఇప్పుడు స్వామీజీ పాత్రను పోషించటానికి సిద్దపడుతున్నాడు Balakrishna. అయితే కొద్ది సేపే కనపడతాడని సమాచారం. ఇలా బాలయ్య, అఘోర, స్వామీజీ పాత్రల పై ఆసక్తి చూపించడం విశేషంగా చెప్తున్నారు. ఇంతకీ బాలయ్య ..స్వామిజీ గెటప్ లో కనిపించేది ఏ చిత్రంలో అంటే...గోపీచంద్ మలినేనితో చేయబోయే సినిమాలో అంటున్నారు.

వివరాల్లోకి వెళితే..."డాన్ శీను", "బలుపు", "పండగ చేసుకో" వంటి సినిమాలకి దర్శకత్వం వహించిన Gopichand Mmalineni ఈ మధ్యనే రవితేజ హీరోగా నటించిన "క్రాక్" సినిమాతో మరోసారి సూపర్ హిట్ అందుకున్నారు.  ఈ కాంబోలో ఫుల్ యాక్షన్ ఎంటర్టైనర్ రాబోతోంది. ఈ  సినిమాలో బాలయ్య మళ్ళీ ఓ డిఫరెంట్ క్యారెక్టర్ లో కనిపించబోతున్నాడు. అలాగే  ఈ సినిమాలో కూడా ఎప్పటిలాగే బాలయ్య డ్యూయెల్ రోల్ చేయబోతున్నాడు. అయితే, రెండు పాత్రలలో ఓ పాత్ర స్వామీజీ పాత్ర అట. అంటే, బాలయ్య ఈ సినిమాలో కొన్ని నిమిషాల పాటు స్వామీజీ గెటప్ లో కనిపించనున్నాడు.

also read: పవన్‌ మా ఫ్యామిలీ ఫ్రెండ్.. వీడియోలో చూసింది నిజం కాదు.. మంచు విష్ణు క్లారిటీ..

ఈ సినిమా స్క్రిప్టు వర్క్ ఇప్పటికే పూర్తైందని, ప్రస్తుతం డైలాగు వెర్షన్ జరుగుతోందని వినికిడి. ఈ  కథలో ఫుల్ యాక్షన్ తో పాటు ఓ  ఎమోషనల్ ప్లాష్ బ్యాక్ కూడా ఉంటుందని చెప్తున్నారు. అలాగే .. కథ మొత్తం రాయలసీమ – కర్ణాటక బోర్డర్ నేపథ్యంలో సాగుతుందని తెలుస్తోంది. ఇక ఈ సినిమా టైటిల్ గురించి ఒక ఆసక్తికరమైన వార్త ఇప్పుడు సోషల్ మీడియాలో హల్చల్ చేస్తోంది. ఈ సినిమాకి "జై బాలయ్య" అనే టైటిల్ ను ఫిలింఛాంబర్లో రిజిస్టర్ చేసినట్లు వార్తలు వినిపిస్తున్నాయి. అంతేకాకుండా దీని గురించి అధికారిక ప్రకటన కూడా నవంబర్ లో సినిమా ఓపెనింగ్ సమయంలో విడుదల చేయబోతున్నారని టాక్. మైత్రి మూవీ మేకర్స్ వారు ఈ సినిమాని నిర్మిస్తున్నారు. 
 

Follow Us:
Download App:
  • android
  • ios