Follow Us "డైరెక్షన్‌ మానేసి రాజకీయ పార్టీ పెట్టబోతున్న అనిల్‌ రావిపూడి.. ఇంట్రెస్టింగ్‌ డిటెయిల్స్")
దర్శకుడిగా ఎంటర్‌టైనింగ్‌ చిత్రాలతో మెప్పించిన అనిల్‌ రావిపూడి ఉన్నట్టుండి పెద్ద షాక్‌ ఇచ్చాడు. రాజకీయాల్లోకి అడుగుపెడుతున్నాడు. డైరెక్షన్‌ మానేసి పొలిటికల్‌ ఎంట్రీకి సిద్ధమవుతున్నాడు.
దర్శకుడు అనిల్‌ రావిపూడి.. డైరెక్టర్‌గా వరుస విజయాలు అందుకుంటున్నాడు. ఇటీవల ఆయన బాలకృష్ణతో చేసిన `భగవంత్‌ కేసరి`తో సక్సెస్‌ కొట్టాడు. `పటాస్‌` నుంచి `భగవంత్‌ కేసరి` వరకు బ్యాక్‌ టూ బ్యాక్‌ హిట్లు తన ఖాతాలో వేసుకున్నారు. మధ్యలో `ఎఫ్‌3` పెద్దగా మెప్పించలేకపోయింది. కానీ కలెక్షన్ల పరంగా ఫర్వాలేదనిపించుకుంది. `భగవంత్‌ కేసరి` సైతం దసరా పండగ కావడంతో గట్టున పడింది. మామూలు రోజుల్లో అయితే బోల్తా కొట్టేది.
దర్శకుడిగా ఎంటర్‌టైనింగ్‌ చిత్రాలతో మెప్పించిన అనిల్‌ రావిపూడి ఉన్నట్టుండి పెద్ద షాక్‌ ఇచ్చాడు. రాజకీయాల్లోకి అడుగుపెడుతున్నాడు. డైరెక్షన్‌ మానేసి పొలిటికల్‌ ఎంట్రీకి సిద్ధమవుతున్నాడు. ఈ మేరకు ఆయన సోషల్‌ మీడియా ద్వారా ఓ వీడియోని విడుదల చేశారు. ఇన్నాళ్లు దర్శకుడిగా తనని ప్రోత్సహించారని, విజయాలు అందించి సక్సెస్‌ చేశారని, తన సక్సెస్‌కి కారణం మీరే అని తెలిపారు. ఇకపై కొత్త రంగంలోకి అడుగుపెట్టాలనుకుంటున్నట్టు, చట్టసభల్లోకి వెళ్లాలని భావిస్తున్నట్టు తెలిపారు. సినిమాల్లో ఆదరించినట్టే, రాజకీయాల్లోనూ తనని ఎంకరేజ్‌ చేయాలని చెప్పడం విశేషం.
ఈ వీడియోలో అనిల్‌ రావిపూడి చెబుతూ, `నేను డైరెక్ట్ చేశాను, మీరు హిట్‌ చేశారు. నేను ఎంటర్‌టైన్‌ చేశాను, మీరు ఎంటర్‌టైన్‌ అయ్యారు. గెలిచేది నేనైనా గెలిపించేది మీరే. కానీ ఈ సారి నా గెలుపు థియేటర్లో కాదు, ఓ అసెంబ్లీ, ఓ పార్లమెంట్‌ ఇలా ప్లాన్‌ చేసుకుంటున్నాను. పంపిస్తారుగా, పంపిస్తారు లే. బాక్సాఫీసు సక్సెస్‌ చూసిన నాకు బ్యాలెట్‌ బాక్స్ సక్సెస్‌ చూడాలని ఉంది.అదేనండి మనం పార్టీ పెట్టబోతున్నాం. మన పార్టీ పేరేంటో, ఎమ్మెల్యే క్యాండిడేట్స్ ఎవరో మొత్తం సమాచారంతో త్వరలో వస్తాను` అని వెల్లడించారు అనిల్‌ రావిపూడి.
పొలిటికల్‌ లీడర్‌ గెటప్‌లో కనిపించి అలరించారు. ప్రస్తుతం ఈ వీడియో, ఆయన గెటప్‌ సోషల్‌ మీడియాలో వైరల్‌ అవుతుంది. అయితే ఇదంతా ఓ షో కోసం అని తెలుస్తుంది. ప్రముఖ ఓటీటీ మాధ్యమం `ఆహా` ప్లాన్‌ చేసింది. ప్రస్తుతం తెలుగు రాష్ట్రాల్లో ఎన్నికల వేడి నెలకొన్న నేపథ్యంలో పొలిటికల్‌ కాన్సెప్ట్ తో ఓ షో చేస్తున్నారని, దానికి దర్శకుడు అనిల్‌ రావిపూడి యాంకర్‌గా వ్యవహరిస్తారని తెలుస్తుంది. అందులో భాగంగానే ఈ ప్రోమోని వదిలారని టాక్. మరి ఇందులో నిజమేంటి? షో కాకుండా మరేం చేయబోతున్నారనేది మున్ముందు తేలనుంది.
