`ఆహా`లో అల్లు అర్జున్ ప్రాజెక్ట్.. అసలు విషయం తేలేదీ రేపే!
ప్రస్తుతం `పుష్ప2`తో బిజీగా ఉన్న అల్లు అర్జున్ తన సొంత ఓటీటీ సంస్థ అయిన `ఆహా`లో ఒరిజినల్‌ చేయబోతున్నారు. దీనికి సంబంధించిన అప్డేట్ రేపు రాబోతుంది.
 )
Followఐకాన్‌ స్టార్‌ అల్లు అర్జున్ ప్రస్తుతం ఇండియా మోస్ట్ వాంటెడ్‌ మూవీ `పుష్ప2`లో నటిస్తున్నారు. సుకుమార్‌ దర్శకత్వం వహిస్తున్న ఈ సినిమా రిలీజ్‌కి ఇంకా ఏడాదైనా పట్టే అవకాశం ఉంది. అప్పటి వరకు బన్నీ మరో సినిమా చేయడం కష్టం. ఆయన ఇప్పటికే నెక్ట్స్ సినిమాల కమిట్ మెంట్లు ఉన్నాయి. కానీ చేసే టైమ్‌ లేదు. ఈ నేపథ్యంలో ఇప్పుడు బన్నీకి సంబంధించిన ఓ అప్డేట్ అందరిని ఆశ్చర్యపరుస్తుంది. ఓటీటీలో అల్లు అర్జున్ ఓ షో చేయబోతున్నారు.
తమ సొంతం ఓటీటీ సంస్థ అయిన `ఆహా`లో బన్నీ ఓ ప్రాజెక్ట్ చేయబోతున్నారు. `పుష్ప2` లాంటి భారీ పాన్‌ ఇండియా సినిమా చేస్తున్న అల్లు అర్జున్ ఓటీటీలో సినిమా చేయడమేంటనే డౌట్‌ అందరిని తొలుస్తుంది. అయితే `ఆహా` ఒరిజినల్‌ బన్నీ చేయబోతున్నారని సమాచారం. అయితే వెబ్‌ సిరీస్‌ కానీ, వెబ్‌ ఫిల్మ్ కానీ బన్నీ చేయబోతున్నారనేది తాజాగా టీమ్‌ ఇచ్చిన అప్డేట్ ని బట్టి అర్థమవుతుంది. కాకపోతే ఇందులో బన్నీ నటించడం కాకుండా దాన్ని నిర్మిస్తున్నారనే వార్తలు వినిపిస్తున్నాయి.
మరోవైపు `ఆహా`లో బన్నీ ఓ టాక్‌ షో చేస్తున్నారనేది చాలా కాలంగా వినిపిస్తున్న మాట. తాజాగా వచ్చిన అప్డేట్ దానికి సంబంధించినదేనా? అనేది తెలియాల్సి ఉంది. రేపు ఉదయం మాటల మాంత్రికుడు త్రివిక్రమ్‌ ఈ సస్పెన్స్ కి తెరదించబోతున్నారని, అసలు విషయం రేపు తేలబోతుందని తెలుస్తుంది. మరి `ఆహా`ని టేకోవర్‌ చేసిన బన్నీ ఏం చేయబోతున్నారనేది తెలియాలంటే మరికొన్ని గంటలు ఆగాల్సిందే.
ఇక అల్లు అర్జున్ నటిస్తున్న `పుష్ప2` చిత్రీకరణ దశలో ఉంది. వెకేషన్‌కి వెళ్లిన బన్నీ ఇటీవల తిరిగి వచ్చారు. మొన్న వరుణ్‌ తేజ్‌, లావణ్యల ఎంగేజ్‌మెంట్‌ కార్యక్రమంలో పాల్గొన్నారు. త్వరలోనే ఆయన మళ్లీ `పుష్ప2` షూటింగ్‌లో జాయిన్‌ కాబోతున్నారని సమాచారం. ఇందులో రష్మిక మందన్నా కథానాయికగా నటిస్తున్న విషయం తెలిసిందే. ఫహద్‌ ఫాజిల్‌ నెగటివ్‌ రోల్‌ చేస్తున్నారు. అనసూయ, సునీల్‌ కీలక పాత్రలు పోషిస్తున్నారు. వీరితోపాటు రెండో భాగంలో కొత్త నటీనటులు యాడ్‌ కాబోతున్నారని సమాచారం.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
