Asianet News TeluguAsianet News Telugu

కెరీర్‌లో ఫస్ట్ టైమ్‌ బన్నీ ఆ సాహసం.. ఫ్యాన్స్ రిసీవ్‌ చేసుకుంటారా?

స్టార్‌ డైరెక్టర్‌ సుకుమార్‌ ఆయనకు `ఐకాన్‌ స్టార్‌` అనే బిరుదుని ఇటీవల `పుష్ప` ఫస్ట్ గ్లింప్స్ ఈవెంట్‌లో ఇచ్చారు.  దీంతో ఇప్పుడు బన్నీ `ఐకాన్‌ స్టార్‌` అయిపోయాడు. నిజానికి బన్నీకి `ఐకాన్‌` అనే బిరుదు రెండేళ్ల క్రితమే వచ్చేది.

allu arjun blind role in icon movie? what fans reaction ? arj
Author
Hyderabad, First Published Jun 25, 2021, 9:25 PM IST

అల్లు అర్జున్‌.. స్టయిలీష్‌ స్టార్‌ నుంచి ఐకాన్‌ స్టార్‌గా ప్రమోట్‌ అయిన హీరో. స్టయిలీష్‌ పాత్రలే కాదు, స్టయిలీష్‌ నటనతోనూ, డ్రెస్సింగ్‌ స్టయిల్స్ తోనూ, డాన్సుతోనూ తానుస్టయిలీష్‌ యాక్టర్‌ అని నిరూపించుకున్నారు. కానీ ఇంకా ఎన్నాళ్లు స్టయిలీష్‌ స్టార్‌గా ఉండిపోతావు, ఇంకో మెట్టు ఎక్కాలని చెప్పి స్టార్‌ డైరెక్టర్‌ సుకుమార్‌ ఆయనకు `ఐకాన్‌ స్టార్‌` అనే బిరుదుని ఇటీవల `పుష్ప` ఫస్ట్ గ్లింప్స్ ఈవెంట్‌లో ఇచ్చారు. 

దీంతో ఇప్పుడు బన్నీ `ఐకాన్‌ స్టార్‌` అయిపోయాడు. నిజానికి బన్నీకి `ఐకాన్‌` అనే బిరుదు రెండేళ్ల క్రితమే వచ్చేది. ఆయన `వకీల్‌సాబ్‌` ఫేమ్‌ వేణు శ్రీరామ్‌తో `ఐకాన్‌`(కనబడుట లేదు) అనే సినిమా చేయాల్సి ఉంది. కానీ దాన్ని పక్కన పెట్టి ఇతర సినిమాలను పట్టాలెక్కించాడు బన్నీ. సుకుమార్‌తోపాటు కొరటాలతో సినిమాని అనౌన్స్ చేశాడు. దీంతో `ఐకాన్‌` ఇక లేనట్టే అనుకున్నారు. కానీ ఇటీవల కొరటాల బన్నీకి హ్యాండిచి ఎన్టీఆర్‌తో సినిమాకి కమిట్‌ అయ్యాడు. 

దీంతో ఇప్పుడు బన్నీ మళ్లీ `ఐకాన్‌`పై ఫోకస్‌ పెట్టినట్టు తెలుస్తుంది. వేణు శ్రీరామ్‌తో సినిమాని చేసేందుకు బన్నీ ఆసక్తి చూపిస్తున్నాడని సమాచారం. అయితే ఇందులో బన్నీ గుడ్డివాడిగా కనిపిస్తాడని అంటున్నారు. టైటిల్‌ క్యాప్షన్‌ మీనింగ్‌ అదే అంటూ ప్రచారం జరుగుతుంది. ఈ మూవీలో బన్నీకి నిజంగానే కళ్లు కనిపించవట. అంధుడి పాత్రలో కనిపించనున్నట్లు ఫిల్మ్‌ నగర్‌ టాక్‌. త్వరలోనే ఐకాన్‌ మూవీకి సంబంధించి అఫీషియల్‌ అనౌన్స్‌మెంట్‌ రానున్నట్లు సమాచారం. గతంలో రవితేజ `రాజా ది గ్రేట్` సినిమాలో అంధుడి పాత్రలో నటించి ఘన విజయం సాధించిన సంగతి తెలిసిందే. మరి బన్నీని అభిమానులు ఎలా రిసీవ్‌ చేసుకుంటారో చూడాలి. 

Follow Us:
Download App:
  • android
  • ios