Asianet News TeluguAsianet News Telugu

ఐకాన్‌ స్టార్‌తో మరోసారి బుట్టబొమ్మ.. హ్యాట్రిక్‌ కొట్టేందుకు గట్టి ప్లాన్‌.. ?

దిల్‌రాజు నిర్మించిన `డీజే`లోనూ తనే హీరోయిన్‌ కావడంతో, బన్నీ, పూజాల జోడీకి మంచి క్రేజ్‌ ఉన్న నేపథ్యంలో వీరిద్దరి మరోసారి తెరపై చూపించాలని పట్టుబడుతున్నాడట దిల్‌రాజు. `ఐకాన్` ప్రకటించి చాలా నెలలైన నేపథ్యంలో గతంలోనే హీరోయిన్‌ పాత్రకు పూజా హెగ్డే పేరును చిత్రబృందం పరిశీలించినట్లు వార్తలు వచ్చాయి.

allu arjun and pooja hegde come together for third time ?
Author
Hyderabad, First Published Aug 24, 2021, 2:15 PM IST

ఐకాన్‌ స్టార్‌తో బుట్టబొమ్మ మరోసారి రొమాన్స్ చేయబోతుంది. వీరిద్దరు కలిసి మరో సినిమా చేయబోతున్నారు. అల్లు అర్జున్‌, పూజా హెగ్డే ఇప్పటికే `డీజేః దువ్వాడ జగన్నాథమ్‌`, `అల వైకుంఠపురములో` చిత్రాల్లో నటించారు. `డీజే` యావరేజ్‌గా నిలవగా, `అల వైకుంఠపురములో` చిత్రం సంచలన విజయం సాధించింది. నాన్‌ `బాహుబలి` రికార్డ్ లను తిరగరాసింది. 

ఈ నేపథ్యంలో ఈ క్రేజీ జోడి మరోసారి సిల్వర్‌ స్క్రీన్‌పై మ్యాజిక్‌ చేయబోతుందట. త్వరలోనే వీరిద్దరిని తెరపై చూడబోతామని టాలీవుడ్‌లో వార్తలు వినిపిస్తున్నాయి. వేణు శ్రీరామ్‌ దర్శకత్వంలో అల్ల అర్జున్‌ `ఐకాన్‌` పేరుతో ఓ సినిమా చేయబోతున్నారు. దిల్‌రాజు నిర్మాత. ఈ చిత్రంలో హీరోయిన్‌గా పూజా హెగ్డేనే అనుకుంటున్నారట. దిల్‌రాజు నిర్మించిన `డీజే`లోనూ తనే హీరోయిన్‌ కావడంతో, బన్నీ, పూజాల జోడీకి మంచి క్రేజ్‌ ఉన్న నేపథ్యంలో వీరిద్దరి మరోసారి తెరపై చూపించాలని పట్టుబడుతున్నాడట దిల్‌రాజు.

`ఐకాన్` ప్రకటించి చాలా నెలలైన నేపథ్యంలో గతంలోనే హీరోయిన్‌ పాత్రకు పూజా హెగ్డే పేరును చిత్రబృందం పరిశీలించినట్లు వార్తలు వచ్చాయి. ఆ తర్వాత హీరోయిన్ల జాబి తాలోకి వేరే తారల పేర్లు వచ్చినప్పటికీ పూజానే ముందు వరుసలో ఉన్నారట. మరి మూడోసారి ఈ జంట మ్యాజిక్‌ చేస్తుందేమో చూడాలి. ప్రస్తుతం బన్నీ నటిస్తున్న `పుష్ప` రెండు భాగాలుగా రాబోతుంది. తొలి భాగం క్రిస్మస్‌ కానుకగా రానుంది. అలాగే పూజా ప్రస్తుతం `రాధేశ్యామ్‌`, `మోస్ట్ ఎలిజిబుల్‌ బ్యాచ్‌లర్‌`, మహేష్‌-త్రివిక్రమ్‌ చిత్రం, `బీస్ట్` చిత్రంలో నటిస్తుంది.  

Follow Us:
Download App:
  • android
  • ios