చిరుపై అభిమానం.. 12 ఏళ్లు పోరాడి నీచంగా మాట్లాడిన వారిని జైలుకు పంపించా.. అల్లు అరవింద్ కామెంట్స్
మెగాస్టార్ చిరంజీవి - మెహర్ రమేశ్ కాంబోలో ‘భోళా శంకర్’ రూపుదిద్దుకున్న విషయం తెలిసిందే. ఈరోజు హైదరాబాద్ లోని శిల్ప కళావేదికలో ప్రీ రిలీజ్ ఈవెంట్ గ్రాండ్ గా నిర్వహిస్తున్నారు. అతిథిగా హాజరైన మెగా ప్రొడ్యూసర్ అల్లు అరవింద్ మాట్లాడుతూ ఇంట్రెస్టింగ్ న్యూస్ చెప్పారు.
 )
Followమెగాస్టార్ చిరంజీవి (Chiranjeevi) - మిల్క్ బ్యూటీ తమన్నా భాటియా జంటగా ప్రేక్షకుల ముందుకు వస్తున్న చిత్రం ‘భోళా శంకర్’ (Bhola Shankar). మెహర్ రమేశ్ దర్శకత్వం వహించారు. టాలీవుడ్ స్టార్ హీరోయిన్ కీర్తి సురేష్, సుశాంత్ అక్కినేని కీలక పాత్రలు పోషించారు. ఏకే ఎంటర్ టైన్ మెంట్స్ బ్యానర్ పై రూపుదిద్దుకుంది. ఆగస్టు 11న స్వాతంత్ర్య దినోత్సవం సందర్భంగా ఈ చిత్రం గ్రాండ్ గా థియేటర్లలో విడుదల కాబోతోంది.
ఈ సందర్భంగా హైదరాబాద్ లోని శిల్పా కళా వేదికలో ఈరోజు భారీ స్థాయిలో ప్రీ రిలీజ్ ఈవెంట్ ను నిర్వహిస్తున్నారు. ఈవెంట్ కు నటి మెహర్ రమేశ్, కీర్తి సురేష్, మెగా ప్రొడ్యూసర్ అల్లు అరవింద్ (Allu Aravind), యంగ్ డైరెక్టర్స్ బాబీ, సంపత్ నంది, గోపీచంద్ మాలినేని, బుచ్చిబాబు, వంశీ పైడిపల్లి, హైపర్ ఆది, శ్రీముఖి హాజరయ్యారు. ఈ సందర్భంగా అల్లు అరవింద్ మాట్లాడుతూ ఇంట్రెస్టింగ్ న్యూస్ ను రివీల్ చేశారు.
అల్లు అరవింద్ మాట్లాడుతూ.. ‘భోళా శంకర్’ సినిమాకు సక్సెస్ కావాలని కోరుకుంటున్నాను. అయితే.. చిరు చూడని సక్సెస్ ఏముంది.. ఆయనకు ఈ చిత్రంతో ఆల్ ది బెస్ట్ చెప్పాల్సిన అవసరం ఏముంది..మీరంతా ఆయన సినిమాలు చూస్తూ పెరిగితే.. నేను సినిమాలు చేస్తూ పెరిగాను. అయితే చిరుపై నాకున్న అభిమానం ఎంతటితో ఈ వేదికపై చెప్పబోతున్నాను. చిరంజీవి గారు చేసే సేవల్ని కొందరు నీచంగా మాట్లాడరని తెలిసి.. 12 ఏళ్లు పోరాడి మరీ వారిని వారిని జైల్ కు పంపించేంత వరకు వదలలేదన్నారు. అంతటి అభిమానం ఆయనపై ఉందని గుర్తుచేశారు.
చివరిగా మెగాస్టార్ ‘వాల్తేరు వీరయ్య’తో బ్లాక్ బాస్టర్ హిట్ ను అందుకున్నారు. దాంతర్వాత వస్తున్న చిత్రం ‘భోళా శంకర్’. ఈ మూవీలో వింటేజ్ లుక్ లో చిరు అలరించబోతున్నారని ఇప్పటి వరకు వచ్చిన ప్రమోషనల్ మెటీరియల్ సినిమాపై ఆసక్తిని పెంచుతోంది. ఇక గ్రాండ్ గా ప్రీ రిలీజ్ ఈవెంట్ ను నిర్వహించడంతో సినిమాపై భారీ హైప్ క్రియేట్ అయ్యింది. ఏకే ఎంటర్ టైన్ మెంట్స్ బ్యానర్ పై చిత్రం రూపుదిద్దుకుంది. మహాతి స్వర సాగర్ సంగీతం అందించారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
