జిమ్ లో అలియా కసరత్తులు.. 70 కిలోలు ఎత్తేసింది!
బాలీవుడ్ నటి ఆలియా భట్ జిమ్లో చెమటోడుస్తున్నారు. ఏకంగా 70 కిలోల డెడ్ లిఫ్ట్స్ ఎత్తి అందరినీ ఆశ్చర్యపరిచారు. బహుశా ఆమె ‘ఆర్ ఆర్ ఆర్’ సినిమాకు తగ్గట్టుగా తన శరీరాకృతిని మలుచుకుంటున్నట్లున్నారు.
మన సెలబ్రిటీల్లో చాలా మందికి ఫిట్నెస్ పిచ్చి ఉంటుంది. తమ రోజువారీ జీవితంలో జిమ్ ని భాగంగా చేసుకుంటారు. ఒకప్పుడు అలియా కాస్త బొద్దుగా ఉండేది. కానీ సినిమాల కోసం బాగా తగ్గింది. ఇప్పుడు ఆమె శరీరాకృతికి చాలా మంది ఫ్యాన్స్ ఉన్నారు. తాజాగా ఈ బ్యూటీ జిమ్ లో ఏకంగా 70 కిలోల డెడ్ లిఫ్ట్స్ ఎత్తుతూ కనిపించారు.
అలియా లాంటి శరీరాకృతి ఉన్నవారికి అంతటి డెడ్ లిఫ్ట్స్ మోయడమంటే చాలా కష్టం. కానీ ఆమె తన తదుపరి సినిమాల కోసం జిమ్ లో కష్టపడుతున్నారు. ప్రముఖ సెలబ్రిటీ ఫిట్నెస్ ట్రైనర్ సోహ్రాబ్ ఖుష్రూషాహి సమక్షంలో అలియా కసరత్తులు చేస్తుంటారు. అలియాకు ఫిట్నెస్ పై ఉన్న నిబద్ధత పాటలు తాను చాలా సంతోషంగా ఉన్నానని సోహ్రాబ్ వెల్లడించారు.
అయితే ఇంతటి డెడ్ లిఫ్ట్స్ ఎత్తడానికి అలియా మొదట్లో మొహమాట పడేవారట. వీటికోసమే ఆమె జిమ్ కి రావడం మొదలుపెట్టారని.. ఇప్పుడు సోహ్రాబ్ లో చాలా మార్పు కనబడుతోందని.. తన ముందు ఎలాంటి కష్టమైన టాస్క్ ఉన్నా.. ఆమె వెనక్కి తగ్గరని ఆమె డెడ్ లిఫ్ట్ చేస్తున్నప్పుడు తీసిన వీడియోను ఇన్స్టాగ్రామ్ లో షేర్ చేశారు.
ప్రస్తుతం అలియా టాలీవుడ్ లో 'RRR' సినిమాలో నటిస్తోంది. అలానే మహేష్ భట్ దర్శకత్వంలో 'సడక్ 2', అలానే 'తక్త్' సినిమాల్లో నటిస్తోంది. ఆమె నటించిన 'బ్రహ్మాస్త్ర' సినిమా క్రిస్మస్ కానుకగా ప్రేక్షకుల ముందుకు రానుంది.