Asianet News TeluguAsianet News Telugu

'అల..వైకుంఠపురుములో' హిందీ రీమేక్ టైటిల్

 తెలుగులో సూపర్ డూపర్ హిట్ సాధించిన 'అల.. వైకుంఠపురములో' చిత్రాన్ని హిందీలో రీమేక్ చేయబోతున్నారు.  ఈ నేపధ్యంలో ఈ చిత్రం హిందీ వెర్షన్ కు ఏమి టైటిల్ పెట్టబోతున్నారనే విషయమై బాలీవుడ్ మీడియాలో డిస్కషన్స్ మొదలయ్యాయి.  

Ala Vaikunthapuramlo s Hindi remake gets a title jsp
Author
Hyderabad, First Published Jun 22, 2021, 9:10 AM IST

‘బుట్టబొమ్మా బుట్టబొమ్మా.. నన్ను సుట్టూకుంటివే’ ఈ పాట,విజువల్స్ త్వరలో హిందీ జనాలను అలరించనున్నాయి. అల్లు అర్జున్‌ కెరీర్ లో పెద్ద హిట్ట గా నిలిచిన ‘అల వైకుంఠపురములో’ హిందీలో రీమేక్‌ కానున్న విషయం తెలిసిందే. కార్తీక్‌ ఆర్యన్‌ హీరోగా నటుడు వరుణ్‌ ధావన్‌ సోదరుడు రోహిత్‌ ధావన్‌ ఈ రీమేక్‌కి దర్శకత్వం వహించనున్నారు. ఇందులో హీరోయిన్ గా కృతీ సనన్‌ చేయబోతోంది. ఈ నేపధ్యంలో ఈ చిత్రం హిందీ వెర్షన్ కు ఏమి టైటిల్ పెట్టబోతున్నారనే విషయమై బాలీవుడ్ మీడియాలో డిస్కషన్స్ మొదలయ్యాయి.  

అందుతున్న సమాచారం మేరకు...ఈ చిత్రం హిందీ వెర్షన్ కు 'షెహ్జాదా' అనే టైటిల్ ఫిక్స్ చేసారు.  కరోనా ప్రభావం తగ్గిన తరువాత ఈ ప్రాజెక్టును పట్టాలెక్కించాలనే ఆలోచనలో ఉన్నారని సమాచారం.  సినిమాలో హీరో తల్లి క్యారెక్టర్ అయిన టబు పోషించిన క్యారెక్టర్ హిందీలో ఎవరు చేస్తారనే ఆసక్తి నెలకొంది. అయితే ఆ పాత్రలో ప్రస్తుతం సీనియర్ బ్యూటీ మనీషా కోయిరాల ఓకే అయినట్లు తెలుస్తుంది. దర్శకుడు డేవిడ్ ధావన్ ఆల్రెడీ సినిమాకు సంబంధించి స్క్రిప్ట్ పనులు మొత్తం పూర్తి చేసాడట. ఇప్పటికే ఈ రీమేక్ హక్కుల కోసం బాలీవుడ్ బడా నిర్మాత పెద్ద మొత్తం వెచ్చించారని టాక్.

బాలీవుడ్ కథనాల ప్రకారం.. ఆ క్యారెక్టర్ కోసం ఒరిజినల్ పోషించిన టబునే సంప్రదించారట. కానీ ఆమె ప్రస్తుతం చేతినిండా సినిమాలతో బిజీగా ఉండేసరికి మరో యాక్టర్ దగ్గరకు వెళ్లకతప్పలేదని టాక్. ఈ సినిమాను  ప్రముఖ నిర్మాత అల్లు అరవింద్ తో పాటు బాలీవుడ్ ప్రొడ్యూసర్స్ నిర్మించనున్నట్లు సమాచారం. అలాగే ఇంతకు  ముందు కార్తీక్ ఆర్యన్ - కృతిసనన్ కలిసి లుక్కాచుప్పి సినిమాలో నటించారు. ఈ  సినిమాతో ఈ కాంబో మరోసారి హిట్ కొడుతుందంటున్నారు. అతిత్వరలో ఈ మూవీపై అఫీషియల్ ప్రకటన రానుందని బాలీవుడ్ వర్గాల నుంచి అందిన సమాచారం.

హిందీలో అలవైకుంఠపురం రీమేక్ కి రెడీ అవుతుంటే మరో వైపు సౌత్ లోనే తమిళ్ లో కూడా రీమేక్ చెయ్యడానికి రంగం సిద్దం చేస్తున్నారు. శివ కార్తికేయన్ హీరోగా ఈ సినిమాని రీమేడ్ చెయ్యడానికి ప్లాన్ చేస్తున్నారు. స్టార్ మ్యూజిక్ డైరెక్టర్ హిప్ హాప్ తమీజా..తమిళ్ వర్‌షన్ కి మ్యూజిక్ అందించబోతున్నారు. ఇలా హిందీలో కార్తీక్ ఆర్యన్, తమిళ్ లో శివకార్తికేయన్ కలిసి ..  అలవైకుంఠపురం సినిమాని రీమేక్ చెయ్యబోతున్నారు.
 

Follow Us:
Download App:
  • android
  • ios