Asianet News Telugu

‘అఖండ’ లో ఆ పాత్ర చరిత్రతో ముడి?!

ఇప్పుడు పరిస్థితులన్నీ కుదుట పడటం వల్ల మిగిలిన షూట్‌ పూర్తి చేసేందుకు సన్నాహాలు చేస్తున్నారు. అయితే తాజా షెడ్యూల్ చారిత్రక ప్రాంతాల్లో ప్లాన్ చేసినట్లు తెలుస్తోంది. ఈ సీన్స్ మొత్తం క్లైమాక్స్ లో రాబోతున్నాయి.

Akhanda Climax in Historical Places jsp
Author
Hyderabad, First Published Jun 30, 2021, 1:20 PM IST
  • Facebook
  • Twitter
  • Whatsapp

 ‘అఖండ’ లో ప్రగ్యా జైస్వాల్‌, పూర్ణ హీరోయన్స్. బోయపాటి శ్రీను దర్శకత్వం వహిస్తున్నారు. మిర్యాల రవీందర్‌రెడ్డి నిర్మాత. ప్రగ్యా జైస్వాల్‌ కథానాయికగా నటిస్తుండగా.. జగపతిబాబు, శ్రీకాంత్‌, పూర్ణ తదితరులు కీలక పాత్రలు పోషిస్తున్నారు.  ప్రస్తుతం తుది దశ చిత్రీకరణలో ఉన్న ఈ సినిమా.. కరోనా ఉద్ధృతి వల్ల తాత్కాలికంగా నిలిచిపోయింది. ఇప్పుడు పరిస్థితులన్నీ కుదుట పడటం వల్ల మిగిలిన షూట్‌ పూర్తి చేసేందుకు సన్నాహాలు చేస్తున్నారు. అయితే తాజా షెడ్యూల్ చారిత్రక ప్రాంతాల్లో ప్లాన్ చేసినట్లు తెలుస్తోంది. ఈ సీన్స్ మొత్తం క్లైమాక్స్ లో రాబోతున్నాయి.

 ఏపీలోని గండికోట, కడప, చిత్తూరులోని చారిత్రక నేపథ్యం ఉన్న ప్రాంతాల్లో షూటింగ్‌ జరగనుందని సమాచారం. ఇవన్నీ చూస్తూంటే చరిత్రతో ఈ సినిమా కథకు లింక్ ఉంటుందా అని సందేహ పడుతున్నారు. సినిమాలో వచ్చే బాలయ్య రెండో పాత్రకు బ్యాక్ గ్రౌండ్ హిస్టారికల్ క్యారక్టర్ నుంచి తీసుకున్నారంటున్నారు. అందుకే అక్కడ లొకేషన్స్ ఎంచుకున్నారని ఓ వార్త మొదలైంది.

దర్శకుడు బోయపాటి శ్రీను మాట్లాడుతూ ‘‘బాలకృష్ణ నట విశ్వరూపాన్ని ఈ సినిమాలో చూస్తారు. ‘సింహా’, ‘లెజెండ్‌’ తర్వాత బాలకృష్ణతో చేస్తున్న ‘అఖండ’పై ప్రేక్షకుల్లోనూ, అభిమానుల్లో ఎన్నో అంచనాలు ఉన్నాయి. అందుకు దీటుగా ఈ సినిమాని రూపొందిస్తున్నాం. టీజర్‌కి ఇంతగా ఆదరణ దక్కడం సంతృప్తినిచ్చింది. కరోనా పరిస్థితుల్లో ప్రతి ఒక్కరూ విధిగా మాస్క్‌లు ధరించాలి’’అన్నారు.

 నిర్మాత మాట్లాడుతూ ‘‘ప్రేక్షకుల్లోనూ, అభిమానుల్లోనూ అంచనాల్ని రెట్టింపు చేసింది టీజర్‌. మా సంస్థలో రూపొందుతున్న ఓ ప్రతిష్టాత్మక చిత్రమిది. పరిస్థితులు కుదుటపడ్డాక విడుదల చేస్తాం’’ అన్నారు.

ఉగాది సందర్భంగా విడుదలైన ఈ సినిమా టీజర్‌ ఇంటర్నెట్ లో సంచలనాలు సృష్టిస్తోంది. శరవేగంగా 50 మిలియన్‌ వ్యూస్‌ని సొంతం చేసుకుంది. బాలకృష్ణ తనదైన శైలిలో చెప్పిన డైలాగులు, ఆయన గెటప్‌  స్పెషల్ ఎట్రాక్షన్ గా నిలిచాయి.  జగపతిబాబు, శ్రీకాంత్‌ తదితరులు నటిస్తున్న ఈ చిత్రానికి సమర్పణ: మిర్యాల సత్యనారాయణరెడ్డి, ఛాయాగ్రహణం: సి.రాంప్రసాద్‌, సంగీతం: తమన్‌.
 

Follow Us:
Download App:
  • android
  • ios