. పుష్ప చిత్రానికిగానూ ఉత్తమ నటుడిగా స్టైలీష్ స్టార్ అల్లు అర్జున్ అవార్డ్ సొంతం చేసుకున్నారు. దీంతో అభిమానులు సంతోషం వ్యక్తం చేస్తున్నారు.
సోషల్ మీడియా విన్యాసాలు చాలా విచిత్రంగా ఉంటాయి. సందర్బాన్ని బట్టి స్పాంటినెస్ గా స్పందిస్తూ జనాలను ఎట్రాక్ట్ చేస్తూంటారు కొందరు. అలాగే ఇప్పుడు 69 వ నేషనల్ అవార్డ్స్ లిస్ట్ బయిటకు రాగానే సోషల్ మీడియా జనం రకరకాలుగా స్పందిస్తున్నారు. ఈ అవార్డ్ లలో ఉత్తమ నటుడిగా అల్లు అర్జున్ అవార్డును కైవసం చేసుకున్నాడు. దీంతో అభిమానులు బన్నీకి శుభాకాంక్షలు తెలుపుతున్నారు. అదే సమయంలో మరికొందరు మహేష్ బాబు పాత ట్వీట్ ని బయిటకు తీసి వైరల్ చేస్తున్నారు. ఇంతకీ ఆ ట్వీట్ ఏమిటి..అందులో ఏముంది అంటే...
పుష్ప కథను .. డైరక్టర్ సుకుమార్ ముందుగా మహేష్ బాబుకు చెప్పటం జరిగింది. మహేష్ ఈ కథను వద్దని చెప్పడంతో.. పుష్ప.. అల్లు అర్జున్ వద్దకు వెళ్ళింది. ఈ విషయాన్నీ మహేష్ ట్విట్టర్ వేదికగా అప్పుడే అభిమానులకు తెలిపాడు. క్రియేటివ్ డిఫరెన్స్ ల వల్ల సుకుమార్ తో తన ప్రాజెక్ట్ క్యాన్సిల్ అయ్యిందని, మంచి కథ దొరికితే తామిద్దరం చేయడానికి రెడీ గా ఉన్నామని చెప్పుకొచ్చాడు. ఆ ట్వీట్ ని కావాలనే బయిటకు తీసి అంత సక్సెస్ అయ్యి, నేషనల్ అవార్డ్ తెచ్చుకున్న సినిమాని మిస్ చేసుకున్నాడు అనే అర్దం వచ్చేలా కామెంట్స్ తో ట్వీట్ ని వైరల్ చేస్తున్నారు.
ఇక పుష్ప రిలీజ్ అయ్యాక కూడా మహేష్ స్పందించారు. పుష్ప సినిమా పై ప్రశంసలు కురిపించారు. రీసెంట్ గా పుష్ప సినిమా చూసిన మహేష్ సోషల్ మీడియా ద్వారా స్పందించారు. పుష్పగా అల్లు అర్జున్ నటన స్టన్నింగ్, ఒరిజినల్, సెన్సేషనల్గా ఉంది. అత్యద్భుతంగా నటించాడు. తన సినిమాలు ఎంత వాస్తవంగా, పచ్చిగా, నిజాయితీగా ఉంటాయో సుకుమార్ మరోసారి నిరూపించాడు’ అని చెప్పుకొచ్చాడు. అలాగే ‘పుష్ప’కు పని చేసిన టెక్నీషియన్ల గురించి పేర్కొన్నాడు మహేష్. మహేష్ ట్వీట్ కు రిప్ల్ ఇచ్చాడు బన్నీ.. ‘థ్యాంక్యూ వెరీ మచ్ మహేశ్ బాబు గారూ.. పుష్ప సినిమా టీమ్పని తీరును మీరు మెచ్చుకున్నందుకు చాలా సంతోషంగా ఉంది. మీ అభినందన మా హృదయాలను గెలుచుకుంది’ అంటూ అల్లు అర్జున్ ట్వీట్ చేశారు.
ఎర్ర చందనం స్మగ్లింగ్ నేపథ్యంలో సాగే కథతో తెరకెక్కిన పుష్ప సినిమా రెండు భాగాలుగా ప్రేక్షకుల ముందుకు రానుంది. మొదటి భాగం భారీ విజయాన్ని సొంతం చేసుకోవడంతో ఇప్పుడు పార్ట్ 2పైన అంచనాలు భారీగా ఏర్పడ్డాయి.ఈ సినిమాలో మునుపెన్నడూ కనిపించని మాస్ రోల్ లో నటించి ఆకట్టుకున్నాడు బన్నీ. నటన పరంగా అందరి చేత శబాష్ అనిపించుకుంటున్నాడు ఐకాన్ స్టార్. ఈ సినిమాలో నేషనల్ క్రష్ రష్మిక మందన్నా, ఫహద్ ఫాజిల్ కీలకపాత్రలలో నటించారు. ఇందులో బన్నీ స్మగ్లర్ పుష్పరాజ్ పాత్రలో నటించి మెప్పించారు. ఈ సినిమాలో బన్నీ మ్యానరిజం, డైలాగ్స్ కు సోషల్ మీడియాలో ట్రెండ్ అయ్యాయి.
