ఇంటీరియర్ డిజైనర్ వేధింపులు.. పోలీసులకు నటి ఫిర్యాదు
నటి ఫిర్యాదు మేరకు పోలీసులు కేసు నమోదు చేశారు. అయితే నిందితుడిని పోలీసులు ఇంకా అరెస్ట్ చేయలేదు. అరెస్ట్ చేయడానికి ముందు పోలీసులు దీనిలో వాస్తవాలపై విచారణ చేపడుతున్నారు.
తనని ఓ ఇంటీరియర్ డిజైనర్ వేధిస్తున్నాడని బాలీవుడ్‌ నటి పోలీసులకు ఫిర్యాదు చేసింది. గత కొన్ని రోజులుగా ఆయన తనపై అసభ్యంగా ప్రవర్తిస్తున్నాడని చెబుతూ నటి ముంబయిలోని ఓషివారా పోలీసులకు ఫిర్యాదు చేసింది. నటి ఫిర్యాదు మేరకు పోలీసులు కేసు నమోదు చేశారు. అయితే నిందితుడిని పోలీసులు ఇంకా అరెస్ట్ చేయలేదు. అరెస్ట్ చేయడానికి ముందు పోలీసులు దీనిలో వాస్తవాలపై విచారణ చేపడుతున్నారు.
అయితే నటి తన ఫిర్యాదులో ఆ ఇంటీరియర్ డిజైనర్ నుంచి తనకు ప్రమాదం పొంచి ఉందని కూడా తన ఫిర్యాదులో పేర్కొంది. వెంటనే అతనిపై చర్యలు తీసుకోవాలని వెల్లడించింది. ఈ కేసుపై పోలీసులు స్పందిస్తూ, నటి అంథేరిలోని కొత్త అపార్ట్ మెంట్ కొన్నది. అందులో ఇంటీరియర్ వర్క్ చేయిస్తుంది.ఇంటీరియర్ డిజైనర్లు ఆ వర్క్ చేస్తున్నారు. వాళ్ల వర్క్ నటికి నచ్చలేదు. నాణ్యతలేని డిజైనింగ్స్ ని చూసి ఆమె మండి పడింది. దీంతో ఇంటీరియర్ డిజైనర్‌కి, నటికి మధ్య గొడవ జరిగింది. వాగ్వాదం పెరగడంతో నటిపై డిజైనర్ అసభ్యకరమైన పదజాలంతో దూషించడం మొదలు పెట్టాడు. ఆమెని బెదిరింపులకు దిగుతున్నా` అని పోలీసులు తెలిపారు.
నటి ఫిర్యాదు మేరకు నిందితుడిపై `ఐపీఎస్‌ సెక్షన్‌ 354, 504, 506, 509 సెక్షన్ల కింద కేసు నమోదు చేసినట్టు చెప్పారు. దీనిపై సమగ్రంగా విచారణ చేపడుతున్నట్టు పోలీసులు వెల్లడించారు. అయితే ఆ నటి ఎవరనేది మాత్రం రివీల్‌ చేయలేదు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
