'పింక్' రీమేక్.. పవన్ కోసం భారీ కోర్టు సెట్!
బాలీవుడ్ లో హిట్ అయిన 'పింక్' సినిమా తెలుగు రీమేక్ లో పవన్ కనిపించనున్నాడు. ఈ సినిమాని దిల్ రాజు, బోనికపూర్ కలిసి నిర్మిస్తుండగా.. వేణు శ్రీరామ్ దర్శకత్వం వహించనున్నారు.
'అజ్ఞాతవాసి' సినిమా తర్వాత పూర్తి రాజకీయాలతో బిజీ అయిన పవన్ కళ్యాణ్ ఇప్పుడు మళ్లీ సినిమాల్లోకి రావడానికి సిద్ధమైనట్లు తెలుస్తోంది. బాలీవుడ్ లో హిట్ అయిన 'పింక్' సినిమా తెలుగు రీమేక్ లో పవన్ కనిపించనున్నాడు.
ఈ సినిమాని దిల్ రాజు, బోనికపూర్ కలిసి నిర్మిస్తుండగా.. వేణు శ్రీరామ్ దర్శకత్వం వహించనున్నారు. తమన్ సంగీతం అందించనున్నాడని సమాచారం. అయితే ఈ సినిమాపై ఇటు పవన్ కళ్యాణ్ కానీ అటు చిత్రబృందం కానీ స్పందించ లేదు.
శేఖర్ మాస్టర్ కి మహేష్ బాబు ఆఫర్..!
అందుతున్న సమాచారం ప్రకారం.. ఈ సినిమా జనవరి 20న సెట్స్ పైకి వెళ్లనుందట. ఫిబ్రవరిలో పవన్ టీంతో జాయిన్ కానున్నాడని, కేవలం ఇరవై రోజులు మాత్రం ఆయన కాల్షీట్స్ ఇచ్చాడని అంటున్నారు.
ఇప్పుడు ఈ సినిమా కోసం హైదరాబాద్ అన్నపూర్ణ సెవెన్ ఏకర్స్ లో భారీ కోర్టు సెట్ వేస్తున్నారు. సినిమా ఎక్కువ శాతం షూటింగ్ ఈ కోర్టు సెట్ లోనే చిత్రీకరించనున్నారు. ఈ సినిమా కోసం పవన్ భారీ రెమ్యునరేషన్ తీసుకోబోతున్నాడని సమాచారం. ఈ సినిమాతో పాటు పవన్ క్రిష్, పూరి జగన్నాధ్ దర్శకత్వంలో సినిమాలు చేయనున్నాడని సమాచారం.