Asianet News TeluguAsianet News Telugu

'చెత్త' అని పక్కన పెట్టేసిన సినిమా నెట్ ఫ్లిక్స్ లో..!

బాలా రూపొందించిన వెర్షన్‌ నిర్మాతలకు నచ్చకపోవటంతో ఈ సినిమాను పూర్తిగా పక్కన పెట్టేసి కొత్తగా మరో దర్శకుడితో తెరకెక్కించారు. వర్మ సినిమా పేరును ఆదిత్య వర్మగా మార్చి మళ్లీ రెడీ చేసి వదిలారు. 

Bala's Varmaa coming to Netflix soon?
Author
Hyderabad, First Published Dec 11, 2019, 11:45 AM IST

విజయ్‌ దేవరకొండ హీరోగా సందీప్‌ రెడ్డి వంగా  డైరక్షన్ లో తెరకెక్కిన `అర్జున్‌ రెడ్డి` ఎన్నో వివాదాలు సృష్టించటంతో పాటు అదే స్థాయిలో సక్సెస్ అయ్యింది. దాంతో `అర్జున్‌ రెడ్డి`    సినిమా రీమేక్‌ హక్కుల కోసం గట్టి పోటి కనిపించింది. ఈ సినిమాను తమిళంతో విక్రమ్‌ కుమారుడు ధృవ్‌ విక్రమ్‌ హీరోగా రీమేక్‌ చేశారు. మొదట ఈ సినిమాను వర్మ పేరుతో స్టార్ డైరెక్టర్ బాలా దర్శకత్వంలో తెరకెక్కించారు.

'సర్దార్ గబ్బర్ సింగ్' సినిమా ఫ్లాప్.. అయితే ఏంటి..?

అయితే బాలా రూపొందించిన వెర్షన్‌ నిర్మాతలకు నచ్చకపోవటంతో ఈ సినిమాను పూర్తిగా పక్కన పెట్టేసి కొత్తగా మరో దర్శకుడితో తెరకెక్కించారు. వర్మ సినిమా పేరును ఆదిత్య వర్మగా మార్చి మళ్లీ రెడీ చేసి వదిలారు. అర్జున్‌ రెడ్డి ఒరిజినల్‌ వర్షన్‌కు దర్శకత్వ శాఖలో పనిచేసిన గిరీశయ్య దర్శకత్వంలో ఈ సినిమాను రూపొందింది . రీసెంట్ గా విడుదలైన ఆదిత్య వర్మకు మంచి  టాక్‌ రావటంతో చిత్రయూనిట్ ఆనందంగా ఉన్నారు.

అయితే తాజాగా ఈ చిత్రం నిర్మాతలు ఓ డెసిషన్ తీసుకున్నారు. బాలా దర్శకత్వంలో తెరకెక్కిన వర్షన్‌ `వర్మ` సినిమాను ఇప్పుడు ఆన్‌లైన్‌ రిలీజ్‌ చేసే ప్లాన్‌ చేస్తున్నారని తెలుస్తోంది. డైరెక్టర్‌ బాలాకు ఉన్న  క్రేజ్‌ను క్యాష్ చేసుకునేందుకు  ఈ సినిమాను నెట్‌ఫ్లిక్స్‌లో రిలీజ్ చేసేందుకు రెడీ అవుతున్నారు. త్వరలోనే ఇందుకు సంబంధించి  అఫీషియల్ ఎనౌన్సమెంట్ త్వరలోనే వెలువడే అవకాశం ఉంది. ఇదే కనుక జరిగితే విక్రమ్ కొడుక్కి పెద్ద దెబ్బే.
 

Follow Us:
Download App:
  • android
  • ios