టీమిండియా కెప్టెన్ విరాట్ కోహ్లీ.. మైదానంలో దూకుడుకి పెట్టింది పేరు. ప్రత్యర్థులకు మాటకు మాట జవాబివ్వడంతో ముందుంటాడు. అటువంటి కోహ్లీ తనను తాను మార్చుకునేందుకు.. కూల్‌గా ఉండేందుకు ప్రయత్నిస్తున్నాడు.

ఈ క్రమంలో పుస్తక ప్రియుడిగా మారిపోయాడు. వెస్టిండీస్‌లో మొదటి టెస్ట్ సందర్భంగా భారత జట్టు బ్యాటింగ్ చేస్తున్న సమయంలో డ్రెస్సింగ్‌ రూమ్‌లో ఉన్న కోహ్లీ.. ఓ పుస్తకం చదువుతూ కనిపించాడు.

ఇప్పుడు ఆ ఫోటో సోషల్ మీడియాలో వైరల్ అవుతోంది. ఆ పుస్తకం పేరు ‘‘డిటాక్స్ యువర్ ఇగో: 7 ఈజీ స్టెప్స్ టు అచీవింగ్ ఫ్రీడం... హ్యాపీనెస్ అండ్ సక్సెస్ ఇన్ యువర్ లైఫ్’’ (మీలోని అహాన్ని పారదోలండి... జీవితంలో స్వేచ్ఛ, సంతోషం, విజయాన్ని సొంతం చేసుకునేందుకు ఏడు మార్గాలు’’. ఈ ఫోటోను చూసిన ఫ్యాన్స్ కామెంట్లు చేస్తున్నారు.

కోహ్లీ అంటేనే అహానికి కేరాఫ్ అడ్రస్ లాంటివాడని.. అతడు అలాంటి పుస్తకాన్ని చదవాల్సిందేనని అంటున్నారు. తనలోని అహాన్ని తగ్గించుకోవాలంటే ఈ పుస్తకం చదవడం ఒకే మార్గమని ఎవరో చెప్పి వుంటారని... అందుకే కోహ్లీ అంత సీరియస్‌గా చదువుతున్నాడని మరికొందరు కామెంట్ చేస్తున్నారు.

కోహ్లీ ఆ పుస్తకం చదవడం చూస్తుంటే ఆశ్చర్యకరంగా ఉందని.. మరో నెటిజన్ కామెంట్ చేశాడు.