SRH vs CSK: ప్రతీకారం తీర్చుకున్న సీఎస్‌కే... సన్‌రైజర్స్ ఖాతాలో వరుసగా రెండో ఓటమి...

Teams to Beat #SRH most times:
KKR - 11
CSK - 10*
MI - 8
RCB - 7

సన్‌రైజర్స్ హైదరాబాద్ 20 పరుగుల తేడాతో సీఎస్‌కే చేతిలో చిత్తుగా ఓడింది...

నదీమ్ అవుట్... సన్‌రైజర్స్ ఖాతాలో వరుసగా రెండో ఓటమి...

19వ ఓవర్ ఆఖరి బంతికి అవుటైన రషీద్ ఖాన్... 7 వికెట్ కోల్పోయిన సన్‌రైజర్స్. విజయానికి ఆఖరి ఓవర్‌లో 22 పరుగులు కావాలి...

18వ ఓవర్ ఆఖరి బంతికి నదీమ్ బౌండరీ బాదడంతో ఆ ఓవర్‌లో 19 పరుగులు వచ్చాయి. విజయానికి చివరి 2 ఓవర్లలో 27 పరుగులు కావాలి...

రషీద్ ఖాన్ వస్తూనే ఓ సిక్సర్, బౌండరీ బాదాడు... దీంతో విజయానికి 13 బంతుల్లో 31 పరుగులు కావాలి...

సన్‌రైజర్స్ హైదరాబాద్ విజయానికి చివరి 16 బంతుల్లో 42 పరుగులు కావాలి.. సరైన బ్యాట్స్‌మెన్ ఎవ్వరూ లేకపోవడంతో దాదాపు మ్యాచ్ చెన్నై చేతుల్లోకి వెళ్లిపోయినట్టే. ఇక్కడి నుంచి సన్‌రైజర్స్ మ్యాచ్ గెలవాలంటే అద్భుతం జరగాల్సిందే.

విలియంసన్ అవుట్... 126 పరుగుల వద్ద ఆరో వికెట్ కోల్పోయిన సన్‌రైజర్స్ హైదరాబాద్...

బౌండరీతో హాఫ్ సెంచరీ పూర్తిచేసుకున్నాడు కేన్ విలియంసన్... 37 బంతుల్లో 6 ఫోర్లతో హాఫ్ సెంచరీ చేశాడు కేన్. 

శంకర్ అవుట్... ఐదో వికెట్ కోల్పోయిన సన్‌రైజర్స్ హైదరాబాద్...

17వ ఓవర్ మొదటి బంతికే భారీ సిక్సర్ బాదాడు విజయ్ శంకర్... సన్‌రైజర్స్ హైదరాబాద్ విజయానికి 22 బంతుల్లో 52 పరుగులు కావాలి...

సన్‌రైజర్స్ హైదరాబాద్ 16 ఓవర్లు ముగిసేసరికి 4 వికెట్లు కోల్పోయి 109 పరుగులు చేసింది. విజయానికి చివరి 24 బంతుల్లో 59 పరుగులు కావాలి...

సన్‌రైజర్స్ హైదరాబాద్ 14.5 ఓవర్లలో 100 పరుగుల మార్కు అందుకుంది. విజయానికి చివరి 5 ఓవర్లలో 67 పరుగులు కావాలి...

ప్రియమ్ గార్గ్ అవుట్... నాలుగో వికెట్ కోల్పోయిన సన్‌రైజర్స్ హైదరాబాద్...

సన్‌రైజర్స్ హైదరాబాద్ 14 ఓవర్లు ముగిసేసరికి 3 వికెట్లు కోల్పోయి 93 పరుగులు చేసింది. విజయానికి చివరి 6 ఓవర్లలో 75 పరుగులు కావాలి...

సన్‌రైజర్స్ హైదరాబాద్ 12 ఓవర్లు ముగిసేసరికి 3 వికెట్లు కోల్పోయి 76 పరుగులు చేసింది. విజయానికి 48 బంతుల్లో 92 పరుగులు కావాలి... 12వ ఆఖరి రెండు బంతుల్లో రెండు బౌండరీలు బాదాడు కేన్ విలియంసన్...

సన్‌రైజర్స్ హైదరాబాద్ విజయానికి 54 బంతుల్లో 104 పరుగులు కావాలి...

బెయిర్‌స్టో అవుట్... మూడో వికెట్ కోల్పోయిన సన్‌రైజర్స్ హైదరాబాద్...

9 ఓవర్లలో 2 వికెట్లు కోల్పోయి 57 పరుగులు చేసింది సన్‌రైజర్స్ హైదరాబాద్. విజయానికి 11 ఓవర్లలో 111 పరుగులు కావాలి...

168 పరుగుల లక్ష్యంతో బ్యాటింగ్ మొదలెట్టిన సన్‌రైజర్స్ హైదరాబాద్ 6 ఓవర్లు ముగిసేసరికి 2 వికెట్లు కోల్పోయి 40 పరుగులు చేసింది. వార్నర్ 9 పరుగులే అవుట్ కాగా, 4 పరుగులు చేసిన మనీశ్ పాండే రనౌట్ అయ్యాడు.

CSK While Defending 160+ target vs SRH
Won : 4
Lost : 1

సీజన్‌లో ఈ రెండు జట్ల మధ్య జరిగిన మొదటి మ్యాచ్‌లో ఫస్ట్ బ్యాటింగ్ చేసిన సన్‌రైజర్స్ దాదాపు ఇదే స్కోరు చేసింది. అప్పుడు ఎస్ఆర్.హెచ్ 5 వికెట్లు కోల్పోయి 164 పరుగులు చేయగా, ఇప్పుడు చెన్నై 6 వికెట్లు కోల్పోయి 167 పరుగులు చేసింది...

నిర్ణీత 20 ఓవర్లలో 6 వికెట్లు కోల్పోయి 167 పరుగులు చేసింది చెన్నై సూపర్ కింగ్స్...సన్‌రైజర్స్ టార్గెట్ 168 పరుగులు...

రవీంద్ర జడేజా వరుస బౌండరీలతో విరుచుకుపడుతున్నాడు. ఆఖరి ఓవర్‌లో ఓ సిక్స్, ఓ బౌండరీతో చెలరేగడంతో 19.5 ఓవర్లలో 165 పరుగులు చేసింది సీఎస్‌కే...

బ్రావో డకౌట్... ఆరో వికెట్ కోల్పోయిన చెన్నై సూపర్ కింగ్స్..

ధోనీ అవుట్... 19వ ఓవర్ ఆఖరి బంతికి ఐదో వికెట్ కోల్పోయిన చెన్నై సూపర్ కింగ్స్..

18 ఓవర్లు ముగిసేసరికి 4 వికెట్ల నష్టానికి 138 పరుగులు చేసింది చెన్నై సూపర్ కింగ్స్... 

17వ ఓవర్‌లో వరుసగా రెండు బౌండరీలు బాదాడు మహేంద్ర సింగ్ ధోనీ... 17 ఓవర్లలో  4 వికెట్లు కోల్పోయి 129 పరుగులు చేసింది చెన్నై.

నటరాజన్ బౌలింగ్‌లో ధోనీ ఓ బౌండరీ రాబట్టాడు. దీంతో 16.4 ఓవర్లలో 125 పరుగులకు చేరింది సీఎస్‌కే...

షేన్ వాట్సన్ అవుట్... నాలుగో వికెట్ కోల్పోయిన చెన్నై సూపర్ కింగ్స్..

16 ఓవర్లు ముగిసేసరికి 3 వికెట్లు కోల్పోయి 119 పరుగులు చేసింది సీఎస్‌కే... 16 వ ఓవర్‌లో కేవలం 3 పరుగులే ఇచ్చి, అంబటి రాయుడిని అవుట్ చేశాడు ఖలీల్ అహ్మద్...

అంబటి రాయుడు అవుట్... 116 పరుగుల వద్ద మూడో వికెట్ కోల్పోయిన చెన్నై సూపర్ కింగ్స్..

రషీద్ ఖాన్ మొదటిసారి ఫెయిల్ అయ్యాడు. 4 ఓవర్లు వేసిన రషీద్ ఖాన్, ఒక్క వికెట్ కూడా తీయలేకపోగా ఏకంగా 30 పరుగులు సమర్పించుకున్నాడు... 

15 ఓవర్లు ముగిసేసరికి 2 వికెట్లు కోల్పోయి 116 పరుగులు చేసింది చెన్నై సూపర్ కింగ్స్... రషీద్ ఖాన్ వేసిన ఈ ఓవర్‌లో అంబటి రాయుడు ఓ సిక్స్ బాదగా, షేన్ వాట్సన్ మరో సిక్సర్ బాదాడు. మొత్తంగా ఈ ఓవర్‌లో 16 పరుగులు వచ్చాయి.

14 ఓవర్లు ముగిసేసరికి 2 వికెట్లు కోల్పోయి 102 పరుగులు చేసింది చెన్నై సూపర్ కింగ్స్...

13 ఓవర్లు ముగిసేసరికి 2 వికెట్లు కోల్పోయి 92 పరుగులు చేసింది చెన్నై సూపర్ కింగ్స్...

12 ఓవర్లు ముగిసేసరికి 2 వికెట్లు కోల్పోయి 84 పరుగులు చేసింది చెన్నై సూపర్ కింగ్స్. 13వ  ఓవర్ మొదటి బంతికే సిక్సర్ కొట్టాడు షేన్ వాట్సన. దీంతో 12.1 ఓవర్లలో 90 పరుగులు చేసింది సీఎస్‌కే...

చెన్నై సూపర్ కింగ్స్ 11 ఓవర్లు ముగిసేసరికి 2 వికెట్లు కోల్పోయి 74 పరుగులు చేసింది. 

6 ఓవర్లు ముగిసేసరికి 2 వికెట్లు కోల్పోయి 44 పరుగులు చేసింది చెన్నై సూపర్ కింగ్స్...

3 ఓవర్లలో కేవలం 10 పరుగులు మాత్రమే ఇచ్చి 2 వికెట్లు తీసుకున్నాడు సందీప్ శర్మ... 

సామ్ కుర్రాన్ అవుట్... 35 పరుగుల వద్ద రెండో వికెట్ కోల్పోయిన చెన్నై సూపర్ కింగ్స్..

ఖలీల్ అహ్మద్ వేసిన నాలుగో ఓవర్‌లో 2 ఫోర్లు, 2 సిక్సర్లతో 22 పరుగులు రాబట్టాడు సామ్ కుర్రాన్. దీంతో 4 ఓవర్లు ముగిసేసరికి వికెట్ నష్టానికి 34 పరుగులు చేసింది చెన్నై సూపర్ కింగ్స్...

నాలుగో ఓవర్ మొదటి మూడు బంతుల్లో 2 ఫోర్లు, ఓ సిక్సర్లతో 14 పరుగులు రాబట్టాడు సామ్ కుర్రాన్...

చెన్నై సూపర్ కింగ్స్‌‌కి మూడేళ్లుగా ఆడుతున్న షేన్ వాట్సన్, మొదటిసారి వన్‌డౌన్‌లో బ్యాటింగ్‌కి వచ్చాడు. ఇంతకుముందు 2014లో ముంబై వర్సెస్ ఆర్‌సీబీ మ్యాచ్‌లో వన్‌డౌన్‌లో వచ్చాడు వాట్సన్... 

Faf Duplessis getting Duck out in IPL
vs SRH (Bowler : Bhuvi)
vs KXIP (Bowler : Johnson)
vs SRH (Bowler : Sandeep)*

డుప్లిసిస్ అవుట్... తొలి వికెట్ కోల్పోయిన చెన్నై సూపర్ కింగ్స్..

వరుస మ్యాచుల్లో విఫలమవుతున్న చెన్నై సూపర్ కింగ్స్... ఓపెనర్ల విషయంలో ప్రయోగం చేసింది. రెగ్యులర్‌గా ఓపెనింగ్ చేసే షేన్ వాట్సన్‌కి బదులు, బౌలర్ సామ్ కుర్రాన్ ఓపెనింగ్‌కి వచ్చాడు...

టాస్ గెలిచి బ్యాటింగ్ ఎంచుకున్న చెన్నై సూపర్ కింగ్స్ మొదటి ఓవర్‌లో 3 పరుగులు రాబట్టింది...

సన్‌రైజర్స్ హైదరాబాద్ జట్టు ఇది...

డేవిడ్ వార్నర్, బెయిర్ స్టో, మనీశ్ పాండే, కేన్ విలియంసన్, ప్రియమ్ గార్గ్, విజయ్ శంకర్, రషీద్ ఖాన్, షాబద్ నదీమ్, సందీప్ శర్మ, ఖలీల్ అహ్మద్, నటరాజన్

గత మ్యాచ్‌లో వన్‌డౌన్‌లో వచ్చిన ఎన్. జగదీశన్ 33 పరుగులతో రాణించాడు. అయితే వరుసగా ఫెయిల్ అవుతున్న సీనియర్లకు ఛాన్స్ ఇచ్చిన ధోనీ, జగదీశన్‌ను పక్కనబెట్టాడు.

చెన్నై సూపర్ కింగ్స్‌లో గత మ్యాచ్‌లో రాణించిన ఎన్. జగదీశన్‌కు నేటి  మ్యాచ్‌లో చోటు దక్కలేదు. జగదీశన్‌ ప్లేస్‌లో పియూష్ చావ్లాకు చోటిచ్చాడు ధోనీ...

చెన్నై సూపర్ కింగ్స్ జట్టు ఇది...

షేన్ వాట్సన్, డుప్లిసిస్, అంబటి రాయుడు, ఎమ్మెస్ ధోనీ, రవీంద్ర జడేజా, సామ్ కుర్రాన్, డ్వేన్ బ్రావో, దీపక్ చాహార్, పియూష్ చావ్లా, శార్దూల్ ఠాకూర్, కర్ణ్ శర్మ

కొన్నిరోజుల కిందట గాయపడిన సీనియర్ స్పిన్నర్ పియూష్ చావ్లా, కోలుకుని తిరిగి జట్టులోకి వచ్చాడు...

టాస్ గెలిచిన చెన్నై సూపర్ కింగ్స్ కెప్టెన్ మహేంద్ర సింగ్ ధోనీ బ్యాటింగ్ ఎంచుకున్నాడు. సన్‌రైజర్స్ హైదరాబాద్ ఫీల్డింగ్ చేయనుంది. 

2010లో 7 మ్యాచులు ముగిసిన తర్వాత ఏడో స్థానంలో ఉన్న చెన్నై సూపర్ కింగ్స్, ఆ తర్వాత అదిరిపోయే ఆటతో ఛాంపియన్‌గా నిలిచింది. అప్పుడు కూడా 8వ స్థానంలో కింగ్స్ ఎలెవన్ పంజాబ్ ఉండడం విశేషం. 2010లో కూడా ఈ సీజన్‌లాగే ఏడు మ్యాచులు ముగిసిన తర్వాత ముంబై టాప్‌లో నిలిచింది.

ఐపీఎల్‌ ఫస్ట్ హాఫ్‌లో 5 మ్యాచుల్లో ఓడిన ధోనీ సేన, ఫ్లేఆఫ్ రేసులో నిలవాలంటే నేటి మ్యాచ్‌లో గెలవడం తప్పనిసరి...

ఇరు జట్ల ఇప్పటిదాకా 13 మ్యాచులు జరగగా, చెన్నై 9 మ్యాచుల్లో గెలిచింది. సన్‌రైజర్స్‌కి 4 మ్యాచుల్లో విజయం దక్కింది.

ఇరు జట్ల మధ్య  ఈ సీజన్‌లో జరిగిన మొదటి మ్యాచ్‌లో సన్‌రైజర్స్ 7 పరుగుల తేడాతో విజయం సాధించింది. నేటి మ్యాచ్‌లో ధోనీ సేన ప్రతీకారం తీర్చుకుంటుందా?