క్రికెట్‌లో బెస్టు ఫీల్డర్లలో విరాట్ కోహ్లీ ఒకడు. వేగంగా దూసుకొచ్చే బంతిని అందుకునేందుకు ఎంత రిస్క్ అయినా తీసుకునేందుకు వెనుకాడడు ‘రన్ మెషిన్’ విరాట్ కోహ్లీ. ఐపీఎల్‌లోనూ విరాట్ కోహ్లీ అద్భుతమైన క్యాచులెన్నో అందుకున్నాడు. అయితే గత ఏడాది బ్యాట్స్‌మెన్ భారీగా పరుగులు చేసినా, పేలవమైన ఫీల్డింగ్ కారణంగా మ్యాచులు పోగొట్టుకుంది ఆర్‌సీబీ.

అందుకే ఈసారి ఆ తప్పులు రిపీట్ కాకుండా ఫీల్డింగ్‌పై ప్రత్యేకంగా ఫోకస్ పెట్టింది రాయల్ ఛాలెంజర్స్ బెంగళూరు. వికెట్ కీపర్ పార్థివ్ పటేల్, ఏబీ డివిల్లియర్స్‌తో పాటు విరాట్ కోహ్లీ కూడా క్యాచ్ ప్రాక్టీసులో పాల్గొన్నారు. ఈ వీడియోను పోస్టు చేసింది ఆర్‌సీబీ. మరి గత సీజన్‌లో ఆఖరి ప్లేస్‌లో నిలిచిన విరాట్ టీమ్, ఈ సారి ఎలా ఆడుతుందో చూడాలి.