కోహ్లీ, క్రిస్ గేల్ రికార్డ్ బ్రేక్ చేసిన పాక్ కెప్టెన్ బాబర్ అజామ్
టీ20 ఫార్మాట్ లో 7వేల పరుగులు పూర్తి చేసిన బ్యాట్స్ మన్ గా నిలిచాడు. రావల్‌పిండిలో దక్షిణ పంజాబ్ , సెంట్రల్ పంజాబ్ మధ్య జరిగిన జాతీయ టి 20 కప్ మ్యాచ్‌లో బాబర్ ఈ ఘనత సాధించాడు.
పాకిస్తాన్ కెప్టెన్ బాబర్ అజామ్ ప్రస్తుతం తన కెరీర్‌లో అత్యున్నత ఫామ్‌ను కనబరుస్తున్నాడు. కొత్త కొత్త రికార్డులను బ్రేక్ చేస్తూ సంచలనాలు సృష్టిస్తున్నాడు. కాగా.. తాజాగా.. బాబర్ అజామ్.. మరో సరికొత్త రికార్డు సృష్టించాడు. టీమిండియా కెప్టెన్ విరాట్ కోహ్లీ, వెస్టిండీస్ క్రికెటర్ క్రిస్ గేల్ లకు ఊహించని షాక్ ఇచ్చి.. వారి రికార్డులను బ్రేక్ చేశాడు.
టీ20 ఫార్మాట్ లో 7వేల పరుగులు పూర్తి చేసిన బ్యాట్స్ మన్ గా నిలిచాడు. రావల్‌పిండిలో దక్షిణ పంజాబ్ , సెంట్రల్ పంజాబ్ మధ్య జరిగిన జాతీయ టి 20 కప్ మ్యాచ్‌లో బాబర్ ఈ ఘనత సాధించాడు.
సెంట్రల్ పంజాబ్ 120 పరుగుల ఛేజ్‌లో 25 పరుగుల మార్కును దాటిన తర్వాత, పాకిస్తాన్ కెప్టెన్ తన 187 వ ఇన్నింగ్స్‌లో 7 వేల పరుగుల మార్కును చేరుకున్నాడు. గేల్ తన 192 వ ఇన్నింగ్స్‌లో టి 20 క్రికెట్‌లో 7,000 పరుగులు చేశాడు, భారత కెప్టెన్ విరాట్ కోహ్లీ 212 వ ఇన్నింగ్స్ లో చేరుకోవడం గమనార్హం.
ఈ 7,000 పరుగులలో, 2,204 అంతర్జాతీయ ఫార్మాట్‌లో సాధించడం గమనార్హం., అక్కడ అతను పాకిస్తాన్ తరఫున 61 మ్యాచ్‌ల్లో పాల్గొన్నాడు-ఒక సెంచరీ , 20 అర్ధ సెంచరీలతో 46.89 సగటుతో స్కోర్ చేశాడు. దీనితో పాటుగా, బాబర్ ఫ్రాంఛైజీ క్రికెట్‌లో 3,058 పరుగులు చేశాడు, పాకిస్తాన్ సూపర్ లీగ్, కరేబియన్ ప్రీమియర్ లీగ్, బంగ్లాదేశ్ ప్రీమియర్ లీగ్ మరియు ఇంగ్లాండ్ యొక్క వైటాలిటీ బ్లాస్ట్ అంతటా 84 మ్యాచ్‌ల్లో పాల్గొన్నాడు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
