Asianet News TeluguAsianet News Telugu

ఆకాశ‌మే హ‌ద్దుగా చెల‌రేగిన రిషబ్ పంత్, అక్ష‌ర్ ప‌టేల్.. గుజ‌రాత్ పై ఢిల్లీ థ్రిల్లింగ్ విక్ట‌రీ

IPL 2024 DC vs GT :  టీమిండియా స్టార్ ప్లేయ‌ర్ రిషబ్ పంత్ బ్యాటింగ్ అభిమానులకు విందును పంచాడు. త‌న బౌల‌ర్ల‌కు త‌న బ్యాట్ ప‌వ‌ర్ ను చూపించాడు. ఫోర్లు, సిక్స‌ర్లు బాదుతూ ధ‌నాధ‌న్ ఇన్నింగ్స్ ను ఆడాడు. 
 

IPL 2024 DC vs GT: Rishabh Pant, Akshar Patel, who hit the sky as the limit in the batting.. Delhi's thrilling victory over Gujarat RMA
Author
First Published Apr 25, 2024, 12:21 AM IST

IPL 2024 DC vs GT :  ప్రస్తుతం అరుణ్ జైట్లీ స్టేడియంలో ఢిల్లీ క్యాపిటల్స్, గుజరాత్ టైటాన్స్ మధ్య 40వ లీగ్ మ్యాచ్ జరిగింది. ఇందులో గుజరాత్ కెప్టెన్ టాస్ గెలిచి బౌలింగ్ ఎంచుకుంది. దీంతో తొలుత బ్యాటింగ్ చేసిన ఢిల్లీ 20 ఓవ‌ర్ల‌లో 224 పరుగులు చేసింది. ఢిల్లీ జట్టుకు పృథ్వీ షా, జాక్ ఫ్రేజర్ మెక్‌కర్గ్‌లు ఓపెనర్లుగా డీసీ ఇన్నింగ్స్ ను ప్రారంభించాడు. ఇందులో మెక్‌కర్గ్ 14 బంతుల్లో 2 ఫోర్లు, 2 సిక్సర్లతో 23 పరుగుల వద్ద ఔటయ్యాడు. పృథ్వీ షా 11 పరుగుల వద్ద ఔటయ్యాడు. సందీప్ వారియర్ వేసిన 3.2, 3.5 బంతుల్లో మెక్‌కర్గ్, షా ఇద్దరూ ఔట్ అయ్యారు.

తర్వాత షాయ్ హోప్ 5 పరుగుల వద్ద ఔటయ్యాడు. దీంతో పవర్‌ప్లేలో ఢిల్లీ 3 వికెట్లు కోల్పోయి తడబడింది. ఆ తర్వాత అక్షర్ పటేల్, రిషబ్ పంత్ ఇద్దరూ కలిసి దూకుడుగా ఆడుతూ పరుగుల వ‌ర‌ద పారించారు. 7 ఓవర్లలో 3 వికెట్ల నష్టానికి 49 పరుగులు చేసిన ఢిల్లీ తర్వాతి 3 ఓవర్లలో 31 పరుగులు చేసి 10 ఓవర్లలో 80 పరుగులు చేసింది. ఆ తర్వాత కొన్ని ఓవర్లు మినహా ప్రతి ఓవర్లో 10కి పైగా పరుగులు జోడించారు. అక్షర్ పటేల్ 37 బంతుల్లో అర్ధశతకం సాధించాడు. నూర్ అహ్మద్ వేసిన 17వ ఓవర్లో వరుసగా 2 సిక్సర్లు బాది హ్యాట్రిక్ సిక్సర్ కోసం ప్రయత్నించి క్యాచ్ రూపంలో దొరికిపోయాడు. 43 బంతుల్లో 5 ఫోర్లు, 4 సిక్సర్లతో 66 పరుగులు చేశాడు.

6,6,6,6.. రిషబ్ పంత్ విధ్వంసంతో స్టేడియం ద‌ద్ద‌రిల్లింది.. !

ఆ తర్వాత ట్రిస్టన్ స్టబ్స్  ఢిల్లీ ఇన్నింగ్స్ ను కొన‌సాగించాడు. స్టబ్స్ తన వంతుగా మూడు ఫోర్లు, 2 సిక్స‌ర్లు బాదాడు. 19వ ఓవర్‌ను ఎదుర్కొన్న స్టబ్స్ 2 ఫోర్లు, 2 సిక్సర్లు బాదాడు. అదేవిధంగా, మోహిత్ శర్మ వేసిన మ్యాచ్ చివరి ఓవర్‌ను ఎదుర్కొన్న రిష‌బ్ పంత్ విధ్వంసం సృష్టించాడు. 6, 4, 6, 6, 6 స్కోరుతో 31 పరుగులు రాబ‌ట్టాడు. దీంతో రిషబ్ పంత్ 43 బంతుల్లో 5 ఫోర్లు, 8 సిక్సర్లతో 88 పరుగులు చేయగా, స్టబ్స్ 7 బంతుల్లో 3 ఫోర్లు, 2 సిక్సర్లతో 26 పరుగులతో నాటౌట్‌గా నిలిచాడు. చివరకు ఢిల్లీ క్యాపిటల్స్ 4 వికెట్ల నష్టానికి 224 పరుగులు చేసింది.

తొలి 10 ఓవర్లలో 80 పరుగులు చేసిన ఢిల్లీ క్యాపిటల్స్ చివరి 10 ఓవర్లలో 144 పరుగులు సాధించ‌డం విశేషం. ఇక బౌలింగ్ విషయానికి వస్తే గుజరాత్ టైటాన్స్ జట్టులో సందీప్ వారియర్ 3 ఓవర్లు వేసి 15 పరుగులిచ్చి 3 వికెట్లు పడగొట్టాడు. నూర్ అహ్మద్ ఒక వికెట్ తీశాడు. గుజరాత్ టైటాన్స్ బౌలర్ మోహిత్ శర్మ 4 ఓవర్లలో ఏకంగా 73 పరుగులతో స‌మ‌ర్పించుకోవ‌డంతో ఈ సీజన్‌లో అత్యధిక పరుగులు ఇచ్చిన బౌల‌ర్ గా చెత్త రికార్డును న‌మోదుచేశాడు. ఈ మ్యాచ్‌లో 50కి పైగా పరుగులు చేయడం ద్వారా కెప్టెన్ రిషబ్ పంత్ 19వ సారి 50కి పైగా పరుగులు చేసిన బ్యాట్స్‌మెన్‌ల జాబితాలో 2వ స్థానంలో నిలిచాడు. 50కి పైగా 24 సార్లు పరుగులు చేసిన డేవిడ్ వార్నర్ టాప్ లో ఉన్నాడు. శిఖర్ ధావన్ 18 సార్లు, శ్రేయాస్ అయ్యర్, వీరేంద్ర సెహ్వాగ్ చెరో 16 సార్లు ఈ ఘ‌న‌త  సాధించాడు. 

గుజరాత్ టైటాన్స్‌పై 224 పరుగులతో 200 కంటే ఎక్కువ పరుగులు చేసిన జట్ల జాబితాలో ఢిల్లీ క్యాపిటల్స్ అగ్రస్థానంలో ఉంది. ముంబై ఇండియన్స్ 218, కోల్‌కతా నైట్ రైడర్స్ 207, చెన్నై సూపర్ కింగ్స్ 206, పంజాబ్ కింగ్స్ 200 పరుగులతో తర్వాతి స్థానాలను ఆక్రమించాయి.

ఫ‌లించ‌ని గుజ‌రాత్ పోరాటం.. 

225 ప‌రుగుల భారీ టార్గెట్ తో బ‌రిలోకి దిగిన గుజ‌రాత్ టైటాన్స్ కు ఆదిలోనే షాక్ త‌గిలింది. రెండో ఓవ‌ర్ లోనే కెప్టెన్ శుభ్ మ‌న్ గిల్ వికెట్ ను కోల్పోయింది. ఆ త‌ర్వాత సాయి సుద‌ర్శ‌న్, వృద్ధిమాన్ సాహాలు గుజ‌రాత్ ఇన్నింగ్స్ ను చక్క‌దిద్దారు. ఫోర్లు సిక్స‌ర్ల‌తో విరుచుకుప‌డ్డారు. సాహా త‌న 39 ప‌రుగుల ఇన్నింగ్స్ లో 5 ఫోర్లు, ఒక సిక్స‌ర్ బాదాడు. సాయి సుద‌ర్శ‌న్ 39 బంతుల్లో 65 సాధించ‌గా, ఇందులో 7 ఫోర్లు, 2 సిక్స‌ర్లు ఉన్నాయి. ఇత‌ర బ్యాట‌ర్స్ రాణించ‌లేక‌పోయినా.. డేవిడ్ మిల్ల‌ర్ ఫోర్లు, సిక్స‌ర్లు బాదుతూ ధ‌నాధ‌న్ ఇన్నింగ్స్ ఆడాడు. 23 బంతుల్లో 55 ప‌రుగుల సాధించాడు. త‌న ఇన్నింగ్స్ లో 6 ఫోర్లు, 3 సిక్స‌ర్లు బాదాడు. ఉత్కంఠ‌గా సాగిన ఈ మ్యాచ్ లో గుజ‌రాత్ విజ‌యానికి 5 ప‌రుగుల దూరంలో ఆగిపోయింది. ఈ మ్యాచ్  త‌ర్వాత పాయింట్ల ప‌ట్టిక‌లో ఢిల్లీ, గుజ‌రాత్ లో చెరో 8 పాయింట్ల‌తో ఉన్నాయి.

6,6,6,6.. రిషబ్ పంత్ విధ్వంసంతో స్టేడియం ద‌ద్ద‌రిల్లింది.. !

Latest Videos
Follow Us:
Download App:
  • android
  • ios