IPL 2023: రివేంజ్‌కు ముంబై రెడీ.. సొంతగడ్డపై బలంగా చెన్నై.. కీలక మ్యాచ్‌లో టాస్ గెలిచిన ధోని సేన

ఐపీఎల్ -2023 సీజన్‌లో మరో డబుల్ హెడర్ వీక్ వచ్చింది.  శనివారం చెన్నైలోని చెపాక్ వేదికగా  చెన్నై సూపర్ కింగ్స్ - ముంబై ఇండియన్స్ మధ్య   ఈ సీజన్ లో రెండో ‘ఎల్ క్లాసికో’  జరుగుతున్నది.  ఇదే సీజన్ లో ఇరు జట్ల మధ్య వాంఖెడే వేదికగా ముగిసిన  పోరులో చెన్నైదే పైచేయి అయింది. తాజాగా  ముంబై దానికి బదులు తీర్చుకోవాలని భావిస్తున్నది.  ఈ మ్యాచ్ లో  చెన్నై సూపర్ కింగ్స్ టాస్ గెలిచి ఫస్ట్ బౌలింగ్ ఎంచుకుంది. ముంబై ఇండియన్స్ బ్యాటింగ్ కు రానుంది. 

ఇప్పటివరకు ఈ సీజన్ లో 10 మ్యాచ్ లు ఆడిన సీఎస్కే  ఐదు మ్యాచ్ లలో గెలిచి నాలుగింటిలో ఓడి (ఒకదాంట్లో ఫలితం తేలలేదు)  పాయింట్ల పట్టికలో  మూడో స్థానంలో ఉంది.  నేటి మ్యాచ్ లో గెలిస్తే ఆ జట్టు  టాప్ -2 కు ఎగబాకనుంది. 

ఇక ముంబై విషయానికొస్తే  ఐపీఎల్-16లో  9 మ్యాచ్ లు ఆడి  ఐదు గెలిచి నాలుగు ఓడి   పది పాయింట్లతో ఆరో స్థానంలో ఉంది. ఈ మ్యాచ్ లో భారీ విజయం అందుకుంటే  ముంబై  ఆర్సీబీతో పాటు  రాజస్తాన్ రాయల్స్, చెన్నై సూపర్ కింగ్స్  ను కూడా అధిగమించి టాప్ -2 జట్టుగా  ఉండే అవకాశాలున్నాయి.  

హెడ్ టు హెడ్ : 

ముంబై - చెన్నై మధ్య  ఇప్పటివరకు  35 మ్యాచ్ లు జరుగగా ఇందులో  20 సార్లు ముంబై.. 15  సార్లు చెన్నై నెగ్గింది. ఈ రెండు జట్లూ  ఇప్పటివరకు లీగ్ దశలో 26 సార్లు తలపడ్డాయి.   ఇందులో 15 సార్లు ముంబై.. 11 సార్లు  చెన్నై గెలిచింది.

తుది జట్లు :  ఈ మ్యాచ్ కోసం చెన్నై గత మ్యాచ్ లో ఆడిన జట్టుతోనే బరిలోకి దిగుతుండగా ముంబై మాత్రం రెండు మార్పులతో ఆడనుంది. ముంబై కీలక బ్యటర్ తిలక్ వర్మ  స్వల్ప అస్వస్థతకు గురి కావడంతో ఈ మ్యాచ్ లో అతడు అందుబాటులో లేడు. 

చెన్నై సూపర్ కింగ్స్ :  రుతురాజ్ గైక్వాడ్, డెవాన్ కాన్వే, అజింక్యా రహానే, మోయిన్ అలీ,  శివమ్ దూబే,  రవీంద్ర జడేజా,  ఎంఎస్ ధోని (కెప్టెన్), దీపక్ చాహర్, మతీశ పతిరాన, తుషార్ దేశ్‌పాండే, మహీశ్ తీక్షణ 

ముంబై ఇండియన్స్ : రోహిత్ శర్మ (కెప్టెన్), ఇషాన్ కిషన్, కామెరూన్ గ్రీన్, సూర్యకుమార్ యాదవ్, ట్రిస్టన్ స్టబ్స్, టిమ్ డేవిడ్, నెహల్ వధేరా,  జోఫ్రా ఆర్చర్, పియూష్ చావ్లా, ఆకాశ్ మధ్వల్, అర్షద్ ఖాన్ 

మరిన్ని ఇంట్రెస్టింగ్ అప్ డేట్స్ కోసం క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి

• CSK vs MI
• IPL 2023