ICC World cup 2023: గ్లెన్ ఫిలిప్స్, టామ్ లాథమ్ హాఫ్ సెంచరీలు.. భారీ స్కోరు చేసిన న్యూజిలాండ్..
New Zealand vs Afghanistan: ఒకే పరుగు తేడాతో 3 వికెట్లు కోల్పోయిన న్యూజిలాండ్... హాఫ్ సెంచరీలతో ఆదుకున్న కెప్టెన్ టామ్ లాథమ్, గ్లెన్ ఫిలిప్స్ ...
 )
Followఐసీసీ వన్డే వరల్డ్ కప్ 2023 టోర్నీలో భాగంగా నేడు చెన్నైలో ఆఫ్ఘనిస్తాన్, న్యూజిలాండ్ మధ్య మ్యాచ్ జరుగుతోంది. టాస్ ఓడి తొలుత బ్యాటింగ్ చేసిన న్యూజిలాండ్, నిర్ణీత 50 ఓవర్లలో 6 వికెట్లు కోల్పోయి 288 పరుగుల భారీ స్కోరు చేసింది.. ఒకే పరుగు తేడాతో 3 వికెట్లు కోల్పోయిన న్యూజిలాండ్‌ని కెప్టెన్ టామ్ లాథమ్, గ్లెన్ ఫిలిప్స్ కలిసి ఆదుకున్నారు..
18 బంతుల్లో 3 ఫోర్లతో 20 పరుగులు చేసిన డివాన్ కాన్వేని ముజీబ్ వుర్ రహీమ్ అవుట్ చేశాడు. 30 పరుగులకే తొలి వికెట్ కోల్పోయింది న్యూజిలాండ్. రచిన్ రవీంద్ర- విల్ యంగ్ కలిసి రెండో వికెట్‌కి 79 పరుగుల భాగస్వామ్యం జోడించారు..
అయితే 109/1 స్కోరుతో ఉన్న న్యూజిలాండ్, వరుసగా 3 వికెట్లు కోల్పోయి 110/4 స్థితికి చేరుకుంది. కేన్ విలియంసన్ ప్లేస్‌లో వచ్చిన విల్ యంగ్, 64 బంతుల్లో 4 ఫోర్లు, 3 సిక్సర్లతో 54 పరుగులు చేశాడు. రచిన్ రవీంద్రని అవుట్ చేసిన అజ్మతుల్లా, అదే ఓవర్‌లో విల్ యంగ్‌ని కూడా పెవిలియన్ చేర్చాడు.
41 బంతుల్లో 2 ఫోర్లు, ఓ సిక్సర్‌తో 32 పరుగులు చేసిన రచిన్ రవీంద్ర, అజ్మతుల్లా బౌలింగ్‌లో క్లీన్ బౌల్డ్ అయ్యాడు. 7 బంతులాడి 1 పరుగు చేసిన డార్ల్ మిచెల్, రషీద్ ఖాన్ బౌలింగ్‌లో అవుట్ అయ్యాడు. ఈ దశలో టామ్ లాథమ్, గ్లెన్ ఫిలిప్స్ కలిసి ఐదో వికెట్‌కి 144 పరుగుల భారీ భాగస్వామ్యం జోడించారు..
80 బంతుల్లో 4 ఫోర్లు, 4 సిక్సర్లతో 71 పరుగులు చేసిన గ్లెన్ ఫిలిప్స్, నవీన్ ఉల్ హక్ బౌలింగ్‌లో అవుట్ అయ్యాడు. అదే ఓవర్‌లో టామ్ లాథమ్ కూడా బౌల్డ్ అయ్యాడు. 74 బంతుల్లో 3 ఫోర్లు, 2 సిక్సర్లతో 68 పరుగులు చేసి అవుట్ అయ్యాడు టామ్ లాథమ్..
254 పరుగుల వద్ద మళ్లీ 1 పరుగు తేడాలో 2 వికెట్లు కోల్పోయింది న్యూజిలాండ్.. మార్క్ ఛాప్‌మన్ 12 బంతుల్లో 2 ఫోర్లు, ఓ సిక్సర్‌తో 25 పరుగులు చేయగా మిచెల్ సాంట్నర్ ఓ ఫోర్ బాది 7 పరుగులు చేశాడు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
